អង្គភាពគាំពារការការពារក្ដី
តួនាទីរបស់អង្គភាពគាំពារការការពារក្ដីធានាការជំនុំជម្រះក្ដីប្រពឹត្ដទៅដោយយុត្ដិធម៌ តាមរយៈការការពារជនជាប់ចោទ ប្រកបដោយ ប្រសិទ្ធិភាព ។ អង្គភាពគាំពារការការពារក្ដីទទួលខុសត្រូវផ្ដល់ជនជាប់ចោទដែលក្រីក្រនូវបញ្ជីឈ្មោះមេធាវីដែលអាចការពារពួកគេ និង ផ្ដល់ជំនួយផ្នែកច្បាប់ និង កិច្ចគាំពារផ្នែករដ្ឋបាលដល់មេធាវី ដែលចាត់ចាំងឱការពាររឿងក្ដី រួមទាំងការបើកប្របាក់កម្រៃផងដែរ ។ អង្គភាពនេះក៏មានតួនាទីផងដែរក្នុងការផ្សព្វផ្សាយសម្លេងតំណាងការការពារក្ដីនៅក្នុងព្រឹត្ដិការណ៏ផ្សព្វផ្សាយ នៅតាមសារព័រមាន ការធ្វើសម្ព័ន្ធការជាមួយតុលាការផ្សងៗ និង អង្គការក្រៅរដ្ឋាភិបាលនានា និងរៀបចំវគ្គបណ្ដុះបណ្ដាល និង កម្មវិធីហ្វឹកហាត់ការងារសំរាប់មេធាវីជំនាន់ថ្មី ។
អង្គភាពគាំពារការការពារក្ដីមានបុគ្គលិកជាមេធាវីព្រហ្មទណ្ឌអន្ដរជាតិដែល មានបទពិសោធន៏ ព្រមទាំងបុគ្គលិកជំនួយការរដ្ឋបាល ជំនួយការភាសា និង អ្នកហ្វឹកហាត់ការងារ ។

ការស្រាវជ្រាវ និង ការវិភាគ

អង្គភាពគាំពារការការពារក្ដីដំណើរការស្រាវជ្រាវ និង វិភាគផ្នែកច្បាប់យ៉ាងស៊ីជំរៅសម្រាប់សហមេធាវីដែលបានចាត់តាំងការពារ រឿងក្ដី ដើម្បីផ្ដល់ជំនួយរៀបចំសេចក្ដីសំអាងហេតុនៅចំពោះមុខតុលាការ ។

សំរាប់ការការពារក្ដី
ជនជាប់ចោទនិមួយៗនៅអង្គជំនុំជម្រះវិសាមញ្ញ ត្រូវបានការពារដោយក្រុមមេធាវី ។ ដើម្បីប្រៀបផ្ទឹមជាមួយសហព្រះរាជអាជ្ញា ជនជាប់ចោទនិមួយៗអាចមានសហមេធាវីពីរនាក់ ក្នុងនោះសហមេធាវីម្នាក់ជាជនជាតិកម្ពុជា និង សហមេធាវីម្នាក់ទៀតជាបរទេស ។ សហមេធាវីគាំទ្រដោយទីប្រឹក្សាពិគ្រោះយោបល់ផ្នែកច្បាប់ និង អ្នកគ្រប់គ្រងសំណុំរឿងដែលជាជនជាតិកម្ពុជា និង បរទេស ។

ជំនួយអនុវត្ដជាក់ស្ដែង
ក្រុមការពារក្ដីត្រូវបានផ្ដល់នូវទីកន្លែងធ្វើការងារយ៉ាងពេញលេញនៅក្នុងអង្គភាពគាំពារការការពារក្ដី ។ គ្រោងការជំនួយការ ផ្នែកច្បាប់របស់អង្គជំនុំជម្រះវិសាមញ្ញ បង្កើតឡើងដើម្បីផ្ដល់សមភាពជាមួយអយ្យការក្នុងក្របខណ្ឌបើកប្រាក់កម្រៃត្រឹមត្រូវ និង ប្រកបដោយប្រសិទ្ធិភាព ។

មេធាវីនាពេលអនាគត
កម្មវិធីហ្វឹកហាត់ការងារនៅអង្គភាពគាំពារការការពារក្ដី ជាឱកាសដ៏វិសេសវិសាលសម្រាប់មេធាវីជំនាន់ថ្មី អនុវត្ដចំណេះដឹង ដែលពួកគេទទួលបានតាមរយៈការសិក្សាច្បាប់ព្រហ្មទណ្ឌអន្ដរជាតិកំរិតខ្ពស់ ។ ហើយអនុវត្ដន៏ជាក់ស្ដែងជាញឹកញយផងដែរ ។

ការកសាងសមត្ថភាព
អង្គភាពគាំពារការការពារក្ដីសហការជាមួយគណៈមេធាវីនៃព្រះរាជាណាចក្រកម្ពុជា បើកវគ្គបណ្ដុះបណ្ដាលជាច្រើនវគ្គដល់ មេធាវីកម្ពុជា និង មេធាវីបរទេស ដែលមានបំណងការពារក្ដីនៅចំពោះមុខអង្គជំនុំជម្រះវិសាមញ្ញ ។

សម្លេងតំណាងឱការការពារក្ដី

អង្គភាពគាំពារការការពារក្ដីត្រូវធានាថា តួនាទីរបស់មេធាវីការពារក្ដីត្រូវបានពន្យល់នៅតាមព្រឹត្ដិការណ៏ផ្សព្វផ្សាយនានានៅទូទាំង ប្រទេសកម្ពុជា តាមរយៈការបណ្ដុះបណ្ដាលអង្គការក្រៅរដ្ឋភិបាល និង អ្នកសារព័រមាន ស្ដីពីបញ្ហាការពារក្ដី និង ការសំណេះសំណាលជាមួយប្រព័ន្ធសារព័រមាន ។