អង្គភាពគាំពារជនរងគ្រោះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សូមជម្រាបជូនសាធារណៈជនឲ្យបានជ្រាបថា កម្មវិធីវិទ្យុ “ស្ដ្រីក្នុងសម័យខ្មែរក្រហម” បានដំណើរការផ្សាយរបស់ខ្លួនឡើងវិញហើយតាមរយៈវិទ្យុស្ដ្រីអេហ្វអឹម ១០២ នៃបណ្ឌលព័ត៌មានស្ដ្រីកម្ពុជា(WMC-FM 102) ចាប់តាំងពីថ្ងៃទី ២៥ ខែ មេសា ឆ្នាំ ២០១៦។ កម្មវិធីផ្សាយបន្ដផ្ទាល់ប្រព្រឹត្ដទៅនៅរសៀលថ្ងៃច័ន្ទ ក្នុងសប្ដាហ៍ទីពីរនៃខែនីមួយៗ វេលាម៉ោង ៤៖១០ នាទី ដល់ម៉ោង ៥៖០០ ល្ងាច ហើយក៏មានការចាក់ ផ្សាយឡើង វិញ ផងដែរនៅថ្ងៃសៅរ៍ក្នុងសប្ដាហ៍ទីបី និងទីបួនចាប់ពី ម៉ោង ១៖៣៥ នាទីដល់ម៉ោង ២៖០០ រសៀល។
គោលបំណងនៃកម្មវិធីផ្សាយវិទ្យុនេះគឺ៖
១) ពិភាក្សាជាមួយប្រិយមិត្តអ្នកស្ដាប់ដើម្បីស្វែងរកវិធីដោះស្រាយទៅលើផលប៉ះពាល់ដោយអំពើហិង្សាផ្លូវភេទ និងយេនឌ័រ (SGBV) ក្នុងរបបខ្មែរក្រហម និងក្នុងបច្ចុប្បន្ន
២) បង្កើនការយល់ដឹងពីអំពើហិង្សាផ្លូវភេទ និងយេនឌ័រ (SGBV) និងបង្កើតជាវេទិកាពិភាក្សាសម្រាប់ឲអ្នកនៅ រស់រានមានជិវិតបានបង្ហាញពីគំនិតដើម្បីឲសម្លេងរបស់ពួកគាត់ត្រូវបានគេឮនៅ ក្នុងដំណើរការយុត្ដិធម៌អន្ដរកាល
៣) ផ្សព្វផ្សាយព័ត៌មានពាក់ព័ន្ធ នឹងការវិវឌ្ឍន៍ថ្មីៗនៃអំពើហិង្សាផ្លូវភេទ និងយេនឌ័រនៅក្នុងបរិបទរបស់សាលាក្ដីខ្មែរក្រហមដល់ភាគីពាក់ព័ន្ធក៏ដូចជាសង្គមកម្ពុជាទាំងមូល។
កម្មវិធីវិទ្យុនេះទទួលបានការឧបត្ថម្ភពីមូលនិធិអង្គការសហប្រជាជាតិដើម្បីលុបបំបាត់អំពើហិង្សាលើស្ដ្រី។
ការផ្សាយឡើងវិញកម្មវិធីវិទ្យុ "ស្ដ្រីក្នុងសម័យខ្មែរក្រហម"
Most read
- បុគ្គលិក អ.វ.ត.ក ចូលរួមបកប្រែសាលដីកាទាក់ទងសំណុំរឿងព្រះវិហារដល់ពលរដ្ឋខ្មែរ
នៅពេលដែលតុលាការយុត្តិធម៌អន្តរជាតិ (ICJ) ប្រកាសសេចក្តីសម្រេចរបស់ខ្លួនទាក់ទងនឹងសំណុំរឿងប្រាសាទព្រះវិហារនៅទីក្រុងឡាអេ កាលពីថ្ងៃច័ន្ទ ទី១២ ខែវិច្ឆិកា ឆ្នាំ ២០១៣ អ្នកបកប្រែភាសា ៤រូបមកពីអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក៏បានបកប្រែ…
- វីដេអូឯកសារទាក់ទងនឹងសំណុំរឿង ០០២/០១
ឯកសារវីដេអូថ្មីរយៈពេល ២៥ នាទីបានផលិតឡើងដោយផ្នែកកិច្ចការសាធារណៈជាបណ្តុំនៃសម្រង់ផ្សេងៗចេញពីការជំនុំជម្រះក្តីលើសំណុំរឿង ០០២/០១ ប្រឆាំងនឹងជនជាប់ចោទ ខៀវ សំផន និងនួន ជា។
- សហព្រះរាជអាជ្ញាស្នើឲ្យផ្តន្ទាទោសដាក់ពន្ធនាគារមួយជីវិតចំពោះជនជាប់ចោទ ខៀវ សំផន និងនួន ជា
នៅពេលបញ្ចប់ការធ្វើសេចក្តីសន្និដ្ឋានបញ្ចប់របស់ខ្លួន ថ្ងៃទី២១ ខែតុលា ឆ្នាំ ២០១៣ សហព្រះរាជអជ្ញាជាតិ លោកជំទាវ ជា លាង បានស្នើសុំអង្គជំនុំជម្រះសាលាដំបូង ដាក់ទោសទណ្ឌចំពោះជនជាប់ចោទ ខៀវ សំផន និង នួន ជា ចំពោះការចោទប្រកាន់ពីឧក្រិដ្ឋកម្មប្រឆាំងនឹងមនុស្សជាតិ…
- សហព្រះរាជអាជ្ញាស្នើសុំឲ្យមានការដាក់ទណ្ឌកម្មលើក្រុមមេធាវីការពារក្តីជនជាប់ចោទ ខៀវ សំផន
នៅក្នុងអំឡុងពេលសវនាការនៅថ្ងៃទី១៨ ខែកក្កដា ឆ្នាំ ២០១៣ តំណាងសហព្រះរាជអាជ្ញាបានស្នើសុំអង្គជំនុំជម្រះសាលដំបូងដាក់ទណ្ឌកម្មលើក្រុមមេធាវីការពារក្តីឲ្យ ជនជាប់ចោទ ខៀវ សំផន ចំពោះការបង្ហាញដែលពួកគេបានធ្វើឡើងនៅក្នុងលិខិតជូនការីនិពន្ធចុះផ្សាយនៅក្នុងកាសែត ភ្នំពេញ…