Key events

2014

  • 7 សីហា 2014
    ខៀវ សំផន និង​ នួន ជា ត្រូវ​បាន​កាត់​ទោស​ឲ្យ​ជាប់​ពន្ធ​នាគារ​អស់​មួយ​ជីវិត

    ខៀវ សំផន និង​ នួន ជា ត្រូវ​បាន​កាត់​ទោស​ឲ្យ​ជាប់​ពន្ធ​នាគារ​អស់​មួយ​ជីវិត

    អង្គជំនុំជម្រះសាលាដំបូងបានរកឃើញថា នួន ជា និង ខៀវ សំផន មានទោសពីបទឧក្រិដ្ឋកម្មប្រឆាំងមនុស្សជាតិក្នុងសំណុំរឿង ០០២/០១ ហើយអ្នកទាំងពីរត្រូវបានកាត់ទោសឲ្យជាប់ពន្ធនាគារអស់មួយជីវិត។ អានបន្ដ...

     

2012

  • 16 កញ្ញា 2012
    អៀង ធីរិទ្ធ ត្រូវបាន​ដោះលែង​ពី​មន្ទីរ​ឃុំឃាំង​បណ្តោះ​អាសន្ន

    អៀង ធីរិទ្ធ ត្រូវបាន​ដោះលែង​ពី​មន្ទីរ​ឃុំឃាំង​បណ្តោះ​អាសន្ន

    បន្ទាប់ពីអង្គជំនុំជម្រះសាលាដំបូងចេញសេចក្តីសម្រេចនៅថ្ងៃទី១៣ ខែកញ្ញា ឆ្នាំ២០១២ ដែលថា អៀង ធីរិទ្ធ នៅតែ​ពុំមាន​កាយសម្បទា​និង​បញ្ញា​ស្មារតី​គ្រប់គ្រាន់​ក្នុងការ​ចូលរួម​ការ​ជំនុំជម្រះ​ក្តី ហើយ​បន្ទាប់ពី​អង្គជំនុំជម្រះ​តុលាការ​កំពូល​សម្រេច​ថា​ពុំមាន​ការ​ចាំបាច់​ក្នុងការ​បន្ត​ឃុំខ្លួន អៀង ធីរិទ្ធ ក្នុង​អំឡុងពេល​ដែល​រង់ចាំ​សេចក្តី​សម្រេច​របស់​អង្គជំនុំជម្រះ​តុលាការ​កំពូល​ទៅលើ​បណ្តឹងសាទុក្ខ​របស់​សហព្រះរាជអាជ្ញា ពាក់ព័ន្ធនឹង​លក្ខខណ្ឌ​នៃ​ការ​ដោះលែង​រូបគាត់ អៀង ធីរិទ្ធ ត្រូវបាន​ដោះលែង​ពី​មន្ទីរ​ឃុំឃាំង​បណ្តោះអាសន្ន​របស់ អ.វ.ត.ក ។ នៅថ្ងៃទី១៧ ខែធ្នូ ឆ្នាំ២០១២ អង្គជំនុំជម្រះ​តុលាការ​កំពូល​បាន​សម្រេច​អនុវត្ត​ដោយ​ផ្នែក​នូវលក្ខខណ្ឌទាំងប៉ុន្មាន​ដែល​ស្នើសុំ​នៅក្នុង​បណ្តឹង​សាទុក្ខ​របស់​សហ​ព្រះរាជអាជ្ញា ពាក់ព័ន្ធនឹង​ការ​ដោះលែង អៀង ធីរិទ្ធ និង​ដាក់ឲ្យ​អនុវត្តន៍​នូវ​អធិការកិច្ច​ផ្លូវច្បាប់​មួយចំនួន​ទៅលើ​រូបគាត់។ អានបន្ត

     
  • 26 កក្កដា 2012
    កាំង ហ្គេកអ៊ាវ ត្រូវបាន​តុលាការ​រកឃើញថា​មានទោស ពីបទ​ឧក្រិដ្ឋកម្ម​ប្រឆាំង​នឹង​មនុស្សជាតិ និង​ការ​រំលោភបំពាន​ធ្ងន់ធ្ងរ​លើ​អនុសញ្ញា​ទីក្រុង​ហ្សឺណែវ​ឆ្នាំ១៩៤៩

