លោកគ្រូអ្នកគ្រូចំនួន ៥០០ នាក់ មកពីខេត្តចំនួន ៤ រួមមាន ខេត្តកំពង់ចាម កំពង់ធំ ត្បូងឃ្មុំ និងក្រចេះ ដែលជាសិក្ខាកាមកំពុងទទួលវគ្គបំប៉ននៅមជ្ឈមណ្ឌលគរុកោសល្យភូមិភាគខេត្តកំពង់ចាម បានមកបំពេញទស្សនកិច្ច នៅអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ទស្សនកិច្ចនេះបានប្រព្រឹត្តទៅចំនួនពីរថ្ងៃ គឺនៅថ្ងៃទី ១៨ និងថ្ងៃទី ២០ ខែកញ្ញា ឆ្នាំ ២០១៨។
ទស្សនកិច្ចដែលរៀបចំឡើងដោយផ្នែកកិច្ចការសាធារណៈនេះ ធ្វើឡើងក្នុងគោលបំណងផ្ដល់ចំណេះដឹងដល់ សិស្សានុ សិស្ស និស្សិត និងសាធារណៈជនទាំងអស់ អំពីដំណើការរបស់សាលាក្ដីខ្មែរក្រហមក្នុងការជំនុំជម្រះក្តីលើអតីតមេដឹក នាំជាន់ខ្ពស់ និងអ្នកទទួលខុសត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុតប្រព្រឹត្តនៅក្នុងអំឡុងពេលនៃរបបខ្មែរក្រហម ក៏ដូចជាការសិក្សាស្វែងយល់បន្ថែមអំពីប្រវត្តិសាស្ដ្រនៃរបបកម្ពុជាប្រជាធិបតេយ្យ។ ក្រៅពីបំពេញទស្សនកិច្ចនៅតុលា ការខ្មែរក្រហម លោកគ្រូអ្នកគ្រូទាំងអស់ ក៏បានទៅទស្សនកិច្ចនៅមន្ទីរឧក្រិដ្ឋកម្មប្រល័យពូជសាសន៍ទួលស្លែង និងសារមន្ទីរឧក្រិដ្ឋកម្មប្រល័យពូជសាសន៍ទួលស្លែងផងដែរ៕
