អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងបើកសវនាការ ជាសាធារណៈចំនួនពីរនៅថ្ងៃទី៣១ ខែមករា ឆ្នាំ២០១១ តាមកាលវិភាគដូចខាងក្រោម៖
ម៉ោង ០៩:៣០ ព្រឹក សវនាការពាក់ព័ន្ធទៅនឹង “ពាក្យស្នើសុំបន្ទាន់ឲ្យដោះលែងលោក នួន ជា នៅក្រៅឃុំ”។ ខ្លឹមសារពិស្តារនៃពាក្យសុំនេះមាននៅៈ
ដីកាកំណត់កាលបរិច្ឆេទសវនាការទាក់ទងនឹងសំណើសុំដោះលែងឲ្យ ដោះលែង នួន ជា ជាបន្ទាន់
ម៉ោង ១៣:៣០ រសៀល សវនាការពាក់ព័ន្ធទៅនឹង “ពាក្យស្នើសុំរបស់លោក ខៀវ សំផន ដើម្បី នៅក្រៅឃុំ ដោយយោងតាមមាត្រា ៨២(៣) នៃវិធានផ្ទៃក្នុង”។ ខ្លឹមសារ ពិស្តារនៃពាក្យសុំនេះមាននៅៈ
សាលសវនាការនៃ អ.វ.ត.ក មានកៅអីចំនួន៤៨២ សម្រាប់ទទួលអង្គទូត តំណាងសារព័ត៌មាន និងសាធារណជនទូទៅ។គោលការណ៍នៃការបែងចែកកៅអីគឺ អ្នកដែលមកមុន បានកន្លែងអង្គុយមុន។ អង្គទូតនិងតំណាងសារព័ត៌មានដែលមានបំណងកក់កៅអីអង្គុយក្នុងសវនាការ សូមទាក់ទងមកផ្នែកកិច្ចការ សាធារណៈនៃ អ.វ.ត.ក តាមរយៈសារអេឡិកត្រូនិក PAS@ECCC.GOV.KH យ៉ាងយឺតបំផុតត្រឹម ថ្ងៃសុក្រ ទី២៨ ខែមករា ឆ្នាំ២០១១។
អ្នកចូលរួមគួរតែមកដល់ អ.វ.ត.ក យ៉ាងតិច ៤៥នាទី មុនពេលបើកសវនាការ ដើម្បីទុកពេលវេលា គ្រប់គ្រាន់សម្រាប់ឲ្យខាងសន្តិសុខចុះឈ្មោះនិងឆែកឆេរ។ ដើម្បីអាចចូលទៅក្នុងបរិវេណសាលសវនាការ បាន អ្នកចូលរួមត្រូវតែបង្ហាញអត្តសញ្ញាណប័ណ្ណ (មានបិទរូបថត) និងឆ្លងកាត់ការត្រួតពិនិត្យសន្តិសុខ។
អ្នកចូលរួមត្រូវតែប្រកាន់អាកប្បកិរិយាសមរម្យនិងថ្លៃថ្នូរគ្រប់ពេលវេលា និងមានសម្លៀកបំពាក់ ត្រឹមត្រូវ (មិនអនុញ្ញាតឲ្យស្លៀកខោខ្លី សម្លៀកបំពាក់នៅមាត់សមុទ្រ ឬសម្លៀកបំពាក់ស្តើងហួសហេតុ ឬពាក់ស្បែកជើងផ្ទាត់ ។ល។)។ អ្នកចូលរួមមិនត្រូវស្លៀកសម្លៀកបំពាក់ដែលមានពាក្យស្លោកដែលបង្ហាញ ការគាំទ្រឬមាក់ងាយដល់ក្រុមណាមួយឡើយក្នុងអំឡុងសវនាការ។ សូមកត់សម្គាល់ថា អ្នកដែលមានអាយុ ក្រោម ១៦ឆ្នាំ នឹងមិនត្រូវបានអនុញ្ញាតឲ្យចូលក្នុងសាលសវនាការឡើយ ហើយអ្នកដែលមានអាយុចាប់ពី១៦-១៨ឆ្នាំ ត្រូវបានអនុញ្ញាតឲ្យចូលក្នុងសាលសវនាការតែក្នុងករណីមានមនុស្សចាស់មកជាមួយប៉ណ្ណោះ។ មិនអនុញ្ញាតឲ្យយកទូរស័ព្ទដៃ កាបូបយួរឬស្ពាយ ចំណីអាហារឬភេសជ្ជៈ ចូលក្នុងសាលសវនាការឡើយ។
ប័ណ្ណសម្រាប់តំណាងសារព័ត៌មាន និង សម្ភារៈផ្សេងៗទៀត
តំណាងសារព័ត៌មានដែលមានបំណងចូលរួមស្តាប់សវនាការសូមដាក់ពាក្យសុំប័ណ្ណសារព័ត៌មាន យ៉ាងយឺតបំផុតត្រឹមថ្ងៃព្រហស្បតិ៍ ទី២៧ ខែមករា ឆ្នាំ២០១១។
តំណាងសារព័ត៌មានដែលមានប័ណ្ណព័ត៌មានដែលចេញដោយផ្នែកកិច្ចការសាធារណៈនៃ អ.វ.ត.ក ប៉ុន្តែហួសកំណត់ សូមបំពេញទម្រង់ពាក្យសុំសាជាថ្មី ដែលអាចទាញយកពី http://www.eccc.gov.kh/english/mediaRelations.aspx ដោយបំពេញលេខកាតចាស់ផង និងផ្ញើរមក PAS@ECCC.GOV.KH។
សម្រាប់អ្នកតំណាងសារព័ត៌មានដែលពុំធ្លាប់មានប័ណ្ណសារព័ត៌មានដែលចេញដោយផ្នែកកិច្ចការ សាធារណៈនៃ អ.វ.ត.ក ត្រូវតែដាក់ពាក្យសុំដែលអាចទាញយកពី http://www.eccc.gov.kh/english/mediaRelations.aspx និងផ្ញើរមក PAS@ECCC.GOV.KH ដោយភ្ជាប់មកជាមួយនូវរូបថតនិងច្បាប់ចម្លងនៃលិខិតឆ្លងដែន។
សូមបញ្ជាក់ថា ពាក្យសុំប័ណ្ណសារព័ត៌មានត្រូវតែចុះហត្ថលេខាផ្ទាល់ដោយអ្នកស្នើសុំ។ អ.វ.ត.ក នឹងផ្តល់ការផ្សាយបន្តផ្ទាល់អំពីសវនាការ នៅក្នុងបន្ទប់លេខ C105 ដែលរៀបចំសម្រាប់ អ្នកតំណាងសារព័ត៌មាន។
តើធ្វើយ៉ាងណាដើម្បីទៅដល់ អ.វ.ត.ក ?
អ.វ.ត.ក មានទីតាំងនៅខាងឆ្វេងដៃនៃផ្លូវជាតិលេខ៤ ក្នុងសង្កាត់ចោមចៅ ចម្ងាយ១៦គីឡូម៉ែត្រពី រាជធានីភ្នំពេញ។ តំណាងអ្នកសារព័ត៌មាននិងសាធារណជនសូមចូលតាមច្រកទ្វារសម្រាប់ភ្ញៀវដែលស្ថិត នៅទិសខាងកើត។