    កាំង ហ្គេកអ៊ាវ ត្រូវបាន​តុលាការ​រកឃើញថា​មានទោស ពីបទ​ឧក្រិដ្ឋកម្ម​ប្រឆាំង​នឹង​មនុស្សជាតិ និង​ការ​រំលោភបំពាន​ធ្ងន់ធ្ងរ​លើ​អនុសញ្ញា​ទីក្រុង​ហ្សឺណែវ​ឆ្នាំ១៩៤៩

    អង្គជំនុំជម្រះសាលាដំបូង​បាន​ប្រកាស​សាលក្រម​ក្នុង​សំណុំរឿង ០០១ ប្រឆាំងនឹង កាំង ហ្គេកអ៊ាវ ហៅ ឌុច ដែល​សម្រេច​ថា ឌុច មានទោស​ពីបទ​ឧក្រិដ្ឋកម្ម​ប្រឆាំង​នឹង​មនុស្សជាតិ និង​ការ​រំលោភបំពាន​ធ្ងន់ធ្ងរ​លើ​អនុសញ្ញា​អន្តរជាតិ ឆ្នាំ១៩៤៩។ អានបន្ត

     
  • 3 កុម្ភៈ 2012
    កាំង ហ្គេកអ៊ាវ ត្រូវ​អង្គជំនុំជម្រះ​តុលាការ​កំពូល​ផ្តន្ទាទោស​ដាក់​ពន្ធនាគារ​អស់​មួយជីវិត

    កាំង ហ្គេកអ៊ាវ ត្រូវ​អង្គជំនុំជម្រះ​តុលាការ​កំពូល​ផ្តន្ទាទោស​ដាក់​ពន្ធនាគារ​អស់​មួយជីវិត

    នៅក្នុងសេចក្តីសម្រេចទៅបណ្តឹងសាទុក្ខ អង្គជំនុំជម្រះ​តុលាការ​កំពូល​សម្រេច​ផ្តន្ទាទោស កាំង ហ្គេកអ៊ាវ ហៅ ឌុច ដាក់​ពន្ធនាគារ​អស់​មួយជីវិត ដែលនេះ​ជា​ទោស​ធ្ងន់​បំផុត​ក្រោម​ច្បាប់​កម្ពុជា ពីបទ​ឧក្រិដ្ឋកម្ម​ប្រឆាំង​នឹង​មនុស្សជាតិ និង​ការ​រំលោភបំពាន​ធ្ងន់ធ្ងរ​លើ​អនុសញ្ញា​ទីក្រុង​ហ្សឺណែវ​ឆ្នាំ១៩៤៩។ ការប្រកាស​សាលដីកា​របស់​អង្គជំនុំជម្រះ​តុលាការ​កំពូល គឺជា​សញ្ញា​នៃការ​បិទ​សំណុំរឿង ០០១ ទាំងស្រុង។ អានបន្ត

     

2011

  • 21 វិច្ឆិកា 2011
    ការអានសេចក្តីសន្និដ្ឋានលើបទចោទប្រកាន់ក្នុងសំណុំរឿង ០០២

    ការអានសេចក្តីសន្និដ្ឋានលើបទចោទប្រកាន់ក្នុងសំណុំរឿង ០០២

    សវនាការក្នុងសំណុំរឿង ០០២ ចាប់ផ្តើម​ដោយ​អង្គសវនាការ​ស្តាប់​ការ​អាន​សេចក្តី​សន្និដ្ឋាន​លើ​បទ​ចោទប្រកាន់​របស់​សហព្រះរាជអាជ្ញា ប្រឆាំង​នឹង​ជនជាប់ចោទ។

     
  • 27 មិថុនា 2011
    សវនាការបឋមក្នុងសំណុំរឿង ០០២

    សវនាការបឋមក្នុងសំណុំរឿង ០០២

    អង្គជំនុំជម្រះ​សាលាដំបូង​ចាប់ផ្តើម​បើក​​សវនាការ​បឋម​រយៈពេល៤ថ្ងៃ ក្នុងសំណុំរឿង ០០២ ប្រឆាំងនឹង ខៀវ សំផន, អៀង សារី, នួន ជា និង អៀង ធីរិទ្ធ ។

