យឹម ទិត្យ

Photo


ឈ្មោះ​ក្លែងក្លាយ
តាទិត តា១៧
ទីកន្លែងកំណើត
ភូមិត្រពាំងគល់ ឃុំត្រពាំងធំ ស្រុកត្រាំកក់ ខេត្តតាកែវ (អតីតតំបន់ ១៣ នៃភូមិភាគនិរតី) នៅថ្ងៃទី៣០ ខែធ្នូ ឆ្នាំ១៩៣៦
ថ្ងៃចាប់ខ្លួន
មេធាវីការពារក្តី
លោក សូ មូស្សេន្នី (កម្ពុជា) លោកស្រី Suzana TOMANOVIĆ (បូស្នី និង ហ៊ឺហ្សេហ្គោវីណា)
តំណែងនៅកម្ពុជាប្រជាធិបតេយ្យ
  • សមាជិកស្រុក​គិរីវង់
  • លេខា​ និង​អនុលេខាស្រុក​គិរីវង់
  • សមាជិក​គណៈ​កម្មាធិការ​តំបន់​ ១៣
  • លេខា​តំបន់ ​១៣
ស្ថានភាពនៃសំណុំរឿង

ថ្ងៃទី​២០ ខែ​វិច្ឆិកា ឆ្នាំ​២០០៨៖ សហ​ព្រះរា​ជ​អាជ្ញា​អន្តរជាតិ​បាន​ចេញ​ដីកាសន្និដ្ឋាន​បញ្ជូន​រឿង​ឲ្យ​ស៊ើប​សួរ​លើក​ទីបី។ ​ដីកាសន្និដ្ឋាន​បញ្ជូន​រឿង​ឲ្យ​ស៊ើប​សួរ​​បន្ថែម​ត្រូវ​បាន​ដាក់​នៅ​ថ្ងៃទី​១៨ ខែ​កក្កដា ឆ្នាំ​២០១១ ថ្ងៃទី​១៨ ខែ​មេសា ឆ្នាំ​២០១៤ ថ្ងៃទី​០៤ ខែ​សីហា ឆ្នាំ​២០១៥ និង​ថ្ងៃទី​២០ ខែ​វិច្ឆិកា ឆ្នាំ​២០១៥។

ថ្ងៃទី០៩ ខែ​ធ្នូ ឆ្នាំ​២០១៥៖ សហចៅក្រម​ស៊ើប​អង្កេត​អន្តរជាតិចោទប្រកាន់ យឹម ទិត្យ ពីឧក្រិដ្ឋកម្ម​នានា​ដែលស្ថិត​ក្រោម​យុត្តាធិការ​របស់ អ.វ.ត.ក។ ក្រោយ​មក បទ​ចោទ​ទាំង​នោះ​ត្រូវ​បានកែប្រែ នៅ​ថ្ងៃទី​២៩ ខែ​មីនា ឆ្នាំ​២០១៧។

ថ្ងៃទី១៣ ខែ​មិថុនា ឆ្នាំ​២០១៧៖ សហ​ចៅក្រម​ស៊ើប​អង្កេត​អន្តរជាតិ​កាត់​បន្ថយ វិសាលភាព​នៃកិច្ចស៊ើបសួរ ​អនុលោម​តាម​វិធាន ៦៦​ស្ទួន នៃ​វិធាន​ផ្ទៃក្នុង។ នៅ​ថ្ងៃ​ដដែល​នោះ សហ​ចៅក្រម​ស៊ើបអង្កេតជូន​ដំណឹង ដល់​ភាគី​អំពី​ការបិទបញ្ចប់​កិច្ច​ស៊ើបសួរ។

ថ្ងៃទី២៨ ខែ​មិថុនា ឆ្នាំ​២០១៩៖ សហចៅក្រម​ស៊ើប​អង្កេត​បាន​ចេញដីកា​ដំណោះ​ស្រាយ​ពីរ​ដាច់​ពីគ្នា។ សហចៅក្រម​ស៊ើប​អង្កេត​ជាតិលើកលែង បទចោទ​ប្រឆាំង យឹម ទិត្យ ដោយសារ​ពុំ​មាន​យុត្តាធិការ​បុគ្គល ចំណែក​ឯ​សហចៅក្រម​ស៊ើបអង្កេត​អន្តរជាតិចោទប្រកាន់ យឹម ទិត្យ បញ្ជូន​ទៅ​ជំនុំជម្រះពីអំពើ​ប្រល័យ​ពូជសាសន៍ ឧក្រិដ្ឋកម្ម​ប្រឆាំង​មនុស្ស​ជាតិ ឧក្រិដ្ឋកម្មសង្រ្គាម និង​បទល្មើស​ថ្នាក់ជាតិ។

ការចោទប្រកាន់សំខាន់ៗ
  • ពើប្រល័យ​ពូជសាសន៍ទៅលើ​ប្រជាជន​ខ្មែរ​ក្រោម
  • ឧក្រិដ្ឋកម្ម​ប្រឆាំង​មនុស្ស​ជាតិក្រោមទម្រង់ជា​អំពើ​មនុស្សឃាត ការសម្លាប់​រង្គាល ការដាក់​ឲ្យ​ទៅជា​ទាសករ ការដាក់​ពន្ធនាគារ ការ​ធ្វើ​ទារុណកម្ម ការនិរទេស អំពើ​អមនុស្ស​ធម៌​ផ្សេង​ៗ​ទៀត (ការជម្លៀស​ដោយ​បង្ខំ ការបង្ខាំង និង​​ការធ្វើ​ការងារ​ក្នុងលក្ខខណ្ឌ​អមនុស្សធម៌ អាពាហ៍ពិពាហ៍​ដោយ​បង្ខំ) និង​ការធ្វើ​ទុក្ខបុកម្នេញ​ដោយ​មូលហេតុនយោបាយ និង​ពូជសាសន៍។
  • ការបំពារបំពាន​យ៉ាង​ធ្ងន់ធ្ងរ​ទៅលើ​អនុសញ្ញាទីក្រុង​ហ្សឺណែវ​ឆ្នាំ​១៩៤៩ ក្រោមទម្រង់ជាការ​ធ្វើ​មនុស្ស​ឃាតដោយចេតនា និង​ការជម្លៀស ឬ​ការ​និរទេស​ជនស៊ីវិល​ដោយខុសច្បាប់។
  • ការរំលោភបំពាន​ទៅលើក្រម​ព្រហ្មទណ្ឌឆ្នាំ​១៩៥៦ គឺ អំពើ​មនុស្សឃាត​ដោយចេតនា។

