ការិយាលយ័ សហព្រះរាជអាជ្ញា (ក.ស.ព) គឺជាការិយាលយ័ឯករាជ្យមួយ នៅក្នុងអង្គជំនុំជម្រះវិសាមញ្ញក្នុង តុលាការកម្ពុជា(អ.វ.ត.ក)។ ក.ស.ព អនុវត្តកតព្វកិច្ចរបស់ខ្លួនដោយគ្មានការជ្រៀតជ្រែកពីរដ្ឋាភិបាលឬ ស្ថាបន័ណាមួយឡើយ។តួនាទីរបស់ក.ស.ពគឹដើម្បីចោទប្រកាន់ មេដឹកនាំជាន់ខ្ពស់ខ្មែរក្រហម និងជនទាំងឡាយ ដែលទទួលខុសត្រូវខ្ពស់បំផុតចំពោះឩក្រិដ្ឋកម្មដែលបានប្រព្រឹត្តឡើង នៅក្នុងរយៈកាលនៃកម្ពុជាប្រជាធិបតេយ្យ។ក.ស.ព បើកការស៊ើបអង្កេតបឋមធ្វើការចោទប្រកាន់ចាត់ការលើបណ្ដឹងរបស់ជនរងគ្រោះ ចូលរួមនៅក្នុងកិច្ចស៊ើបសួររបស់សហចៅក្រមស៊ើបអង្កេតដំណាក់កាលអង្គ បុរេជំនុំជម្រះតុលាការកំពូល។ ក.ស.ពមានសហប្រធានដឹកនាំដោយសហព្រះរាជអាជ្ញាកម្ពុជាមួយរូបនិងសហ ព្រះរាជអាជ្ញាអន្តរជាតិមួយរូបនិងមានបុគ្គលិក ជាតិ និងអន្តរជាតិមួយចំនួនរួមទាំងកម្មសិក្សាការីផង។
សហព្រះរាជអាជ្ញា
កិច្ច ព្រមព្រៀងរវាងអង្គការសហប្រជាជាតិ និងរាជរដ្ឋាភិបាលកម្ពុជា(ដែលបានបង្កើត អ.វ.ត.ក)យល់ព្រមឲមានព្រះរាជអាជ្ញាខ្មែរមួយរូបនិងព្រះរាជ អាជ្ញាអន្តរជាតិមួយរូបដោយបំរើការជាសហព្រះរាជអាជ្ញា។សហព្រះ រាជអាជ្ញាកម្ពុជា ត្រូវបានជ្រើសតាំងដោយឩត្ដមក្រុមប្រឹក្សានៃអង្គចៅក្រមកម្ពុជា ហើយសហព្រះរាជអាជ្ញាអន្តរជាតិត្រូវបានជ្រើសតាំងដោយ ឩត្តមក្រុមប្រឹក្សានៃអង្គចៅក្រមកម្ពុជាក្រោយពីការជ្រើសរើសឲឈរ ឈ្មោះដោយអគ្គលេខាធិការអង្គការសហប្រជាជាតិ។
លោកស្រី ជា លាង បានកើត និងធំពេញវយ័នៅក្នុងប្រទេសកម្ពុជា។ លោកស្រីធ្លាប់ទទួលបានការបណ្ដុះបណ្ដាល ច្បាប់នៅ ប្រទេសអាល្លឺម៉ង់ក្នុងរវាងឆ្នាំ ១៩៨៨ និង១៩៩៥ បានទទួលសញ្ញាបត្រ័អនុបណ្ឌិតច្បាប់ពីមហាវិទ្យាលយ័ ម៉ាទីន លូសរ័ ហាល់វិតធែនប៊ែក (Martin Luther University) នៃទីក្រុង Halle-Wittenberg នៅក្នុងរដ្ឋសហពន័្ធ Sachen-Anhalt។ ក្នុងឆ្នាំ ១៩៩៥ លោកស្រី ជា លាង បានត្រឡប់មកប្រទេសកម្ពុជាវិញ ដោយបានចូលបំរើការងារ ជាអនុប្រធានការិយាលយ័បណ្ដុះបណ្ដាលច្បាប់នៃក្រសួងយុត្តិធម៌ជាទី កន្លែងដែលលោកស្រីបានបំរើការងារអស់រយៈពេលប្រាំពីរឆ្នាំ។ នៅក្នុងអណត្តិអចិន្ត្រៃយ៍នៃ មុខតំណែងរបស់គាត់លោកស្រីគឺជាសមាជិកមួយរូបនៃគណៈកម្មការបង្កើត ក្រម ព្រហ្មទណ្ឌកម្ពុជា។ នៅក្នុងខែមករាឆ្នាំ២០០២ លោកស្រីត្រូវបានតែងតាំងជាព្រះរាជអាជ្ញាអមសាលាឧទ្ធរណ៍កម្ពុជា។ នៅថ្ងៃទី០៧ ខែឧសភា ឆ្នាំ២០០៦ លោកស្រីត្រូវបានតែងតាំងជាសហព្រះរាជ្ញាខ្មែរនៃ អ.