     
  • 13 មករា 2011

    អង្គបុរេជំនុំជម្រះ​បញ្ជាក់​អះអាង​និង​ធ្វើ​វិសោធនកម្ម​លើ​បទ​ចោទ​ប្រកាន់​មួយចំនួន​ក្នុង​សំណុំ​រឿង ០០២

    បន្ទាប់ពីទទួលបានបណ្តឹងសាទុក្ខពីជនជាប់ចោទ អង្គបុរេជំនុំជម្រះ​បាន​បញ្ជាក់​អះអាង​និង​ធ្វើ​វិសោធនកម្ម​លើ​បទ​ចោទ​ប្រកាន់​មួយចំនួន​ក្នុង​ដីកាដំណោះស្រាយ​នៃ​សំណុំរឿង ០០២ និង​បញ្ជា​ឲ្យ​បញ្ជូន​សំណុំរឿង​ទៅ​ជំនុំជម្រះ។ អានបន្ថែម

     

     

2010

  • 15 កញ្ញា 2010
    ​សហចៅក្រមស៊ើបអង្កេតចោទប្រកាន់ នួន​ ជា, ខៀវ សំផន, អៀង សារី និង អៀង ធីរិទ្ធ

    ​សហចៅក្រមស៊ើបអង្កេតចោទប្រកាន់ នួន​ ជា, ខៀវ សំផន, អៀង សារី និង អៀង ធីរិទ្ធ

    សហចៅក្រមស៊ើបអង្កេតបានចេញ ដីកាដំណោះស្រាយក្នុងសំណុំរឿង ០០២ ដោយ​ចោទប្រកាន់​ជនជាប់ចោទ​ទាំងបួនរូប ពី​បទ​ឧក្រិដ្ឋកម្ម​ប្រឆាំងនឹង​មនុស្សជាតិ ការរំលោភបំពាន​ធ្ងន់ធ្ងរ​លើ​អនុសញ្ញា​ទីក្រុង​ហ្សឺណែវ​ឆ្នាំ១៩៤៩ និង​ឧក្រិដ្ឋកម្ម​ប្រល័យ​ពូជសាសន៍​ប្រឆាំង​នឹង​ជនជាតិ​ភាគតិច​ចាម​និង​វៀតណាម។ អានបន្ត

     

     

2009

  • 7 កញ្ញា 2009

    សហព្រះរាជអាជ្ញា​អន្តរជាតិ​ស្នើសុំ​ឲ្យ​បើកការ​ស៊ើបអង្កេត​លើ​ជនសង្ស័យ​ចំនួន​ប្រាំរូប​ទៀត

    សហព្រះរាជអាជ្ញាអន្តរជាតិបានបញ្ជូនដីកាបញ្ជូនរឿងឲ្យស៊ើបសួរ​ថ្មីចំនួន២ទៀត ដោយស្នើសុំ​សហចៅក្រម​ស៊ើបអង្កេត​ឲ្យ​ដំណើរការ​ស៊ើបអង្កេត​ទៅលើ​ឧក្រិដ្ឋកម្ម​ដែល​សង្ស័យ​ថាបាន​ប្រព្រឹត្ត​ដោយ​ជនសង្ស័យ​ចំនួន​៥រូប​ទៀត។ ដីកា​បញ្ជូនរឿង​ឲ្យ​ស៊ើបសួរ​ថ្មី​ចំនួន២​នេះ​គឺជា​មូលដ្ឋានគ្រឹះ​នៃ​សំណុំឯកសារ សំណុំរឿង ០០៣ និង ០០៤អានបន្ថែម

     

     
  • 30 មិនា 2009
    ការអានសេចក្តីសន្និដ្ឋាន​លើ​បទ​ចោទប្រកាន់​ក្នុង​សំណុំរឿង ០០១

    ការអានសេចក្តីសន្និដ្ឋាន​លើ​បទ​ចោទប្រកាន់​ក្នុង​សំណុំរឿង ០០១

    ការអានសេចក្តីសន្និដ្ឋានលើបទចោទ​ប្រកាន់​ក្នុង​សំណុំរឿង ០០១ ជា​ការ​ចាប់ផ្តើម​សវនាការ​សាធារណៈ​ប្រឆាំង​នឹង កាំង ហ្គេកអ៊ាវ ហៅ ឌុច។

