សិស្សានុសិស្ស និងលោកគ្រូអ្នកគ្រូមកពីវិទ្យាល័យចំនួនពីរក្នុងស្រុកសំរោងទង ខេត្តកំពង់ស្ពឺ ចំនួន៣២០ នាក់ រួមនឹងនិស្សិតដឹកនាំដោយអង្គការកម្មវិធីអភិវឌ្ឍន៍ធនធានយុវជន (YRDP) ក្នុងទីក្រុងភ្នំពេញ ចំនួន ១៥ នាក់ មកបំពេញទស្សនកិច្ចសិក្សានៅអង្គជំនុំជម្រះវិសាមញ្ញក្នុងតុលាការកម្ពុជា នៅថ្ងៃទី១៦ ខែមករា ឆ្នាំ ២០១៨។ ទស្សនកិច្ចដែលរៀបចំឡើងដោយផ្នែកកិច្ចការសាធារណៈនេះ ធ្វើឡើងក្នុងគោលបំណងដើម្បីសិក្សាស្វែងយល់អំពីដំណើការរបស់សាលាក្ដីខ្មែរក្រហមក្នុងការជំនុំជម្រះក្តីលើអតីតមេដឹកនាំជាន់ខ្ពស់និងអ្នកទទួលខុសត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុតប្រព្រឹត្តនៅក្នុងអំឡុងពេលនៃរបបខ្មែរក្រហម ក៏ដូចជាការសិក្សាស្វែងយល់បន្ថែមអំពីប្រវត្តិសាស្ដ្រនៃរបបកម្ពុជាប្រជាធិបតេយ្យ។ បន្ទាប់ពីបំពេញទស្សនកិច្ចនៅតុលាការខ្មែរក្រហមរយៈពេលពេញមួយព្រឹក នៅរសៀលថ្ងៃដដែលនេះ និស្សិត សិស្សានុសិស្ស និងលោកគ្រូអ្នកគ្រូទាំងនេះ ក៏បន្ដទៅទស្សនកិច្ចនៅរមន្ទីរឧក្រិដ្ឋកម្មប្រល័យពូជសាសន៍ទួលស្លែង និងវាលពិឃាតដបឹងជើងឯកផងដែរ៕