Pre-Trial Chamber will issue its Decision on the Appeals against the Co-Investigating Judges’ Closing Orders in Case 004 on 17 September 2021

នៅថ្ងៃទី១៧ ខែកញ្ញា ឆ្នាំ២០២១ ខាងមុខ អង្គបុរេជំនុំជម្រះនៃអង្គជំនុំជម្រះវិសាមញ្ញក្នុងតុលាការកម្ពុជានឹង ចេញ​សាលដីកាលើបណ្តឹងឧទ្ធរណ៍ប្រឆាំងនឹងដីកាដំណោះស្រាយរបស់សហចៅក្រមស៊ើបអង្កេតក្នុងសំណុំរឿង ០០៤​។

កាលពីថ្ងៃទី២៨ ខែមិថុនា ឆ្នាំ២០១៩ សហចៅក្រមស៊ើបអង្កេតអន្តរជាតិបានចេញដីកាដំណោះស្រាយ (“ដីកា​បញ្ជូនរឿងទៅជំនុំជម្រះ”) សម្រេចបញ្ជូន យឹម ទិត្យ ទៅជំនុំជម្រះ ខណៈនៅថ្ងៃដដែលនោះ សហចៅក្រម​ស៊ើប​អង្កេតជាតិក៏បានចេញដីកាលើកលែងការចោទប្រកាន់ប្រឆាំង យឹម ទិត្យ​ (“ដីកាលើកលែងការ​ចោទប្រកាន់”)។

អង្គបុរេជំនុំជម្រះបានទទួលបណ្តឹងឧទ្ធរណ៍ចំនួន ០៥ ប្រឆាំងនឹង​ដីកាដំណោះស្រាយពីរផ្ទុយគ្នា៖

(១)    បណ្តឹងឧទ្ធរណ៍របស់សហព្រះរាជអាជ្ញាជាតិ​ប្រឆាំងនឹង​ដីកាបញ្ជូនរឿងទៅជំនុំជម្រះ​ (ចុះថ្ងៃទី១៣ ខែ​កញ្ញា​ ឆ្នាំ២០១៩)។

(២)   បណ្តឹងឧទ្ធរណ៍របស់ យឹម ទិត្យ ប្រឆាំងនឹង​ការចេញដីកាដំណោះស្រាយ​ចំនួន ០២ (ចុះថ្ងៃទី០២ ខែធ្នូ ឆ្នាំ២០១៩)។

(៣)  បណ្តឹងឧទ្ធរណ៍របស់ យឹម ទិត្យ ប្រឆាំងនឹង​ដីកាបញ្ជូនរឿងទៅជំនុំជម្រះ (ចុះថ្ងៃទី០៤ ខែធ្នូ ឆ្នាំ​២០១៩)។

(៤)   បណ្តឹងឧទ្ធរណ៍របស់សហព្រះរាជអាជ្ញាអន្តរជាតិ ​ប្រឆាំងនឹង​ដីកាលើកលែងការចោទប្រកាន់ (ចុះថ្ងៃ​ទី០៥ ខែ0ធ្នូ ឆ្នាំ២០១៩)។

(៥)   បណ្តឹងឧទ្ធរណ៍របស់សហមេធាវីតំណាងដើមបណ្តឹងរដ្ឋប្បវេណី​ប្រឆាំងនឹង​ដីកាលើកលែងការ​ចោទ​ប្រកាន់ (ចុះថ្ងៃទី០៦ ខែធ្នូ ឆ្នាំ២០១៩)។

កាលពីថ្ងៃទី១៨ ខែមីនា ឆ្នាំ២០២១ អនុលោមតាមវិធាន ៧៧(៣)(ខ) នៃវិធានផ្ទៃក្នុង អង្គបុរេជំនុំជម្រះ​បាន​សម្រេច​ដោះស្រាយបណ្តឹងឧទ្ធរណ៍ប្រឆាំងនឹងដីកាដំណោះស្រាយក្នុងសំណុំរឿង ០០៤ ដោយផ្អែកលើសេចក្តី​សន្និ​ដ្ឋាន​​ជាលាយលក្ខណ៍អក្សរតែប៉ុណ្ណោះ និងបន្តដំណើរការនីតិវិធីដោយពុំចាំបាច់បើកសវនា​ការ​ផ្ទាល់​មាត់ឡើយ។

សាលដីការបស់អង្គបុរេជំនុំជម្រះនឹង​ដាក់ផ្សាយនៅលើគេហទំព័រ៖ www.eccc.gov.kh/

Most read