     
  • 17 កុម្ភៈ 2009
    សវនាការបឋមលើសំណុំរឿង ០០១

    សវនាការបឋមលើសំណុំរឿង ០០១

    អង្គជំនុំជម្រះសាលាដំបូងចាប់ផ្តើមបើកសវនាការបឋមលើសំណុំរឿង ០០១ ប្រឆាំងនឹង កាំង ហ្គេកអ៊ាវ ហៅ ឌុច។ អានបន្ត

     

     

2008

  • 5 ធ្នូ 2008
    អង្គបុរេជំនុំជម្រះ​កែសម្រួល​ចំណុច​ខ្លះ និង​យល់ស្រប​ចំណុចខ្លះទៀត នៃ​បទចោទ​ប្រកាន់​លើ កាំង ហ្គេកអ៊ាវ ហៅ ឌុច

    អង្គបុរេជំនុំជម្រះ​កែសម្រួល​ចំណុច​ខ្លះ និង​យល់ស្រប​ចំណុចខ្លះទៀត នៃ​បទចោទ​ប្រកាន់​លើ កាំង ហ្គេកអ៊ាវ ហៅ ឌុច

    បន្ទាប់ពីទទួលបានបណ្តឹងសាទុក្ខរបស់សហព្រះរាជអាជ្ញា អង្គបុរេជំនុំជម្រះ​បាន​កែសម្រួល​ចំណុច​មួយចំនួន និង​យល់ស្រប​នឹង​ចំណុច​មួយ​ចំនួន​ទៀត នៃ​បទ​ចោទប្រកាន់​លើ កាំង ហ្គេកអ៊ាវ ហៅ ឌុច និង​បាន​បញ្ជា​ឲ្យ​បញ្ជូន​សំណុំរឿង​ទៅ​ជំនុំជម្រះ។

     
  • 8 សីហា 2008

    សហចៅក្រមស៊ើបអង្កេត​សម្រេច​ចោទ​ប្រកាន់ កាំង ហ្គេកអ៊ាវ ហៅ ឌុច

    សហចៅក្រមស៊ើបអង្កេតចេញដីកាសន្និដ្ឋានលើសំណុំរឿង ០០១ ដោយ​ចោទ​ប្រកាន់ កាំង ហ្គេកអ៊ាវ ហៅ ឌុច ពីបទ​ឧក្រិដ្ឋកម្ម​ប្រឆាំង​នឹង​មនុស្សជាតិ និង​ការ​រំលោភបំពាន​ធ្ងន់ធ្ងរ​លើ​អនុសញ្ញា​ទីក្រុង​ហ្សឺណែវ​ឆ្នាំ១៩៤៩។ អានបន្ត

     

     

2007

  • 19 វិច្ឆិកា 2007
    ខៀវ សំផន ត្រូវចាប់​និង​ឃុំខ្លួន​ជា​បណ្តោះ​អាសន្ន

    ខៀវ សំផន ត្រូវចាប់​និង​ឃុំខ្លួន​ជា​បណ្តោះ​អាសន្ន

    ខៀវ សំផន ត្រូវចាប់និងឃុំខ្លួនជាបណ្តោះអាសន្ន ពីបទ​ចោទប្រកាន់​ពាក់ព័ន្ធ​នឹង​ឧក្រិដ្ឋកម្ម​ប្រឆាំងនឹង​មនុស្សជាតិ​និង​ការ​រំលោភបំពាន​ធ្ងន់ធ្ងរ​លើ​អនុសញ្ញា​ទីក្រុងហ្សឺណែវ​ឆ្នាំ១៩៤៩។ អានបន្ត

     