ឧក្រិដ្ឋ​កម្ម​ទាំង​នេះ​ត្រូវ​បាន​ចោទប្រកាន់​ថា​បាន​ប្រព្រឹត្ត​នៅ​តាម​តំបន់ និង​ទី​តាំង​នានា​ដូច​ខា​ង​ក្រោម៖

  • ភូមិ​ភាគនិរតី (តំបន់​១៣)៖ មន្ទីរសន្តិសុខ​វត្តព្រះធាតុ មន្ទីរ​សន្តិសុខ​ក្រាំង​តាចាន់ ទីតាំង​សម្លាប់​មនុស្ស​ភូមិព្រាល ទីតាំង​សម្លាប់មនុស្ស​វត្ត​អង្គុញ ទីតាំង​សម្លាប់​មនុស្ស​ព្រៃភូមិ​ស្លែង ទីតាំង​សម្លាប់​មនុស្ស​ព្រៃ​សុខុន និង​វត្ត​អង្គសិរី​មាលី។
  • ភូមិ​ភាគ​ពាយ័ព្យ (តំបន់ ១)៖ មន្ទីរ​សន្តិសុខ​គាស់​ក្រឡ សហករណ៍​ធិបតី (រួម​ទាំង មន្ទីរ​សន្តិសុខ​វត្ត​ធិបតី និងមន្ទីរសន្តិសុខ​និង​ការដ្ឋាន​ទួល​ម្ទេស) ការដ្ឋាន​ទំនប់​កង្ហត់ មន្ទីរ​សន្តិសុខ​បាណន់ មន្ទីរ​សន្តិសុខខ្នង​គូ និង​ការដ្ឋាន​រោង​ចក្រ​ស្កសរ​កំពង់​គល់។
  • ភូមិ​ភាគ​ពាយ័ព្យ (តំបន់ ២)៖ មន្ទីរ​សន្តិសុខ​ភូមិវាល មន្ទីរសន្តិសុខ​ស្វាយ​ជ្រុំ ទីតាំង​សម្លាប់​មនុស្ស​ទួល​សេះ​ញ៉ូវ និង​ទីតាំង​សម្លាប់​មនុស្សព្រៃ​ក្របៅ។
  • ភូមិ​ភាគ​ពាយ័ព្យ (តំបន់ ៣)៖ មន្ទីរ​សន្តិសុខ​វត្ត​គិរីរម្យ។
  • ភូមិ​ភាគ​ពាយ័ព្យ (តំបន់ ៤)៖ មន្ទីរ​សន្តិសុខ​ឃុំកំពង់​ព្រៀង (មន្ទីរ​សន្តិសុខ​វត្ត​ពោធិ៍​លង្កា ភូមិ​កាច់រទេះ ភូមិ​ថ្មី និង​ភូមិសាលា​ត្រាវ) ឃុំរាំង​កេសី មន្ទីរ​សន្តិសុខ​វត្ត​សម្តេច និង​ឃុំរាំង​កេសី។
  • ភូមិ​ភាគ​ពាយ័ព្យ (តំបន់ ៧)៖ គុក​លេខ ៨ និង ទីតាំង​សម្លាប់​មនុស្ស​វាល់​បាក់​ជញ្ជីង។
សំណុំរឿងលេខ៖ សំណុំរឿង​ ០០៤

អង្គបុរេជំនុំជម្រះនៃអង្គជំនុំជម្រះវិសាមញ្ញក្នុងតុលាការកម្ពុជា ចាប់ផ្តើមសវនាការដែលមានរយៈពេលបីថ្ងៃ នៅក្នុងសំណុំរឿង ០០៣ ប្រឆាំង មាស មុត

អង្គបុរេ​ជំនុំជម្រះ​នៃ​អង្គជំនុំជម្រះវិសាមញ្ញ​ក្នុង​តុលាការ​កម្ពុជា ​ចាប់ផ្តើម​សវនាការ​ដែល​មាន​រយៈ​ពេល​បីថ្ងៃ នៅក្នុង​សំណុំ​រឿង ០០៣ ប្រឆាំ

ការតែងតាំងសហព្រះរាជអាជ្ញាអន្តរជាតិថ្មី

បន្ទាប់ពីមានការចាត់តាំងពីឯកឧត្តម António Guterres អគ

អង្គបុរេជំនុំជម្រះចាប់ផ្តើមសវនាការស្តាប់ទឡ្ហីករណ៍ពីភាគីនៅក្នុងសំណុំរឿង ០០៤/២

ថ្ងៃនេះ អង្គបុរេជំនុំជម្រះនៃអង្គជំនុំជម្រះវិសាមញ្ញក្នុងតុលាការកម្ពុជា បានចាប់ផ្តើមសវនាការរយៈពេលបីថ្ងៃ នៅក្នុងសំណុំរឿង <