កម្មវិធីបទឧទ្ទេសនាមទីមួយនៅថ្ងៃសុក្រនេះគឺនៅវិទ្យាល័យសាមគ្គី នៅរាជធានីភ្នំពេញ។ សិស្ស ៦.០០០នាក់ និងលោកគ្រូ-អ្នកគ្រូ ជួបជុំគ្នានៅម៉ោង ៧:០០ ព្រឹក ដើម្បីស្តាប់លោក រាជ សម្បត្តិ ប្រធានផ្នែកកិច្ចការសាធារណៈ និងលោក ឡាស អូលសិន មន្ត្រីទំនាក់ទំនងផ្នែកច្បាប់ ដែលជម្រាបជូនគាត់អំពីតួនាទីនិងការងាររបស់អង្គជំនុំជម្រះវិសាមញ្ញក្នុងតុលាការកម្ពុជា។ បន្ទាប់ពីបទឧទ្ទេសនាម ដែលមានរយៈពេលមួយម៉ោងអំពីដំណើរការបច្ចុប្បន្នរបស់តុលាការ សិស្សឈរតម្រង់ជួរគ្នារង់ចាំសួរសំណួរ ដែលមានដូចជា ៖
១) តើតុលាការនឹងដំណើរការយូរប៉ុនណា?
២) ហេតុអ្វី ឌុច សម្លាប់មនុស្ស?
៣) តើប្រជាជនកម្ពុជាអាចទទួលយកបានទេដែល ឌុច ត្រូវកាត់ទោសជាប់ពន្ធនាគាររយៈពេល ៣៥ឆ្នាំ?
៤) តើកត្តាអ្វីខ្លួនដែលបណ្តាលឲ្យខ្មែរក្រហមសម្លាប់មនុស្ស?
៥) ហេតុអ្វីតុលាការខ្មែរក្រហមមិនកាត់ទោស ឌុច ប្រហារជីវិត?
៦) ហេតុអ្វីបានជាខ្មែរក្រហមជម្លៀសប្រជាជន?
៧) តើ ឌុច ត្រូវបានបញ្ចូលក្នុងសំណុំរឿង ០០២ ដែរឬទេ?
៨) តើតុលាការខ្មែរក្រហមមានប្រយោជន៍អ្វីខ្លះសម្រាប់ប្រជាជនកម្ពុជា?
៩) តើតុលាការខ្មែរក្រហមចំណាយអស់ថវិកាប៉ុន្មាន ហើយតើតុលាការខ្មែរក្រហមបានលុយមកពីណា?
១០) តើអ្វីខ្លះជាទណ្ឌកម្មដែលឲ្យស័ក្តិសមនឹងអំពីទារុណកម្មដែលមេដឹកនាំខ្មែរក្រហមបានប្រព្រឹត្ត ដូចជាការធ្វើទារុណកម្មឬឃុំឃាំង?
១១) តើការកាត់ក្តី ឌុច ចំណាយអស់រយៈពេលប៉ុន្មានឆ្នាំ?
១២) តើពេលណាទើបចាប់ផ្តើមដំណើរការសំណុំរឿង ០០២?
១៣) ខ្ញុំមើលតាមទូរទស្សន៍ឃើញថា ឌុច តម្រូវឲ្យសងជាសំណងដល់ជនរងគ្រោះ តើសំណង ទាំងនោះមានលក្ខណៈដូចម្តេច។
១៤) ហេតុអ្វីបានជាមានរបបខ្មែរក្រហម?
១៥) ហេតុអ្វីបានជាគេ (តុលាការ១៩៧៩) កាត់ទោស ប៉ុល ពត កំបាំងមុខ?
១៦) នៅក្នុងរបបខ្មែរក្រហម ហេតុអ្វីបានជាអង្គការសហប្រជាជាតិមិនមកជួយកម្ពុជា ហើយទុកឲ្យ កម្ពុជាទទួលរងគ្រោះ?
១៧) ហេតុអ្វីបានជាខ្មែរក្រហមសម្លាប់អ្នកដែលមានចំណេះដឹងខ្ពង់ខ្ពស់?
១៨) តើតុលាការខ្មែរក្រហមត្រូវបានបង្កើតឡើងក្នុងគោលបំណងអ្វី? ហើយហេតុអ្វីបានជាបុគ្គលិកអង្គការសហប្រជាជាតិធ្វើការនៅតុលាការខ្មែរក្រហម?
១៩) ក្រៅពីកាត់ក្តីមេដឹកនាំ៥នាក់រួចហើយ តើអ្នកដែលជាប់ពាក់ព័ន្ធនឹងការធ្វើទារុណកម្មនឹងត្រូវ កាត់ទោសដែរឬទេ?
២០) តើនរណាជាអ្នកដឹកនាំរំដោះកម្ពុជាពីរបបខ្មែរក្រហម?
២១) តើនរណាជាអ្នកបង្កើតរបបខ្មែរក្រហម?
២២) តើ ឌុច ធ្វើបែបនេះដើម្បីអ្វី ហើយមានប្រយោជន៍អ្វីដល់គាត់?
២៣) ហេតុអ្វី ឌុច សារភាពទទួលខុសត្រូវចំពោះការសម្លាប់មនុស្សតែ ១២.៣៨០ នាក់?
២៤) តើការសម្លាប់មនុស្សនិងការធ្វើទារុណកម្មមនុស្ស ចង់ឲ្យប្រទេសកម្ពុជាទៅជាយ៉ាងដូចម្តេច?
