សិក្ខាសាលាស្តីពីជនរងគ្រោះរៀបចំឡើងដោយ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានបិទបញ្ចប់

ថ្ងៃ​នេះគឺថ្ងៃ​ទី​៥ ​ខែ​ឧសភា ឆ្នាំ​២០២២ អង្គ​ជំនុំ​ជម្រះ​វិសាមញ្ញក្នុង​តុលាការ​កម្ពុជា (...) បាន​បិទបញ្ចប់​សិក្ខាសាលា​រយៈ​ពេល​បី​ថ្ងៃ​ស្តី​ពី «ជន​រង​គ្រោះ និងការ​ផ្សព្វផ្សាយ​របាយការណ៍​ប្រឹក្សា ស្តីពីសកម្ម​ភាព​នានា ពាក់​ព័ន្ធ​នឹង​ជន​រង​គ្រោះរបស់ អ... នៅ​អំឡុង​ដំណាក់​កាល​ដែល​នៅ​សេសសល់»។ សិក្ខា​សាលា​នេះ​បាន​រៀប​ចំ​ឡើង​អស់​​រយៈ​ពេល​បីថ្ងៃ ចាប់​ពីថ្ងៃ​ទី០៣ រហូត​ដល់​ថ្ងៃ​ទី០៥ ខែ​ឧសភា ឆ្នាំ​២០២២ នៅ​សណ្ឋាគារ Hyatt Regency រាជធានីភ្នំពេញ។

ព្រឹត្តិការណ៍​នេះបានប្រារព្ធធ្វើឡើង​ដោយ​មានវត្តមាន​យ៉ាង​សកម្មរបស់​ដើម​បណ្តឹង​រដ្ឋប្បវេណី និង​ជន​រង​គ្រោះ ដែលជា​អ្នក​នៅ​រស់​រាន​មាន​ជីវិតពី​របប​កម្ពុជា​ប្រជាធិបតេយ្យ ចំនួន​ ១៩ នាក់។ ពួក​គាត់​បាន​ចូល​រួម​យ៉ាងទៀងទាត់ ក្នុង​កិច្ច​ពិភាក្សា​ក្រុម​ការងារ​ ជាមួយ​អ្នក​ចូល​រួម​ដទៃ​ទៀត ហើយ​ពួក​គាត់​បាន​ចែក​រំលែក​គំនិត​យ៉ាង​ច្រើននៅ​វគ្គពេញអង្គ​បិទ​បញ្ចប់​នា​ថ្ងៃ​នេះ។ នៅ​ក្នុង​កម្មវិធី​បិទ​សិក្ខាសាលា ពួក​គាត់​ត្រូវ​បាន​តំណាងដោយដើម​បណ្តឹង​រដ្ឋប្បវេណីលោក ចាន់ សាត និងលោក​ស្រី ពេជ្រ ស្រីផល ដែល​ពួក​គាត់​បាន​ធ្វើ​ការ​កត់​សម្គាល់​ដោយ​សង្ខេប ហើយ​បាន​ស្នើ​សុំឱ្យក្រសួង​ស្ថាប័ន នៅ​ក្នុង​រាជ​រដ្ឋាភិបាល​កម្ពុជា និង​អង្គការ​អន្តរជាតិ​នានា ​ផ្តល់​ការ​គាំទ្រ​បន្ថែម​ទៀត ដល់​ជន​រង​គ្រោះដែលជា​អ្នក​នៅ​រស់​រាន​មាន​ជីវិត ដែល​មាន​វ័យ​ចំណាស់ នៅ​ពេល​ខាង​មុខ ហើយឲ្យ​ពួក​គាត់​អាច​ចែក​រំលែក​បទពិសោធន៍​ពួក​គាត់ ជាមួយ​សាធារណជន​ទូទៅ ដើម្បី​ធានា​ថា​មិនមានការ​កើត​ឡើង​សារជាថ្មី នូវ​ជម្លោះ​បែប​នេះឡើយ។

