សិស្ស​ជាង​៣០០នាក់មក​ពី​ព្រៃវែងទស្សនកិច្ច​សិក្សា​នៅ​សាលា​ក្ដីខ្មែរក្រហម

ក្រោមការរៀបចំរបស់ផ្នែកកិច្ចការសាធារណៈនៃអង្គជំនុំជម្រះវិសាមញ្ញក្នុងតុលាការកម្ពុជា សិស្សានុសិស្សជាង ៣០០នាក់មកពីវិទ្យាល័យព្រះអង្គឌួង និងវិទ្យាល័យចម្រើនវិជ្ជា ក្នុងខេត្តព្រៃវែងបានធ្វើទស្សនកិច្ចសិក្សាស្វែងយល់ពីដំណើរការជំនុំជម្រះក្តីលើអតីតមេដឹកនាំខ្មែរក្រហម និងទស្សនាសារៈមន្ទីរប្រល័យពូជសាសន៍ទួលស្លែង និងវាលពិឃាត បឹងជើងឯក។ លោក នេត្រ ភក្ត្រា មន្ត្រីនាំពាក្យសាលាក្តីខ្មែរក្រហមបានថ្លែងថា ដំណើរទស្សនកិច្ចរបស់សិស្សានុសិស្សនាពេលនេះធ្វើឡើងដើម្បីពង្រឹងបន្ថែមនូវចំណេះដឹងផ្នែកប្រវត្តិ សាស្ត្រនៃរបបកម្ពុជាប្រជាធិបតេយ្យ ពិនិត្យមើលទីតាំងឧក្រិដ្ឋកម្មមួយចំនួន ដែលបន្សល់ទុកពីរបបខ្មែរក្រហម និងការចងចាំរឿងរ៉ាវអតីតកាល។

លោក នេត្រ ភក្ត្រា បានជម្រាបជូនសិស្សានុសិស្សអំពីដំណើរការជំនុំជម្រះក្តីនៅចំពោះមុខអង្គជំនុំ ជម្រះវិសាមញ្ញក្នុងតុលាការកម្ពុជាដែលបានកំណត់ដោយដែនយុត្តាធិការរបស់តុលាការដោយជំនុំជម្រះក្តី តែទៅលើជនពីរជំពូកប៉ុណ្ណោះគឺអតីតមេដឹកនាំជាន់ខ្ពស់នៃរបបខ្មែរក្រហម និងអ្នកទទួលខុសត្រូវខ្ពស់ក្នុង ឧក្រិដ្ឋកម្មធ្ងន់ធ្ងរបំផុតដែលប្រព្រឹត្តឡើងចន្លោះពីថ្ងៃទី១៧ ខែមេសា ឆ្នាំ ១៩៧៥ ដល់ថ្ងៃទី៦ ខែមករា ឆ្នាំ ១៩៧៩។ មន្ត្រីនាំពាក្យដដែលក៏បានពន្យល់សិស្សានុសិស្សផងដែរអំពីដំណើរការនីតិវិធីដែលបានអនុវត្តនៅសាលា ក្តីខ្មែរក្រហមក្នុងដំណើរស្វែងរកការពិត និងយុត្តិធម៌ជូនប្រជាជនកម្ពុជា។

លោក នេត្រ ភក្ត្រា បានមានប្រសាសន៍ថា ការជំនុំជម្រះក្តីនេះគឺសម្រាប់ប្រជាជនកម្ពុជា។ សាលា ក្តីខ្មែរក្រហមនេះគឺជាតុលាការចម្រុះកម្ពុជា-អង្គការសហប្រជាជាតិមួយដែលត្រូវបានគេមើលឃើញថាជា មធ្យោបាយមួយដើម្បីផ្តល់ឱកាសឱ្យមានការចូលរួមពេញទំហឹងពីសំណាក់ប្រជាជនកម្ពុជាហើយទន្ទឹមនេះ ធានាឱ្យបានតាមបទដ្ឋានអន្តរជាតិ។ លោកបានបញ្ជាក់ថា ចាប់តាំងពីដំណើរការរហូតមកទល់ពេលនេះ សាធារណជនជាង ៣៥ ម៉ឺននាក់បានមកចូលរួមស្តាប់សវនាការ និងទស្សនកិច្ចសិក្សាដោយផ្ទាល់នៅសា លាក្តីខ្មែរក្រហម។ ចំនួននេះគឺបញ្ជាក់ពីការចូលរួមយ៉ាងច្រើនលើសលុបរបស់សាធារណជន ក្នុងដំណើរការជំនុំជម្រះក្តីលើអតីតមេដឹកនាំខ្មែរក្រហម បើប្រៀបធៀបទៅនឹងតុលាការអន្តរ ជាតិដទៃទៀត។ ការចូលរួមគាំទ្រដ៏ច្រើននេះត្រូវបានលោក នេត្រ ភក្ត្រា គូសបញ្ជាក់ថាដោយសារតែសាលាក្តីខ្មែរក្រហមមានទីតាំង នៅកម្ពុជាជាកន្លែងដែលឧក្រិដ្ឋកម្មបានកើតឡើង មនុស្សជាច្រើនលាននាក់បានស្លាប់បាត់បង់ជីវិត ហើយ ពលរដ្ឋកម្ពុជាទាំងអស់សុទ្ធតែទទួលរងដោយផ្ទាល់ និងដោយប្រយោលពីឧក្រិដ្ឋកម្មដែលបង្កឡើងដោយរបបខ្មែរក្រហម ហើយពួកគាត់មានការចាប់អារម្មណ៍ចង់ស្វែងយល់ និងបានឃើញពីដំណើរការតុលាការ។

