កាលពីថ្ងៃទី២៧ ខែមករា ឆ្នាំ២០១២ ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទីនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានប្រជុំជាមួយ មន្ត្រី និង បុគ្គលិកជាតិទាំងអស់ ដើម្បីជម្រាបជូនអំពីបញ្ហាប្រឈមកង្វះសាច់ប្រាក់ សម្រាប់បើកប្រាក់ខែជូន មន្ត្រី និង បុគ្គលិក
ជាតិទាំងអស់ ចាប់ពីខែមករា ឆ្នាំ២០១២ នេះតទៅ។
ក្រោយពីបានកោតសរសើរចំពោះកិច្ចខិតខំប្រឹងប្រែងរបស់មន្ត្រី និង បុគ្គលិកជាតិទាំងអស់ ដែលបានបំពេញការងារប្រកបដោយជោគជ័យ រហូតមកទល់ពេលនេះ ជាពិសេសសមិទ្ធផលជាប្រវត្តិសាស្រ្តនៃសំណុំរឿង០០១ដែលគ្រោងនឹងប្រកាសសាលដីកាស្ថាពរនៅសប្តាហ៍ក្រោយ ឯកឧត្តម ក្រាញ់ តូនី បានជម្រាបជូនអំពីបញ្ហាប្រឈមដែលជាកង្វល់ដ៏ធ្ងន់ធ្ងរមួយ គឺការខ្វះសាច់ប្រាក់សម្រាប់បើកប្រាក់ខែជូនមន្ត្រី និង បុគ្គលិកជាតិទាំងអស់។
ជាមួយគ្នានោះដែរ ឯកឧត្តម ក្រាញ់ តូនី ក៏បានរំលឹកឡើងអំពីប្រភពថវិកាដែលផ្តល់ឲ្យ អ.វ.ត.ក គឺបានមកពីប្រភពពីរសំខាន់ៈ គឺថវិកា បដិភាគរបស់រាជរដ្ឋាភិបាលកម្ពុជា និងថវិកាស្ម័គ្រចិត្តពីប្រទេសជាមិត្តរបស់ អ.វ.ត.ក។ ចំពោះថវិកាបដិភាគរបស់រាជរដ្ឋាភិបាលកម្ពុជា គឺបានផ្តល់ឲ្យដោយទាន់ពេលវេលាសម្រាប់ទ្រទ្រង់ដំណើរការទូទៅរបស់សាលាក្តី រួមមានៈ ថ្លៃទឹក-ភ្លើង ការជួសជុល និងថែទាំអាគារ សេវាដឹកជញ្ជូនបុគ្គលិកជាតិ-អន្តរជាតិទាំងអស់ សេវាថែទាំសុខភាពរបស់ជនជាប់ចោទ និងការងារផ្សព្វផ្សាយរបស់តុលាការ។ រីឯប្រាក់ខែ សម្រាប់បុគ្គលិកជាតិ គឺចំណុះទាំងស្រុងទៅលើថវិកាស្ម័គ្រចិត្តពីប្រទេសជាមិត្តរបស់ អ.វ.ត.ក។
ប្រទេសគន្លឹះដែលគាំទ្រភាគីជាតិរួមមានៈ ជប៉ុន សហគមន៍អឺរ៉ុប អូស្ត្រាលី អាឡឺម៉ង់ និង ចក្រភពអង់គ្លេស។
ជាថ្មីម្តងទៀត ឆ្នាំនេះ ក៏ដូចជាឆ្នាំមុន ភាគីជាតិបាននិងកំពុងជួបប្រទះបញ្ហាកង្វះសាច់ប្រាក់កាន់តែធ្ងន់ធ្ងរឡើង ជាពិសេស ចៅក្រម និង ព្រះរាជអាជ្ញាជាតិព្រមទាំងមន្ត្រីច្បាប់របស់ខ្លួនគឺនៅមិនទាន់បានទទួលប្រាក់ខែរបស់ខ្លួនចាប់តាំងពីខែតុលា ឆ្នាំ២០១១ មកម៉្លេះ។ ការបំពេញ ការងារដោយគ្មានប្រាក់ខែ គឺពិតជាមានផលប៉ះពាល់ ដល់ទឹកចិត្ត និង ស្មារតីរបស់បុគ្គលិកជាតិទាំងអស់។
ក្នុងស្ថានភាពបែបនេះ ឯកឧត្តម ក្រាញ់ តូនី សង្ឃឹមថា ប្រទេសផ្តល់ជំនួយសំខាន់ៗរបស់ អ.វ.ត.ក នឹង ផ្តល់ថវិកាសង្គ្រោះបន្ទាន់ (Bridging funds) ដើម្បីបន្តនិរន្តរភាពការងារតុលាការ និង ជៀសវាងការរាំងស្ទះ ដល់ដំណើរការសវនាការជំនុំជម្រះក្តី ដែលកំពុងអនុវត្ត ទៅដោយសកម្ម និង ដោយរលូន។ នាថ្ងៃអនាគត ជម្រើសដែលល្អបំផុត គឺថវិកាសម្រាប់ទ្រទ្រង់អ.វ.ត.កទាំងមូល គប្បីផ្តល់ឲ្យទាន់ពេល និងដំណាលគ្នាសម្រាប់ភាគីទាំងពីរ (ទាំងអ.ស.ប និងកម្ពុជា) ដើម្បីធានានិរន្តរភាព និងប្រសិទ្ធភាពការងារ៕
