សន្និសីទសារព័ត៌មានមុនការប្រកាសសាលក្រម សំណុំរឿង ០០២/០២ ពាក់ព័ន្ធនឹងជនជាប់ចោទ នួន ជា និងខៀវ សំផន

ដើម្បីឆ្ពោះទៅកាន់ការប្រកាសសាលក្រមរបស់អង្គជំនុំជម្រះសាលាដំបូងនៃ អ.... លើសំណុំរឿង ០០២/០២ ពាក់ព័ន្ធនឹងជនជាប់ចោទ នួន ជា និងខៀវ សំផន តំណាងប្រព័ន្ធផ្សព្វផ្សាយជាតិ និងអន្តរជាតិទាំងអស់ត្រូវបានអញ្ជើញចូលរួមក្នុងសន្និសីទសារព័ត៌មាន ដែលនឹងប្រព្រឹត្តទៅនៅថ្ងៃទី១៥ ខែវិច្ឆិកា ឆ្នាំ ២០១៨ ពីម៉ោង ១០ ព្រឹក ដល់ម៉ោង ១១ព្រឹក នៅអង្គជំនុំជម្រះវិសាមញ្ញក្នុងតុលាការកម្ពុជា ស្ថិតនៅតាមបណ្តោយផ្លូវជាតិលេខ ៤ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

ជាមួយគ្នានេះដែរ តំណាងសារព័ត៌មានអាចយកប័ណ្ណសម្គាល់ខ្លួនអ្នកសារព័ត៌មានសម្រាប់ចូលរួមក្នុងថ្ងៃប្រកាសសេចក្តីសំអាងហេតុ និងផ្នែកនៃសេចក្តីសម្រេចនៃសាលក្រមក្នុងសំណុំរឿង ០០២/០២ ពាក់ព័ន្ធនឹងជនជាប់ចោទ នួន ជា និងខៀវ សំផន នៅថ្ងៃសុក្រ ទី១៦ ខែ​វិច្ឆិ​កា ​ឆ្នាំ ២០១៨ ផងដែរ។

Most read