សិស្សានុសិស្សជិត ៦០០ នាក់មកទស្សនកិច្ចនៅ អ.វ.ត.ក

សិស្សានុសិស្សជិត ៥០០​ នាក់ មកពីស្រុកឧដុង្គ ក្នុង​ខេត្តកំពង់ស្ពឺ និង ១០០នាក់ផ្សេងទៀត មកពីស្រុកឈូក ខេត្តកំពត បំពេញទស្សនកិច្ចសិក្សា​ នៅអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក្នុងថ្ងៃទី១៤ ខែសីហា ឆ្នាំ ២០១៨។

ក្នុងដំណើរទស្សនកិច្ចនេះ នៅពេលព្រឹក សិស្សានុសិស្សទាំងអស់បានស្ដាប់​ការធ្វើបទបង្ហាញនៅក្នុងសាលសវនាការពីលោក​ នេត្រ ភក្ដ្រា ជាប្រធានផ្នែកកិច្ចការសាធារណៈ និងជាអ្នកនាំពាក្យ​របស់ អ.វ.ត.ក អំពីដំណើការរបស់​តុលាការ នៅក្នុងសាលសាធារណៈរបស់ អ.វ.ត.ក។ ចំណែកនៅពេលរសៀល សិស្សានុសិស្សទាំងអស់បានបន្ដទៅទស្សនកិច្ចនៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង និងមជ្ឈមណ្ឌលប្រល័យពូជសាសន៍ជើងឯកផងដែរ។

ទស្សនកិច្ចដែលរៀបចំឡើងដោយផ្នែកកិច្ចការសាធារណៈនេះ​ ធ្វើឡើងក្នុងគោលបំណងដើម្បីសិក្សាស្វែងយល់អំពីដំណើការរបស់សាលាក្ដីខ្មែរក្រហមក្នុងការជំនុំជម្រះក្តីលើអតីតមេដឹកនាំជាន់ខ្ពស់និងអ្នកទទួលខុសត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុតប្រព្រឹត្តនៅក្នុងអំឡុងពេលនៃរបបខ្មែរក្រហម ក៏ដូចជាការសិក្សាស្វែងយល់បន្ថែមអំពីប្រវត្តិសាស្ដ្រនៃរបបកម្ពុជាប្រជាធិបតេយ្យ៕

ECCC

 

ECCC

 

ECCC

 

ECCC

 

ECCC

 

Most read