ជាតិទាំងអស់ ចាប់ពីខែមករា ឆ្នាំ២០១២ នេះតទៅ។
ក្រោយពីបានកោតសរសើរចំពោះកិច្ចខិតខំប្រឹងប្រែងរបស់មន្ត្រី និង បុគ្គលិកជាតិទាំងអស់ ដែលបានបំពេញការងារប្រកបដោយជោគជ័យ រហូតមកទល់ពេលនេះ ជាពិសេសសមិទ្ធផលជាប្រវត្តិសាស្រ្តនៃសំណុំរឿង០០១ដែលគ្រោងនឹងប្រកាសសាលដីកាស្ថាពរនៅសប្តាហ៍ក្រោយ ឯកឧត្តម ក្រាញ់ តូនី បានជម្រាបជូនអំពីបញ្ហាប្រឈមដែលជាកង្វល់ដ៏ធ្ងន់ធ្ងរមួយ គឺការខ្វះសាច់ប្រាក់សម្រាប់បើកប្រាក់ខែជូនមន្ត្រី និង បុគ្គលិកជាតិទាំងអស់។
ជាមួយគ្នានោះដែរ ឯកឧត្តម ក្រាញ់ តូនី ក៏បានរំលឹកឡើងអំពីប្រភពថវិកាដែលផ្តល់ឲ្យ អ.វ.ត.ក គឺបានមកពីប្រភពពីរសំខាន់ៈ គឺថវិកា បដិភាគរបស់រាជរដ្ឋាភិបាលកម្ពុជា និងថវិកាស្ម័គ្រចិត្តពីប្រទេសជាមិត្តរបស់ អ.វ.ត.ក។ ចំពោះថវិកាបដិភាគរបស់រាជរដ្ឋាភិបាលកម្ពុជា គឺបានផ្តល់ឲ្យដោយទាន់ពេលវេលាសម្រាប់ទ្រទ្រង់ដំណើរការទូទៅរបស់សាលាក្តី រួមមានៈ ថ្លៃទឹក-ភ្លើង ការជួសជុល និងថែទាំអាគារ សេវាដឹកជញ្ជូនបុគ្គលិកជាតិ-អន្តរជាតិទាំងអស់ សេវាថែទាំសុខភាពរបស់ជនជាប់ចោទ និងការងារផ្សព្វផ្សាយរបស់តុលាការ។ រីឯប្រាក់ខែ សម្រាប់បុគ្គលិកជាតិ គឺចំណុះទាំងស្រុងទៅលើថវិកាស្ម័គ្រចិត្តពីប្រទេសជាមិត្តរបស់ អ.វ.ត.ក។
ប្រទេសគន្លឹះដែលគាំទ្រភាគីជាតិរួមមានៈ ជប៉ុន សហគមន៍អឺរ៉ុប អូស្ត្រាលី អាឡឺម៉ង់ និង ចក្រភពអង់គ្លេស។
ជាថ្មីម្តងទៀត ឆ្នាំនេះ ក៏ដូចជាឆ្នាំមុន ភាគីជាតិបាននិងកំពុងជួបប្រទះបញ្ហាកង្វះសាច់ប្រាក់កាន់តែធ្ងន់ធ្ងរឡើង ជាពិសេស ចៅក្រម និង ព្រះរាជអាជ្ញាជាតិព្រមទាំងមន្ត្រីច្បាប់របស់ខ្លួនគឺនៅមិនទាន់បានទទួលប្រាក់ខែរបស់ខ្លួនចាប់តាំងពីខែតុលា ឆ្នាំ២០១១ មកម៉្លេះ។ ការបំពេញ ការងារដោយគ្មានប្រាក់ខែ គឺពិតជាមានផលប៉ះពាល់ ដល់ទឹកចិត្ត និង ស្មារតីរបស់បុគ្គលិកជាតិទាំងអស់។
ក្នុងស្ថានភាពបែបនេះ ឯកឧត្តម ក្រាញ់ តូនី សង្ឃឹមថា ប្រទេសផ្តល់ជំនួយសំខាន់ៗរបស់ អ.វ.ត.ក នឹង ផ្តល់ថវិកាសង្គ្រោះបន្ទាន់ (Bridging funds) ដើម្បីបន្តនិរន្តរភាពការងារតុលាការ និង ជៀសវាងការរាំងស្ទះ ដល់ដំណើរការសវនាការជំនុំជម្រះក្តី ដែលកំពុងអនុវត្ត ទៅដោយសកម្ម និង ដោយរលូន។ នាថ្ងៃអនាគត ជម្រើសដែលល្អបំផុត គឺថវិកាសម្រាប់ទ្រទ្រង់អ.វ.ត.កទាំងមូល គប្បីផ្តល់ឲ្យទាន់ពេល និងដំណាលគ្នាសម្រាប់ភាគីទាំងពីរ (ទាំងអ.ស.ប និងកម្ពុជា) ដើម្បីធានានិរន្តរភាព និងប្រសិទ្ធភាពការងារ៕