គម្រោង​​ថ​វិកា​កែ​សម្រួ​ល​របស់​ អ.វ.ត.ក ​សម្រាប់​ឆ្នាំ​ ២០១៦​-២០១៧​

គម្រោងថវិកាកែសម្រួលរបស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)  សម្រាប់ឆ្នាំ ២០១៦-២០១៧ ត្រូវបានអនុម័តដោយក្រុមប្រទេសដែលមានចំណាប់អារម្មណ៍លើការងាររបស់ អ.វ.ត.ក នៅបុរីញ៉ូយក សហរដ្ឋអាមេរិក និងត្រូវបានផ្សព្វផ្សាយលើគេហទំព័រ អ.វ.ត.ក ហើយនាពេលនេះ។

គម្រោងថវិកាកែសម្រួលសម្រាប់ឆ្នាំ ២០១៧ នេះ មានទឹកប្រាក់សរុបចំនួន ៣០,១៣ លានដុល្លារអាមេរិក ដែលក្នុងនោះភាគីអន្តរជាតិ គ្រោងចំណាយចំនួន ២៣,៧៦ លានដុល្លារអាមេរិក និង ភាគីជាតិ គ្រោងចំណាយចំនួន ៦,៣៧ លានដុល្លារអាមេរិក។ គម្រោងថវិកាសម្រាប់ឆ្នាំ ២០១៦ ត្រូវបានកែសម្រួលដោយឈរមូលដ្ឋាននៃការចំណាយសរុបចំនួន ៣០,៦១ លានដុល្លារ ដែលក្នុងនោះភាគីអន្តរជាតិចំណាយថវិកាអស់ចំនួន ២៤,០៦ លានដុល្លារអាមេរិក និងភាគីជាតិចំណាយថវិកា ៦,៦៤ លានដុល្លារអាមេរិក។ 

គម្រោងថវិកាកែសម្រួលសម្រាប់ឆ្នាំ ២០១៦ និង២០១៧ បានកើនឡើងចំនួន ១,៩៤ លានដុល្លារអាមេរិក សម្រាប់ទាំងពីរភាគី គឺភាគីជាតិ និងអន្តរជាតិនៃ អ.វ.ត.ក ។ 

ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោកឃ្នុត រ៉ូហ្សិនហក អនុប្រធានការិយាល័យរដ្ឋបាលនៃអ.វ.ត.ក បានថ្លែងថា៖ “យើងខ្ញុំសូមស្វាគមន៍ចំពោះការអនុម័តលើគម្រោងថវិកាថ្មីនេះ និងសូមអំពាវនាវដ៏ទទួចដល់សហគមន៍ម្ចាស់ជំនួយ បន្តផ្តល់ជំនួយហិរញ្ញវត្ថុចាំបាច់ដល់ អ.វ.ត.ក ដើម្បីអនុវត្តដោយជោគជ័យលើអាណត្តិការងាររបស់ខ្លួន”។

Most read

គម្រោងថវិកាកែសម្រួលរបស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)  សម្រាប់ឆ្នាំ ២០១៦-២០១៧ ត្រូវបានអនុម័តដោយក្រុមប្រទេសដែលមានចំណាប់អារម្មណ៍លើការងាររបស់ អ.វ.ត.ក នៅបុរីញ៉ូយក សហរដ្ឋអាមេរិក និងត្រូវបានផ្សព្វផ្សាយលើគេហទំព័រ អ.វ.ត.ក... សហចៅក្រមស៊ើបអង្កេតអន្ដរជាតិបានចេញសេចក្ដីសម្រេចទៅលើ ថាតើការវាយប្រហារប្រឆាំងនឹងកងកម្លាំងប្រដាប់អាវុធផ្ទាល់របស់រដ្ឋ ឬរបបមួយ អាចត្រូវបានចាត់ទុកថាជាការវាយប្រហារប្រឆាំងនឹងជនស៊ីវិល ដែលមានចែងក្នុងច្បាប់ពាក់ព័ន្ធទៅនឹងឧក្រិដ្ឋកម្មប្រឆាំងនឹងមនុស្សជាតិ...
នៅថ្ងៃទី ២២  ខែ កុម្ភៈ ឆ្នាំ ២០១៧ សហចៅក្រមស៊ើបអង្កេត បានចេញដីកា ដំណោះស្រាយ រួមគ្នានៅក្នុងកិច្ចដំណើរការនីតិវិធីប្រឆាំង អ៊ឹម ចែម នៅក្នុងសំណុំរឿង ០០៤/១។ នៅថ្ងៃទី ២៧ ខែ កុម្ភៈ ឆ្នាំ ២០១៧ អង្គជំនុំជម្រះសាលាដំបូងបានកាត់បន្ថយវិសាលភាពនៃសំណុំរឿង ០០២ ប្រឆាំង ខៀវ សំផន និង នួន ជា ដោយដកចេញនូវអង្គហេតុទាំងឡាយណាដែលមាននៅក្នុងដីកាដំណោះស្រាយ ហើយដែលមិនត្រូវបានបញ្ចូលនៅក្នុងសំណុំរឿង ០០២/០១ ឬ សំណុំរឿង ០០២/០២។...
អង្គភាពគាំពារជនរងគ្រោះសហមេធាវីនាំមុខតំណាងដើមបណ្តឹងរដ្ឋប្បវេណីនិងមេធាវីតំណាង

ស្វែង​យល់​ច្រើន​ទៀត​ពី៖

អ.វ.ត.ក​ លើ​ប្រព័ន្ធ​ព័ត៌មាន​សង្គម


Youtube
Twitter
Flickr

Instagram

Latest news