អង្គភាពគាំពារការការពារក្តីនៃអង្គជំនុំជម្រះវិសាមញ្ញក្នុងតុលាការកម្ពុជា (“អ.វ.ត.ក”) បានចាត់តាំងលោក ប៊ិត ស៊ាងលីម និង លោក សូ មូស្សេន្នី ជាសហមេធាវីជាតិ តំណាងជនសង្ស័យពីររូបផ្សេងគ្នា ដែលមានឈ្មោះក្នុងដីកាសន្និដ្ឋានបញ្ជូនរឿងឲ្យស៊ើបសួរលើកទីបី ដោយសហព្រះរាជអាជ្ញាអន្តរជាតិបានដាក់ទៅកាន់ការិយាល័យសហចៅក្រមស៊ើបអង្កេត កាលពីថ្ងៃទី ០៧ ខែ កញ្ញា ឆ្នាំ២០០៩។ ដីកាសន្និដ្ឋានបញ្ជូនរឿងឲ្យស៊ើបសួរលើកទីបី គឺជាផ្នែកនៃសំណុំរឿង ០០៤ ។
អត្តសញ្ញាណនៃជនសង្ស័យណាមួយ ដែលមានឈ្មោះនៅក្នុងដីកាសន្និដ្ឋានបញ្ជូនរឿងឲ្យស៊ើបសួរលើកទីបីនៅតែរក្សាជាការសម្ងាត់ដដែល។
លោក ប៊ិត ស៊ាងលីម ជាសមាជិកនៃគណៈមេធាវីនៃព្រះរាជាណាចក្រកម្ពុជាតាំងពីឆ្នាំ ១៩៩៧។ លោក ប៊ិត ស៊ាងលីម បញ្ចប់ការសិក្សានៅសាកលវិទ្យាល័យ Golden Gate និង សាកលវិទ្យាល័យ San Francisco នៅសហរដ្ឋអាមេរិក។ លោក ប៊ិត ស៊ាងលីម មានចំណេះដឹងជ្រៅជ្រះផ្នែកច្បាប់ និងនិតីព្រហ្មទណ្ឌកម្ពុជា។
លោក សូ មូស្សេន្នី បានចូលជាសមាជិកនៃគណៈមេធាវីនៃព្រះរាជាណាចក្រកម្ពុជាក្នុងខែធ្នូ ឆ្នាំ២០០៣ និងបានក្លាយជាសមាជិកពេញសិទ្ធិនៅខែមីនា ឆ្នាំ២០០៥។ ចាប់តាំងពីខែធ្នូ ឆ្នាំ ២០០៧ រហូតដល់ខែ មីនា ឆ្នាំ២០១៣ គាត់ធ្វើជាមន្រ្តីគ្រប់គ្រងសំណុំរឿងក្នុងក្រុមមេធាវីការពារក្តី អៀង សារី ក្នុងសំណុំរឿង ០០២ នៅ អ.វ.ត.ក។ ចាប់តាំងពីខែកញ្ញា ឆ្នាំ ២០១៣ គាត់ធ្វើជាមន្រ្តីគ្រប់គ្រងសំណុំរឿងក្នុងក្រុមមេធាវីការពារក្តីរបស់ជនសង្ស័យម្នាក់ក្នុងសំណុំរឿង ០០៣។ លោក សូ មូស្សេន្នី ជាសាស្រ្តាចារ្យនៅសាកលវិទ្យាល័យមួយនៅរាជធានីភ្នំពេញ។
ការចាត់តាំងនេះ ត្រូវបានធ្វើឡើងជាបឋម ដោយរង់ចាំការពិនិត្យជាក់ស្តែងលើការអះអាងអំពីភាពក្រីក្ររបស់ជនសង្ស័យ និង ការបំពេញបង្រ្គប់នូវរាល់ទម្រង់បែបបទផ្នែករដ្ឋបាលផ្សេងៗទៀត រួមទាំងការចាត់តាំងសហមេធាវីអន្តរជាតិផងដែរ។ អង្គភាពគាំពារការការពារក្តី បានពិចារណាដោយផ្នែកលើការចង់បានរបស់ជនសង្ស័យ និង បានពិនិត្យរាល់ការលះបង់សិទ្ធិទាំងអស់ពាក់ព័ន្ធនឹងទំនាស់ផលប្រយោជន៍ មុននឹងធ្វើការចាត់តាំងនេះ។