     
  • 12 វិច្ឆិកា 2007
    ការចាប់ខ្លួន អៀង សារី និង អៀង​ធីរិទ្ធ

    ការចាប់ខ្លួន អៀង សារី និង អៀង​ធីរិទ្ធ

    អៀង សារី និង អៀង ធីរិទ្ធ ត្រូវចាប់​និង​នាំខ្លួន​មក​​ចំពោះមុខ​អង្គជំនុំជម្រះវិសាមញ្ញ​ក្នុង​តុលាការ​កម្ពុជា។ បន្ទាប់ពី​សវនាការ​តទល់គ្នា​នៅថ្ងៃ​ទី១៤ ខែវិច្ឆិកា ឆ្នាំ២០០៧ អ្នក​ទាំងពីរ​ត្រូវ​ឃុំខ្លួន​បណ្តោះ​អាសន្ន​នៅ អ.វ.ត.ក។ អានបន្ត

     

     
  • 19 កញ្ញា 2007

    នួន ជា ត្រូវ​ចាប់និង​ឃុំខ្លួន​ជា​បណ្តោះ​អាសន្ន

    នួន ជា ត្រូវចោទ​ប្រកាន់​ពីបទ​ឧក្រិដ្ឋកម្ម​ប្រឆាំងនឹង​មនុស្សជាតិ និង​ការ​រំលោភបំពាន​ធ្ងន់ធ្ងរ​លើ​អនុសញ្ញា​ទីក្រុង​ហ្សឺណែវ​ឆ្នាំ១៩៤៩ និង​ត្រូវ​ឃុំខ្លួន​ជា​បណ្តោះ​អាសន្ន។ អានបន្ត

     

     
  • 31 កក្កដា 2007
    កាំង ហ្គេកអ៊ាវ ត្រូវ​​ឃុំ​ខ្លួនជា​បណ្តោះ​អាសន្ន

    កាំង ហ្គេកអ៊ាវ ត្រូវ​​ឃុំ​ខ្លួនជា​បណ្តោះ​អាសន្ន

    កាំង ហ្គេកអ៊ាវ ហៅ ឌុច ត្រូវចោទ​ប្រកាន់​ពីបទ​ឧក្រិដ្ឋកម្ម​ប្រឆាំងនឹង​មនុស្សជាតិ និង​ឃុំខ្លួន​ជា​បណ្តោះអាសន្ននៅ អ.វ.ត.ក។ អានបន្ត

     

     
  • 18 កក្កដា 2007
    សំណើ​របស់​សហ​ព្រះរាជអាជ្ញា​សុំឲ្យ​មានការ​ស៊ើបអង្កេត​លើ​ជនសង្ស័យ​ចំនួន ៥រូប

    សំណើ​របស់​សហ​ព្រះរាជអាជ្ញា​សុំឲ្យ​មានការ​ស៊ើបអង្កេត​លើ​ជនសង្ស័យ​ចំនួន ៥រូប

    សហព្រះរាជអាជ្ញាបានបញ្ជូនដីកាបញ្ជូនរឿងឲ្យស៊ើបសួរដំបូង ស្នើសុំឲ្យ​សហ​ចៅក្រម​ស៊ើបអង្កេត​បើក​ការ​ស៊ើប​អង្កេត​លើ​ជនសង្ស័យ​ចំនួន ៥រូប ពាក់ព័ន្ធ​នឹង​ឧក្រិដ្ឋកម្ម​ប្រឆាំង​នឹង​មនុស្សជាតិ ឧក្រិដ្ឋកម្ម​ប្រល័យ​ពូជសាសន៍ ការ​រំលោភ​បំពាន​ធ្ងន់ធ្ងរ​លើ​អនុសញ្ញា​ទីក្រុង​ហ្សឺណែវ មនុស្សឃាត ការ​ធ្វើ​ទារុណកម្ម និង​ការ​រើសអើង​សាសនា។ អានបន្ត

     

     
  • 12 មិថុនា 2007
    កិច្ចប្រជុំពេញអង្គនៃ អ.វ.ត.ក ពិភាក្សា​ទៅលើ​វិធាន​ផ្ទៃក្នុង

    កិច្ចប្រជុំពេញអង្គនៃ អ.វ.ត.ក ពិភាក្សា​ទៅលើ​វិធាន​ផ្ទៃក្នុង

    កិច្ចប្រជុំពេញអង្គនៃមន្ត្រីច្បាប់របស់ អ.វ.ត.ក ពិភាក្សាទៅលើវិធានផ្ទៃក្នុង។

     

