បន្ទាប់ពីបានទទួលការតែងតាំងពីអគ្គលេខាធិការអង្គការសហប្រជាជាតិ António Guterres និងបានទទួលការអនុម័តពីឧត្តមក្រុមប្រឹក្សានៃអង្គចៅក្រមរួចមក ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ទ្រង់ប្រោសព្រះរាជទានតែងតាំងលោកស្រី Maureen HARDING CLARK(អៀរឡង់) ជាចៅក្រមអន្តរជាតិនៅអង្គជំនុំជម្រះតុលាការកំពូល នៃអង្គជំនុំជម្រះវិសាមញ្ញក្នុងតុលាការកម្ពុជា។
លោកស្រីចៅក្រម Clark ជំនួសលោកស្រីចៅក្រម Agnieszka KLONOWIECKA-MILART (ប៉ូឡូញ) ដែលបានលាឈប់ពីមុខតំណែងកាលពីចុងឆ្នាំ២០១៨។
លោកស្រីចៅក្រម Clark បានបំពេញការងារជាសហចៅក្រមស៊ើបអង្កេតអន្តរជាតិបម្រុងក្នុងឆ្នាំ២០១៥។ លោកស្រីធ្លាប់បំពេញការងារជាចៅក្រមបំពេញកិច្ច (ad litem) នៃតុលាការព្រហ្មទណ្ឌអន្តរជាតិសម្រាប់អតីតប្រ ទេសយូហ្គោស្លាវី (ICTY) ពីឆ្នាំ២០០១ ដល់ឆ្នាំ២០០៣ ហើយត្រូវបានបោះឆ្នោតជ្រើសរើសជាចៅក្រមនៅតុលាការព្រហ្មទណ្ឌអន្តរជាតិ (ICC) ពីឆ្នាំ២០០៣ ដល់ឆ្នាំ២០០៦ ហើយមួយរយៈខ្លីក្រោយមក គាត់បានបំពេញការងារជាចៅ ក្រមនៅតុលាការជាន់ខ្ពស់របស់អៀរឡង់រហូតដល់ឆ្នាំ២០១៤។ មុនពេលលោកស្រីទទួលការតែងតាំងឲ្យកាន់មុខតំ ណែងក្នុងវិស័យតុលាការ លោកស្រីចៅក្រម Clark ប្រកបវិជ្ជាជីវៈមេធាវីពីឆ្នាំ១៩៧៥ និងទទួលបានការតែងតាំងជាមេធាវីជាន់ខ្ពស់នៅឆ្នាំ១៩៩១។ លោកស្រីក៏ធ្លាប់បានបំពេញការងារជាសមាជិកគណៈកម្មការសិទ្ធិមនុស្សអៀរឡង់, ជាប្រធាន និងសមាជិកតែម្នាក់នៃការស៊ើបអង្កេតទៅលើមន្ទីរពេទ្យ Lourdes, អ្នកវាយតម្លៃឯករាជ្យនៃគម្រោងទូទាត់ប្រាក់អតីតភាពសម្រាប់បុគ្គលិកផ្នែកវះកាត់ (Surgical Symphysiotomy Ex-gratia Payment Scheme) និងជាសាស្ត្រាចារ្យទស្សនកិច្ច(Judicial Visitor) នៃសាកលវិទ្យាល័យ Dublin (មហាវិទ្យាល័យ Trinity College)។ លោកស្រី បានទទួលសញ្ញាប័ត្របណ្ឌិតច្បាប់ (honoris causa) និងសញ្ញាប័ត្របរិញ្ញាប័ត្រផ្នែកច្បាប់ រដ្ឋប្បវេណីពីសាកលវិទ្យា ល័យ College Dublin ព្រមទាំងសញ្ញាប័ត្រមេធាវីពីគណៈមេធាវី Honourable Society of King’s Inns ៕