អ.វ.ត.ក រៀបចំទស្សនកិច្ចសិក្សាជូនសិស្ស ២៣២ នាក់មកពីវិទ្យាល័យព្រះសីហនុ ក្នុងខេត្តកំពង់ចាម

eccc

អង្គជំនុំជម្រះវិសាមញ្ញក្នុងតុលាការកម្ពុជា នៅថ្ងៃទី២៥ ខែមករា ឆ្នាំ២០២៣ នេះ បានរៀបចំ​ទស្សន​កិច្ច​​សិក្សាជូនសិស្សានុសិស្សចំនួន ២៣២ នាក់ មកពីវិទ្យាល័យព្រះសីហនុ ក្នុងខេត្តកំពង់ចាម។ ​គោលបំណង​នៃការ​រៀបចំ​ដំណើរ​ទស្សនកិច្ចសិក្សានេះ គឺដើម្បីផ្ដល់​ឱ្យសិស្សានុសិស្សទាំងអស់បានចងចាំ និង​​ឈ្វេង​យល់​ឱ្យ​កាន់​តែស៊ីជម្រៅ​​អំពី​ឧក្រិដ្ឋកម្ម​សាហាវយង់​ខ្នង ដែលកើត​មានឡើង​នៅក្នុងរបប​ឃោរ​ឃៅ​ខ្មៅងងឹត ​និង​ដើម្បីជាការរំឮកវិញ្ញា​ណក្ខ័ណជន​រងគ្រោះ​ពីរបបនោះផង​ដែរ។​

សិស្សានុសិស្សទាំងអស់បានទទួលនូវព័ត៌មានជាច្រើនអំពីប្រវត្តិសាស្ត្រនៃរបបខ្មែរក្រហម​ តាម​រយៈការ​ទស្ស​នា​​សារៈមន្ទីរប្រល័យពូជសាសន៍គុកទួលស្លែង មជ្ឈមណ្ឌលប្រល័យពូជសាសន៍ជើងឯក វិមានឈ្នះឈ្នះ និងព័ត៌​មាន​​ជុំ​វិញ​​​ដំណើរការជំនុំជម្រះក្តីលើ​អតីតមេដឹកនាំខ្មែរក្រហម ដែល​ធ្វើបទបង្ហាញដោយមន្ត្រីផ្នែក​កិច្ចការ​សា​ធារ​ណៈ នៃសាលាក្តី ខ្មែរក្រហម។

តាមរយៈ​ការយល់ដឹងពីការចូលរួមក្នុងកម្មវិធីទស្សនកិច្ចសិក្សានេះ ក្នុងនាម​​យុវជន​ជំនាន់​ក្រោយ​បាន​ថ្លែងកោតសរសើរ និងដឹង​គុណ​ដល់​គោល​នយោ​បាយ​​​ឈ្នះ​ឈ្នះរបស់​រាជរដ្ឋាភិបាល​កម្ពុជា ដែល​បានដឹក​នាំប្រទេស​​នាំ​មក​នូវ​សុខ​សន្ដិភាព និងស្ថេរ​ភាព​​សង្គម។  

សិស្សានុសិស្សទាំងអស់​ក៏សូម​ថ្លែង​អំណរ​គុណ​សាលាក្ដីខ្មែរក្រហម​ ​ ដែល​បាន​រៀបចំ​កម្មវិធីដើម្បី​ឲ្យពួកគាត់​​បាន​យល់​​​​ដឹង បានទស្សនា​ទីតាំង​ឧក្រិដ្ឋកម្ម​ដែល​បន្សល់​ទុកពីរបប​ខ្មែរក្រហម និង​បានមក​​ឃើញ​​ការ​អភិវឌ្ឍ​ន៍​​នៅក្នុងរាជធានីភ្នំពេញនាពេលបច្ចុប្បន្ននេះផងដែរ។

សូមបញ្ជាក់​ថា ដំណើរទស្សនកិច្ចសិក្សានេះ ត្រូវបានរៀបចំរៀងរាល់សប្ដាហ៍ ជូនសិស្សានុសិស្ស និស្សិត យុវជន និង​ពលរដ្ឋទូទៅ ដើម្បីជួយជម្រុញដល់​ការចងចាំ និងការចូលរួម​ទប់​ស្កាត់ការវិល​ត្រ​ឡប់​មកវិញនូវ​អំពើឃោរឃៅ​ ដូចក្នុងរបបខ្មែរក្រហមមកលើទឹកដីកម្ពុជាសាជាថ្មី។

ចាប់តាំងពីតុលាការដំណើរការដំបូង រហូតមកដល់ខែមករា ឆ្នាំ​២០២៣ នេះ សាធារណ​ជនជាតិ និង​អន្តរ​ជាតិ​​ជាងកន្លះលាននាក់ បានចូលរួមក្នុងដំណើរទស្សនកិច្ចសិក្សា ក្រោមការសម្រប​សម្រួល និង​រៀបចំ​ដោយផ្នែកកិច្ចការសាធារណៈរបស់សាលាក្តីខ្មែរក្រហម៕

eccc

eccc

eccc

eccc

eccc

eccc

eccc

eccc

eccc

eccc

Most read