2006

  • 3 កក្កដា 2006
    ចៅក្រមនិង​សហព្រះរាជអាជ្ញា​ក្នុងពិធី​ស្បថ​ចូល​កាន់​តំណែង

    ចៅក្រមនិង​សហព្រះរាជអាជ្ញា​ក្នុងពិធី​ស្បថ​ចូល​កាន់​តំណែង

    បន្ទាប់ពីបានទទួលការតែងតាំងពី​ឧត្តម​ក្រុមប្រឹក្សា​អង្គចៅក្រម​នៃ​ព្រះរាជាណាចក្រ​កម្ពុជា​នៅថ្ងៃទី៤ ខែឧសភា ឆ្នាំ២០០៦ ចៅក្រម​ជាតិ​និង​អន្តរជាតិ និង​សហព្រះរាជអាជ្ញា ស្បថ​ចូល​កាន់តំណែង នៅក្នុង​ពិធី​សម្បថ​នៅ​ចំពោះមុខ​រូបសំណាក​អតីត​ព្រះមហាក្សត្រ ព្រះករុណា ព្រះបាទ សម្តេច ព្រះ នរោត្តម។

     
  • 6 កុម្ភៈ 2006

    បុគ្គលិកដំបូងបង្អស់ចូលបម្រើការងារ

    ប្រធាននិងអនុប្រធានការិយាល័យរដ្ឋបាល និង​ក្រុម​បុគ្គលិក​ដំបូង​បង្អស់ បាន​ចូលបម្រើ​ការងារ​នៅ​ទីតាំង អ.វ.ត.ក។

     

2005

  • 29 មេសា 2005

    កិច្ចព្រមព្រៀងស្តីពីការបង្កើត អ.វ.ត.ក ត្រូវបានអនុម័ត

    "កិច្ចព្រមព្រៀង​រវាង​អង្គការ​សហប្រជាជាតិ​និង​រាជរដ្ឋាភិបាល​កម្ពុជា ស្តីអំពី​ការ​ដាក់​ឲ្យ​ទទួល​ខុសត្រូវ​ក្រោម​ច្បាប់​កម្ពុជា នូវ​ឧក្រិដ្ឋកម្ម​ដែល​ត្រូវបាន​ប្រព្រឹត្ត​ក្នុង​អំឡុង​របប​កម្ពុជា​ប្រជាធិបតេយ្យ" ត្រូវបាន​អនុម័ត។

     

1997

  • 21 មិថុនា 1997

    សហ​នាយករដ្ឋមន្ត្រី​កម្ពុជា​ស្នើសុំ​ជំនួយ​ពី​អង្គការ​សហប្រជាជាតិ ក្នុងការ​បង្កើត​ដំណើរការ​មួយ​សម្រាប់​តុលាការ​ខ្មែរក្រហម

    សហនាយករដ្ឋមន្ត្រីនៃព្រះរាជាណាចក្រកម្ពុជា សម្តេចក្រុមព្រះ នរោត្តម រណរិទ្ធិ និងសម្តេច ហ៊ុន សែន បានផ្ញើលិខិតមួយ​ទៅ​អគ្គលេខាធិការ​អង្គការ​សហប្រជាជាតិ ស្នើសុំ "ជំនួយពី​អង្គការ​សហប្រជាជាតិ​និង​ពី​សហគមន៍​អន្តរជាតិ ដើម្បី​នាំយក​មក​ជំនុំជម្រះ​ក្តី នូវ​បុគ្គល​ដែល​មានការ​ទទួល​ខុសត្រូវ​ចំពោះ​ឧក្រិដ្ឋកម្ម​ប្រល័យ​ពូជសាសន៍ និង​ឧក្រិដ្ឋកម្ម​ប្រឆាំង​នឹង​មនុស្សជាតិ ដែល​ត្រូវបាន​ប្រព្រឹត្ត​ក្នុង​អំឡុង​ពេល​ខ្មែរក្រហម​កាន់​អំណាច ចន្លោះពីឆ្នាំ១៩៧៥ ដល់ឆ្នាំ១៩៧៩"។


     

អ.វ.ត.ក​ លើ​ប្រព័ន្ធ​ព័ត៌មាន​សង្គម


Youtube
Twitter
Flickr

Instagram

Latest news