វ.ត.ក។លោកស្រី ចេះបីភាសាគឺ ៖ ខ្មែរ អាល្លឺម៉ង់ និង អង់គ្លេស។
ការកសាងសមត្ថភាព
បច្ចុប្បន្ន នេះក.ស.ពមានសមាជិកជាបុគ្គលិកជាតិនិងអន្តរជាតិចំនួន២៧នាក់ដែល កំពុងបំរើការងារទៅតាមសមត្ថកិច្ចផ្សេងៗគ្នារួមមានសហព្រះរាជ អាជ្ញារង ជំនួយការ អ្នកស៊ើបអង្កេត អ្នកវិភាគ អ្នកស្រាវជ្រាវ ក្រឡាបញ្ជី បុគ្គលិកគ្រប់គ្រងផ្នែកព័ត៌មាន និង អ្នកបកប្រែភាសា។ ការិយាលយ័នេះក៏បានទទួលយកអ្នកហាត់ការអន្តរជាតិចំនួន៨នាក់ និងអ្នកហាត់ការជាតិចំនួន៤នាក់ផងដែរ ដើម្បីឲជួយកិច្ចប្រតិបត្តិនូវអាណត្តិរបស់ខ្លួន។លើសពីនេះទៀតចៅ ក្រមមកកម្មសិក្សា ដែលមកពីសាលាភូមិន្ទចៅក្រម នៃរាជបណ្ឌិតសភា វិជ្ជាជីវៈតុលាការបាននិងកំពុងបំពេញការងារជាអ្នកហាត់ការ ដោយផ្លាស់ប្ដូរវេនក្នុងរយៈពេលខ្លីនៅក្នុង ក.ស.ព។សមាជិកទាំងអស់នៃ ក.ស.ព ចូលរួមនៅក្នុងវគ្គបណ្ដុះបណ្ដាលជាទៀងទាត់ ដើម្បីកសាងសមត្ថភាពរបស់ខ្លួន ក្នុងវិសយ័ផ្សេងៗដែលពាក់ពន្ធ័ទៅនឹងកិច្ចការរបស់ខ្លួន។ឩទា ហរណ៍ នៅខែសីហា ឆ្នាំ២០០៧ និង ខែកក្កដា ឆ្នាំ២០០៨ ក.ស.ព បានចូលរួមនៅក្នុងសិក្ខាសាលានានា ស្ដីពីច្បាប់ព្រហ្មទណ្ឌអន្តរជាតិ ដែលបានដឹកនាំធ្វើដោយអ្នកមានបទពិសោធន៍ល្បីៗមួយចំនួនក្នុងការ ប្រកបមុខវិជ្ជាជីវៈ ដែលមកពីជុំវិញពិភពលោក។
ការអនុម័តវិធានផ្ទៃក្នុង
ក.ស.ព បានចូលរួមយ៉ាងសកម្មក្នុងការធ្វើសេចក្ដីព្រាងវិធានផ្ទៃក្នុង ដែលនាំឱ្យមានការអនុម័តដោយកិច្ចប្រជុំពេញអង្គ នៅថ្ងៃទី១២ ខែមិថុនា ឆ្នាំ២០០៧ ។ ជាបន្ដបន្ទាប់ ក.ស.ព បានផ្ដល់យោបល់ដ៏ទូលំទូលាយដល់គណៈកម្មាធិការនីតិវិធី និងវិធានផ្ទៃក្នុង ដើម្បីធ្វើវិសោធនកម្មបន្ថែមលើវិធានផ្ទៃក្នុងដោយផ្អែកលើបទពិសោធន៍ ផ្សេងៗទទួលបាននៅក្នុង ការអនុវត្ដន៍របស់ខ្លួនតាំងពីកិច្ចប្រជុំពេញអង្គនៅ ខែមិថុនា ឆ្នាំ២០០៧ ។ យោបល់ទាំងនោះត្រូវបានលើកមក ពិចារណានៅក្នុងកិច្ចប្រជុំពេញអង្គ នៅខែមករា និង ខែកញ្ញា ឆ្នាំ២០០៨ កន្លងមក ។