លោក ប៊ិត ស៊ាងលីម និង លោក សូ មូស្សេន្នី ត្រូវបានចាត់តាំងជាមេធាវីការពារក្តី ដើម្បីតំណាងជនសង្ស័យពីររូបក្នុងសំណុំរឿង ០០៤
Most read
- បុគ្គលិក អ.វ.ត.ក ចូលរួមបកប្រែសាលដីកាទាក់ទងសំណុំរឿងព្រះវិហារដល់ពលរដ្ឋខ្មែរ
នៅពេលដែលតុលាការយុត្តិធម៌អន្តរជាតិ (ICJ) ប្រកាសសេចក្តីសម្រេចរបស់ខ្លួនទាក់ទងនឹងសំណុំរឿងប្រាសាទព្រះវិហារនៅទីក្រុងឡាអេ កាលពីថ្ងៃច័ន្ទ ទី១២ ខែវិច្ឆិកា ឆ្នាំ ២០១៣ អ្នកបកប្រែភាសា ៤រូបមកពីអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក៏បានបកប្រែ…
- វីដេអូឯកសារទាក់ទងនឹងសំណុំរឿង ០០២/០១
ឯកសារវីដេអូថ្មីរយៈពេល ២៥ នាទីបានផលិតឡើងដោយផ្នែកកិច្ចការសាធារណៈជាបណ្តុំនៃសម្រង់ផ្សេងៗចេញពីការជំនុំជម្រះក្តីលើសំណុំរឿង ០០២/០១ ប្រឆាំងនឹងជនជាប់ចោទ ខៀវ សំផន និងនួន ជា។
- សហព្រះរាជអាជ្ញាស្នើឲ្យផ្តន្ទាទោសដាក់ពន្ធនាគារមួយជីវិតចំពោះជនជាប់ចោទ ខៀវ សំផន និងនួន ជា
នៅពេលបញ្ចប់ការធ្វើសេចក្តីសន្និដ្ឋានបញ្ចប់របស់ខ្លួន ថ្ងៃទី២១ ខែតុលា ឆ្នាំ ២០១៣ សហព្រះរាជអជ្ញាជាតិ លោកជំទាវ ជា លាង បានស្នើសុំអង្គជំនុំជម្រះសាលាដំបូង ដាក់ទោសទណ្ឌចំពោះជនជាប់ចោទ ខៀវ សំផន និង នួន ជា ចំពោះការចោទប្រកាន់ពីឧក្រិដ្ឋកម្មប្រឆាំងនឹងមនុស្សជាតិ…
- សហព្រះរាជអាជ្ញាស្នើសុំឲ្យមានការដាក់ទណ្ឌកម្មលើក្រុមមេធាវីការពារក្តីជនជាប់ចោទ ខៀវ សំផន
នៅក្នុងអំឡុងពេលសវនាការនៅថ្ងៃទី១៨ ខែកក្កដា ឆ្នាំ ២០១៣ តំណាងសហព្រះរាជអាជ្ញាបានស្នើសុំអង្គជំនុំជម្រះសាលដំបូងដាក់ទណ្ឌកម្មលើក្រុមមេធាវីការពារក្តីឲ្យ ជនជាប់ចោទ ខៀវ សំផន ចំពោះការបង្ហាញដែលពួកគេបានធ្វើឡើងនៅក្នុងលិខិតជូនការីនិពន្ធចុះផ្សាយនៅក្នុងកាសែត ភ្នំពេញ…