កិច្ចប្រជុំពេញអង្គលើកទី ១០ របស់អង្គជំនុំជម្រះវិសាមញ្ញក្នុងតុលាការកម្ពុជា បានបញ្ចប់នៅថ្ងៃនេះ បន្ទាប់ពីបានជួបប្រជុំគ្នាអស់រយៈពេលបីថ្ងៃ ចាប់តាំងពីថ្ងៃច័ន្ទ ទី១ ដល់ថ្ងៃពុធ ទី៣ ខែសីហា ឆ្នាំ២០១១។ កិច្ចប្រជុំពេញអង្គបានពិភាក្សាសំណើសុំធ្វើវិសោធនកម្មវិធានផ្ទៃក្នុងរបស់ខ្លួន ដើម្បីលើកកម្ពស់ប្រសិទ្ធភាពនៃការរៀបចំការជំនុំជម្រះក្តី និងកិច្ចដំណើរការនីតិវិធីជំនុំជម្រះក្តីឲ្យបានឆាប់រហ័ស។
ជាលទ្ធផល កិច្ចប្រជុំពេញអង្គបានអនុម័តសំណើសុំធ្វើវិសោធនកម្មវិធានផ្ទៃក្នុងជាច្រើន។ វិធាន ផ្ទៃក្នុងពាក់ព័ន្ធនឹងបណ្តឹងសាទុក្ខភ្លាមៗនៅចំពោះមុខអង្គជំនុំជម្រះតុលាការកំពូល ត្រូវបានធ្វើវិសោធនកម្ម ដើម្បីដាក់បញ្ចូលបទប្បញ្ញត្តិចាំបាច់នានា ដែលតម្រូវឲ្យអង្គជំនុំជម្រះតុលាការកំពូលចេញសេចក្តីសម្រេចសង្ខេបលើបណ្តឹងសាទុក្ខភ្លាមៗក្នុង រយៈពេលបីខែ។ ចំណែកឯបណ្តឹងសាទុក្ខភ្លាមៗប្រឆាំងនឹងសេចក្តី សម្រេចរបស់អង្គជំនុំជម្រះសាលាដំបូង ដែលមានអានុភាពរំលត់កិច្ចដំណើរការនីតិវិធី អង្គជំនុំជម្រះតុលាការកំពូល ក្នុងកាលៈទេសៈពិសេស អាចពន្យាររយៈពេលចេញសេចក្តីសម្រេចនេះបន្ថែមបានមួយខែទៀត។ ប្រសិនបើអង្គជំនុំជម្រះតុលាការកំពូលពុំអាចរកសំឡេងភាគច្រើនលើសលុបនៅក្នុងសេចក្តីសម្រេចលើបណ្តឹងសាទុក្ខភ្លាមៗបានទេ នោះសេចក្តីសម្រេចរបស់អង្គជំនុំជម្រះសាលាដំបូងនឹងចូលជាស្ថាពរ។
វិធានពាក់ព័ន្ធនឹងការស៊ើបអង្កេតលើករណីមរណភាពនៃជនជាប់ចោទដែលស្ថិតក្នុងមន្ទីរឃុំឃាំង ត្រូវបានធ្វើវិសោធនកម្ម ដើម្បីធ្វើឲ្យការធ្វើកោសល្យវិច័យលើសាកសព លែងជាកាតព្វកិច្ចដែលត្រូវតែបំពេញជាដាច់ខាត។ ការធ្វើវិសាធនកម្មនេះនឹងធ្វើឲ្យវិធាននេះស្របតាមវិធានក្នុងច្បាប់កម្ពុជា និងវិធានជា ធរមាននៅសាលាក្តីព្រហ្មទណ្ឌអន្តរជាតិ។
ចំណែកឯវិសោធនកម្មបន្ថែមទៀត ទៅលើវិធានដែលពាក់ព័ន្ធនឹងគណៈកម្មាធិការរដ្ឋបាលតុលាការវិញ នៅពេលនេះ គណៈកម្មាធិការនេះអាចជួបប្រជុំគ្នាទៅតាមគំនិតផ្តួចផ្តើមរបស់ប្រធាន ជាជាងការជួប ប្រជុំគ្នាទៀងទាត់ជារៀងរាល់ខែ។
ជាលទ្ធផល កិច្ចប្រជុំពេញអង្គបានអនុម័តសំណើសុំធ្វើវិសោធនកម្មវិធានផ្ទៃក្នុងជាច្រើន។ វិធាន ផ្ទៃក្នុងពាក់ព័ន្ធនឹងបណ្តឹងសាទុក្ខភ្លាមៗនៅចំពោះមុខអង្គជំនុំជម្រះតុលាការកំពូល ត្រូវបានធ្វើវិសោធនកម្ម ដើម្បីដាក់បញ្ចូលបទប្បញ្ញត្តិចាំបាច់នានា ដែលតម្រូវឲ្យអង្គជំនុំជម្រះតុលាការកំពូលចេញសេចក្តីសម្រេចសង្ខេបលើបណ្តឹងសាទុក្ខភ្លាមៗក្នុង រយៈពេលបីខែ។ ចំណែកឯបណ្តឹងសាទុក្ខភ្លាមៗប្រឆាំងនឹងសេចក្តី សម្រេចរបស់អង្គជំនុំជម្រះសាលាដំបូង ដែលមានអានុភាពរំលត់កិច្ចដំណើរការនីតិវិធី អង្គជំនុំជម្រះតុលាការកំពូល ក្នុងកាលៈទេសៈពិសេស អាចពន្យាររយៈពេលចេញសេចក្តីសម្រេចនេះបន្ថែមបានមួយខែទៀត។ ប្រសិនបើអង្គជំនុំជម្រះតុលាការកំពូលពុំអាចរកសំឡេងភាគច្រើនលើសលុបនៅក្នុងសេចក្តីសម្រេចលើបណ្តឹងសាទុក្ខភ្លាមៗបានទេ នោះសេចក្តីសម្រេចរបស់អង្គជំនុំជម្រះសាលាដំបូងនឹងចូលជាស្ថាពរ។
វិធានពាក់ព័ន្ធនឹងការស៊ើបអង្កេតលើករណីមរណភាពនៃជនជាប់ចោទដែលស្ថិតក្នុងមន្ទីរឃុំឃាំង ត្រូវបានធ្វើវិសោធនកម្ម ដើម្បីធ្វើឲ្យការធ្វើកោសល្យវិច័យលើសាកសព លែងជាកាតព្វកិច្ចដែលត្រូវតែបំពេញជាដាច់ខាត។ ការធ្វើវិសាធនកម្មនេះនឹងធ្វើឲ្យវិធាននេះស្របតាមវិធានក្នុងច្បាប់កម្ពុជា និងវិធានជា ធរមាននៅសាលាក្តីព្រហ្មទណ្ឌអន្តរជាតិ។
ចំណែកឯវិសោធនកម្មបន្ថែមទៀត ទៅលើវិធានដែលពាក់ព័ន្ធនឹងគណៈកម្មាធិការរដ្ឋបាលតុលាការវិញ នៅពេលនេះ គណៈកម្មាធិការនេះអាចជួបប្រជុំគ្នាទៅតាមគំនិតផ្តួចផ្តើមរបស់ប្រធាន ជាជាងការជួប ប្រជុំគ្នាទៀងទាត់ជារៀងរាល់ខែ។