មន្ត្រីនាំពាក្យសាលាក្តីខ្មែរក្រហមរំពឹងថាសិស្សានុសិស្សដែលបានចូលរួមក្នុងដំណើរទស្សនកិច្ចសិក្សា និងការស្តាប់ការធ្វើបាឋកថា និងការទស្សនាទីតាំងឧក្រិដ្ឋកម្មនានានេះនឹងទទួលបាននូវចំណេះដឹងថ្មីៗបន្ថែមទៀតទាក់ទងនឹងរឿងរ៉ាវ ដែលកើតឡើងនៅក្នុងរបបខ្មែរក្រហម និងពង្រឹងការចងចាំប្រវត្តិសាស្ត្រកម្ពុជាផងដែរ។  

Most read

នៅថ្ងៃនេះ សហចៅក្រមស៊ើបអង្កេតអន្តរជាតិ បានជូនដំណឹងទៅភាគីទាំងអស់នៃសំណុំរឿង ០០៣ ថាកិច្ចស៊ើបសួររបស់តុលាការនៅក្នុងសំណុំរឿង ០០៣ នេះ បានបិទបញ្ចប់ហើយ។ ភាគីពាក់ព័ន្ធនានាមានរយៈពេល ៣០ ថ្ងៃ ដើម្បីស្នើសុំការស៊ើបសួរបន្ថែមទៀត។... នៅថ្ងៃពុធ ទី ១១ ខែ មករា ឆ្នាំ ២០១៧ អង្គជំនុំជម្រះសាលាដំបូងបានបិទបញ្ចប់សវនាការលើភ័ស្តុតាង នៅក្នុងសំណុំរឿង ០០២/០២ ពាក់ព័ន្ធនឹងបទចោទប្រកាន់ស្តីពីឧក្រិដ្ឋកម្មប្រឆាំងមនុស្សជាតិ អំពើប្រល័យពូជសាសន៍ និង    ...
ស្ថិតនៅក្រោមគម្រោងនៃការចងចាំ សាលាក្តីខ្មែរក្រហមបានបន្តសកម្មភាពរបស់ខ្លួនក្នុងការផ្សព្វផ្សាយអំពីដំណើរការជំនុំជម្រះក្តីលើអតីតមេដឹកនាំមេដឹកនាំខ្មែរក្រហមជូនដល់សាធារណជន។ នៅថ្ងៃទី១៨ ខែមករា ឆ្នាំ ២០១៧ នេះ មន្ត្រីនាំពាក្យសាលាក្តីខ្មែរក្រហម លោក នេត្រ ភក្ត្រា... ក្រោមការរៀបចំរបស់ផ្នែកកិច្ចការសាធារណៈនៃអង្គជំនុំជម្រះវិសាមញ្ញក្នុងតុលាការកម្ពុជា សិស្សានុសិស្សជាង ៣០០នាក់មកពីវិទ្យាល័យព្រះអង្គឌួង និងវិទ្យាល័យចម្រើនវិជ្ជា...
បើទោះបីជាសាលាក្ដីខ្មែរក្រហមមិនបើកសវនាការ ប៉ុន្ដែផ្នែកកិច្ចការសាធារណៈនៃសាលាក្ដីខ្មែរក្រហមនៅតែមមាញឹករៀបចំឲ្យមានដំណើរ ទស្សនកិច្ចរបស់សាធារណៈជនទៅកាន់សាលាក្ដីខ្មែរក្រហមរៀងរាល់សប្ដាហ៍។ ជាក់ស្ដែងនៅរសៀលថ្ងៃសុក្រ ទី២០ ខែមករា ឆ្នាំ... «យុវជនត្រូវសិក្សាពីប្រវត្តិសាស្ត្ររបស់ខ្លួនឱ្យបានច្បាស់លាស់ ជាពិសេសរឿងរ៉ាវ ដែលកើតឡើងនៅក្នុងរបបកម្ពុជាប្រជាធិបតេយ្យ»។ នេះគឺជាការលើកឡើងរបស់លោក នេត្រ ភក្ត្រា មន្ត្រីនាំពាក្យនៃអង្គជំនុំជម្រះវិសាមញ្ញក្នុងតុលាការកម្ពុជានៅថ្ងៃទី២៥ ខែមករា ឆ្នាំ ២០១៧...

ស្វែង​យល់​ច្រើន​ទៀត​ពី៖

អ.វ.ត.ក​ លើ​ប្រព័ន្ធ​ព័ត៌មាន​សង្គម


Youtube
Twitter
Flickr

Instagram

Latest news