សិក្ខាសាលា​បីថ្ងៃនេះ ក៏ទទួល​បាន​នូវ​ចំណាប់​អារម្មណ៍ និង​ការ​ចូល​រួម​របស់​សហគមន៍​ការទូត​អន្តរជាតិ​ផង   ​ដែរ។ សិក្ខាសាលា​នេះបានប្រារព្ធឡើង​កាល​ពីថ្ងៃ​ទី៣ ខែ​ឧសភា ឆ្នាំ​២០២២ ដោយ​មាន​សុន្ទរកថា​បើក ដ៏គួរ​ឱ្យចាប់​អារម្មណ៍របស់​ឯក​ឧត្តម Jacques PELLET ឯកអគ្គរដ្ឋទូត​បារាំង ប្រចាំ​នៅ​ប្រទេស​កម្ពុជា និងឯកឧត្តម កែវ រ៉េមី រដ្ឋមន្ត្រីប្រតិភូអមនាយករដ្ឋមន្ត្រី និងជាអនុប្រធានអចិន្ត្រៃយ៍នៃក្រុមការងាររាជរដ្ឋបាលជួយអ.វ.ត.ក ហើយ​ត្រូវ​បាន​បិទ​បញ្ចប់​នៅ​ថ្ងៃ​ទី​៥ ខែ​ឧសភា ឆ្នាំ​២០២២ ដោយ​សុន្ទរកថា​ដ៏​កក់​ក្តៅ ស្តី​ពីការ​គាំទ្រ​ពីឯក​ឧត្តម MIKAMI Masahiro ឯក​អគ្គរាជ​ទូតជប៉ុន ប្រចាំ​នៅ​ប្រទេស​កម្ពុជា។ ព្រឹត្តិការណ៍នេះ​ក៏មាន​ការ​ចូល​រួម​ផង​ដែរ ពី​សំណាក់​ឯក​អគ្គរាជទូត​ចក្រ​ភពអង់គ្លេស ប្រចាំ​នៅ​ប្រទេស​កម្ពុជាគឺលោកជំទាវ Tina REDSHAW ។ តំណាង​ស្ថាន​ទូត ការិយាល័យការទូត ​ប្រទេសអូស្ត្រាលី សហ​រដ្ឋអាមេរិក អាល្លឺម៉ង់ សហ​ភាព​អឺរ៉ុប ស្វីស ទួរគី ថៃ និង​វៀត​ណាម ក៏​បាន​ចូល​រួម​ផង​ដែរ។​ ការិយាល័យ​សន្តិភាព​ស៊ីវិល​ GIZ របស់​ប្រទេស​អាល្លឺម៉ង់ ក៏​បាន​បញ្ជូន​សិក្ខា​កាម​ធម្ម​តា​​យ៉ាង​ច្រើន ដែល​ពួក​គេ​បាន​ចូល​រួម​ចំណែក​យ៉ាង​លើស​លប់ ជា​យោបល់ និង​ការ​គាំទ្រ នៅ​ក្នុង​កម្មវិធីសិក្ខា​សាលា​ទាំង​មូល។ អង្គសិក្ខាសាលា​សូមថ្លែងនូវអំណរគុណយ៉ាងជ្រាលជ្រៅ ចំពោះការ​ចូល​រួម​ទាំង​អស់​នេះ ព្រម​ទាំង​ការ​ប្តេជ្ញា​ចិត្ត​ជាមួយ អ...ក ក្នុង​ពេល​ដែល​ អ...ក ឈាន​ដល់​ដំណាក់កាល​នៅ​សេសសល់​របស់​ខ្លួន។

អ្វី​ដែល​ជា​ការ​សំខាន់​នោះ គឺអង្គសិក្ខាសាលា​មានការ​ចូល​រួម​យ៉ាង​សកម្ម និង​ដោយ​យក​ចិត្ត​ទុកដាក់ ពី​សិក្ខាកាម​ជាង​៩០នាក់ ដែល​ក្នុង​នោះ​រួម​មាន តំណាង​អង្គការ​មិនមែន​រដ្ឋាភិបាល​ក្នុង​ស្រុក អង្គការ​អន្តរជាតិ ស្ថាប័ន​រដ្ឋ​និង​សារមន្ទីរ មេធាវីតំណាង​ដើម​បណ្តឹង​រដ្ឋប្បវេណី អ្នកសិក្សា​​ឯករាជ្យ មេធាវី និង​អ្នក​ស្រាវ​ជ្រាវ ព្រម​ទាំង​ភាគី​នានា​នៃ អ...ក និង​បុគ្គលិក អ...ក ផង​ដែរ ដែល​ពួក​​គាត់​ទាំង​អស់បាន​ចូល​រួម​រយៈ​ពេលបីថ្ងៃ ហើយ​បាន​ចូល​រួម​ចំណែក​នូវ​ព័ត៌មាន​លម្អិតយ៉ាង​ច្រើន និង​សំបូរ​បែប សម្រាប់​ក្រប​ខណ្ឌ​និង​កម្មវិធីនៃ​ដំណាក់​កាល​​នៅ​សេសសល់​ ដែល​នឹង​ឈាន​ចូល​មក​ដល់​របស់ អ...ក។

ដូច​ដែល​ឯក​ឧត្តម ក្រាញ់ តូនី ប្រធាន​ការិយាល័យ​រដ្ឋបាល​ស្តីទី និង​លោក Knut ROSANDHAUG អនុប្រធាន​ការិយាល័យ​រដ្ឋបាល​នៃ អ...ក បាន​បញ្ជាក់​យ៉ាង​ច្បាស់ នៅ​ក្នុង​សុន្ទរកថា​បើក និង​សុន្ទរកថា​បិទ​​រ​បស់​ពួក​គាត់​​ហើយ​ថា សិក្ខាសាលា​រយៈ​ពេល​បីថ្ងៃ​នេះ គឺជា​ជំហាន​ដំបូង​បំផុតដែល អ...ក ជន​រង​គ្រោះ និង​ដើម​បណ្តឹង​រដ្ឋប្បវេណី និង​អ្នក​តំណាង​របស់​ពួក​គាត់ និង​អ្នក​ពាក់​ព័ន្ធ​នានា ចាប់​ផ្តើម​ធ្វើ​ការ​ពិចារណា និង​អនុវត្ត​នូវ​អាណត្តិ​ការងារ​នៅ​សេសសល់៕

Most read