២៥) តើហេតុអ្វីបានជាយូរម្ល៉េះទើបចាប់ខ្លួនមេដឹកនាំខ្មែរក្រហមទាំង៥នាក់?
២៦) ក្នុងរបបខ្មែរក្រហម ប្រជាជនធ្វើស្រែបានច្រើនណាស់ តើខ្មែរក្រហមយកស្រូវទាំងនោះទៅណា?
២៧) តើជនប្រភេទណាដែលត្រូវបានចាត់ទុកថាជាអ្នកទទួលខុសត្រូវខ្ពស់បំផុត?
២៨) ខ្ញុំស្តាប់វិទ្យុសំឡេងសហរដ្ឋអាមេរិកឮថានឹងមានសំណុំរឿង០០៣ទៀត។ តើពិតឬទេ?
២៩) តើការជម្លៀសប្រជាជនមានប្រយោជន៍អ្វី?
៣០) តើខ្មែរក្រហមប្រើប្រជាជនជីកប្រឡាយលើកទំនប់ និងធ្វើស្រែចម្ការ ដើម្បីប្រយោជន៍ផ្ទាល់ខ្លួនគាត់ឬយ៉ាងណា?
៣១) តើមានវិធានការបែបណាដើម្បីទប់ស្កាត់របបខ្មែរក្រហម?
៣២) ហេតុអ្វីប្រទេសបារាំងផ្តល់ជំនួយដល់សាលាក្តីខ្មែរក្រហម?
៣៣) បន្ទាប់ពីកាត់ក្តីរឿងខ្មែរក្រហម តើនឹងមានការកាត់ក្តីលើរឿងផ្សេងៗទៀតដែរឬទេ?
៣៤) ហេតុអ្វីបានជាគេហៅរបប ប៉ុល ពត ថាជារបបប្រល័យពូជសាសន៍?
៣៥) តើនរណាជាអ្នកបញ្ជារ ប៉ុល ពត ឲ្យសម្លាប់ប្រជាជន?
៣៦) តើប្រជាជនកម្ពុជាមានសិទ្ធិប្តឹងខ្មែរក្រហមដែរឬទេ?
១) តើការកាត់ទោសដំណើរការដល់ណាហើយ?
២) តើការកាត់ទោសចំណាយរយៈពេលខ្លីឬវែង?
៣) អង្គការសហប្រជាជាតិបានទទួលស្គាល់របបខ្មែរក្រហមជាសមាជិករបស់អង្គការសហប្រជាជាតិ។ តើនរណាជាអ្នកតំណាងខ្មែរក្រហមនៅឯកិច្ចប្រជុំរបស់អង្គការសហប្រជាជាតិ?
៤) មានតួលេខខុសៗគ្នាអំពីចំនួនអ្នកស្លាប់ក្នុងរបបខ្មែរក្រហមៈ ៣លាន ១,៧លាន និង ជាង២លាន។ តើតួលេខមួយណាជាតួលេខត្រឹមត្រូវពិតប្រាកដ?
៥) ហេតុអ្វីតុលាការឆ្នាំ១៩៧៩កាត់ទោសតែ ប៉ុល ពត និង អៀង សារី ប៉ុន្តែមិនកាត់ទោស នួន ជា ផង?
៦) តើចំណុចណាខ្លះបង្ហាញថា មេដឹកនាំខ្មែរក្រហមទាំង៥រូបជាអ្នកប្រល័យពូជសាសន៍?
៧) តើសំណុំរឿង ០០២ នឹងចប់តាមការគ្រោងទុកដែរឬទេ?
៨) នៅពេលដែលប្រកាសសាលក្រមសំណុំរឿង ០០២ តើតុលាការនឹងអនុញ្ញាតឲ្យជនជាប់ចោទប្តឹងឧទ្ធរណ៍ ដូច ឌុច ដែរឬទេ?
៩) ឌុច ត្រូវបានកាត់ទោសឲ្យជាប់ពន្ធនាគាររយៈពេល៣៥ឆ្នាំ។ ឧទាហរណ៍ថា ឌុច ស្លាប់ក្នុងគុកមុនពេលដែលគាត់ជាប់គ្រប់ ៣៥ឆ្នាំ តើសាកសពរបស់គាត់នឹងត្រូវបន្តជាប់នៅក្នុងគុកឲ្យគ្រប់ទោសដែរឬទេ?
១០) ហេតុអ្វីបានជារបបខ្មែរក្រហមសម្លាប់មនុស្ស?
១១) តើមានប្រទេសណាខ្លះដែលទទួលរងអំពីឧក្រិដ្ឋដូចប្រទេសកម្ពុជា?
១២) កម្ពុជាជាប្រទេសដ៏តូចមួយ ហេតុអ្វីបានជាអង្គការសហប្រជាជាតិអូសបន្លាយពេលក្នុងការជួយប្រជាជនកម្ពុជា?
១៣) តើ ឌុច អាចស្វែងរកការលើកលែងទោសពីព្រះមហាក្សត្រដូចដែល អៀង សារី បានធ្វើកាលពីឆ្នាំ១៩៩៦ដែរឬទេ?
១៤) មេដឹកនាំខ្មែរក្រហមសុទ្ធតែបានរៀនសូត្រខ្ពង់ខ្ពស់ ហេតុអ្វីបណ្តោយឲ្យមានអំពើប្រល័យពូជសាសន៍?
១៥) តើបុគ្គលនៅថ្នាក់ណាដែលអាចចាត់ទុកថាជា “មេដឹកនាំខ្ពស់បំផុត” ឬ “អ្នកដែលទទួលខុសត្រូវខ្ពស់បំផុត”?