ប្រជាពលរដ្ឋ៣០០ នាក់មកពីខេត្តពោធិ៍សាត់បំពេញទស្សនកិច្ចនៅ អ.វ.ត.ក

ប្រជាពលរដ្ឋចំនួន ៣០០ នាក់ មកពីស្រុកក្រគរ ខេត្តពោធិ៍សាត់ បានមកបំពេញទស្សនកិច្ចសិក្សា​ នៅអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នៅថ្ងៃទី២៣ ខែមេសា ឆ្នាំ ២០១៩។

ក្នុងដំណើរទស្សនកិច្ចនេះ នៅពេល​ព្រឹក លោក​ នេត្រ ភក្ដ្រា ប្រធានផ្នែកកិច្ចការសាធារណៈ និងជាអ្នកនាំពាក្យ​របស់ អ.វ.ត.ក បានធ្វើបទបង្ហាញអំពីដំណើការរបស់​ អ.វ.ត.ក ដល់ប្រជាពលរដ្ឋទាំងអស់នៅក្នុងសាលសាធារណៈរបស់ អ.វ.ត.ក។ នៅពេលរសៀល ពួកគាត់ទាំងអស់បានបន្ដទៅទស្សនកិច្ចនៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង និងមជ្ឈមណ្ឌលប្រល័យពូជសាសន៍ជើងឯកផងដែរ។

ទស្សនកិច្ចដែលរៀបចំឡើងដោយផ្នែកកិច្ចការសាធារណៈនេះ​ ធ្វើឡើងក្នុងគោលបំណងដើម្បីសិក្សាស្វែងយល់អំពីដំណើការរបស់សាលាក្ដីខ្មែរក្រហមក្នុងការជំនុំជម្រះក្តីលើអតីតមេដឹកនាំជាន់ខ្ពស់និងអ្នកទទួលខុសត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុតប្រព្រឹត្តនៅក្នុងអំឡុងពេលនៃរបបខ្មែរក្រហម ក៏ដូចជាការសិក្សាស្វែងយល់បន្ថែមអំពីប្រវត្តិសាស្ដ្រនៃរបបកម្ពុជាប្រជាធិបតេយ្យ៕

 

eccc

eccc

eccc

eccc

eccc

eccc

Most read