អត្ថបទព័ត៌មាន
សន្និសីទសារព័ត៌មានទាក់ទងនឹងសវនាការលើបណ្តឹងសាទុក្ខក្នុងសំណុំរឿង ០០២/០១
ផ្នែកកិច្ចការសាធារណៈនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) មានកិត្តិយសសូមអញ្ជើញតំណាងប្រព័ន្ធផ្សព្វផ្សាយជាតិ និងអន្តរជាតិ ចូលរួមក្នុងសន្និសីទសារព័ត៌មានមួយដែលរៀបចំឡើងមុនការចាប់ផ្តើមសវនាការលើបណ្តឹងសាទុក្ខក្នុងសំណុំរឿង០០២/០១ ប្រឆាំងនឹងខៀវ សំផន និង នួន ជា។ សន្និសីទកាសែតនេះនឹងប្រព្រឹត្តទៅនៅថ្ងៃទី៣០ ខែមិថុនា ឆ្នាំ ២០១៥ ពីម៉ោង ១០ ព្រឹក ដល់ម៉ោង ១១ព្រឹក នៅសណ្ឋាគារភ្នំពេញ ស្ថិតតាមបណ្តោយមហាវិថីព្រះមុនីវង្ស។ សន្និសីទនេះនឹងមានការបកប្រែជាភាសាខ្មែរ និងអង់គ្លេស។
វីដេអូសង្ខេបស្តីពីការជំនុំជម្រះក្តីលើសំណុំរឿង ០០២/០២
ផ្នែកកិច្ចការសាធារណៈនៃអ.វ.ត.ក បានផលិតវីដេអូឯកសារថ្មីមួយដែលផ្តល់ព័ត៌មានសង្ខេបអំពីសំណុំរឿង ០០២/០២ ដែលជាការជំនុំជម្រះក្តីទី២ ប្រឆាំងនឹងជនជាប់ចោទ នួន ជា និងខៀវ សំផន។ លោកអ្នកអាចទស្សនាវីដេអូនេះបានតាមរយៈតំណដូចខាងក្រោម៖
ចៅក្រម BAIK Kang Jin និងចៅក្រម Michael Bohlander ត្រូវបានតែងតាំងជាចៅក្រមថ្មីនៅអ.វ.ត.ក
បន្ទាប់ពីមានការចាត់តាំងពីឯកឧត្តម បាន គីមូន អគ្គលេខាធិការអង្គការសហប្រជាជាតិ និងដោយមានការ អនុម័តយល់ព្រមពីឧត្តមក្រុមប្រឹក្សានៃអង្គចៅក្រម ព្រះមហាក្សត្រនៃព្រះរាជាណាចក្រកម្ពុជា ព្រះករុណា សម្តេច ព្រះបរមនាថ នរោត្តម សីហមុនី ទ្រង់បានតែងតាំងចៅក្រម BAIK Kang Jin (ជនជាតិកូរ៉េខាងត្បូង) ជាចៅក្រមអន្តរជាតិថ្មីនៅអង្គបុរេជំនុំជម្រះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ លោកជំនួសចៅក្រម រូវ៉ាន់ ដោននីង (ជនជាតិអូស្ត្រាលី) ដែលបានលាលែងតំណែងកាលពីដើមឆ្នាំនេះ។
ការលើកលែងការចោទប្រកាន់ប្រឆាំង ស៊ូ ម៉េត
នៅថ្ងៃទី២ ខែ មិថុនា ឆ្នាំ ២០១៥ សហចៅក្រមស៊ើបអង្កេតនៃអង្គជំនុំជម្រះវិសាមញ្ញក្នុងតុលាការកម្ពុជា(អ.វ.ត.ក) បានដាក់ចេញនូវសេចក្តីសម្រេចលើកលែងការចោទប្រកាន់ប្រឆាំងនឹង ស៊ូ ម៉េត ដែលជាជនសង្ស័យម្នាក់ ក្នុងដីកាសន្និដ្ឋានបញ្ជូនរឿងឲ្យស៊ើបសួរលើកទី២ ចេញដោយសហព្រះរាជអាជ្ញាស្តីទីអន្តរជាតិ កាលថ្ងៃទី៧ ខែកញ្ញា ឆ្នាំ ២០០៩។
អង្គជំនុំជម្រះតុលាការកំពូលចេញដីកាកំណត់កាលបរិច្ឆេទសវនាការលើកទីមួយក្នុងសំណុំរឿង ០០២/០១
អង្គជំនុំជម្រះតុលាការកំពូលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានចេញដីកាកំណត់កាលបរិច្ឆេទសវនាការលើកទីមួយទាក់ទងនឹងបណ្តឹងសាទុក្ខក្នុងសំណុំរឿង ០០២/០១ ដើម្បីស្តាប់សក្ខីកម្មរបស់សាក្សីបីរូប ដែលអង្គជំនុំជម្រះបានសម្រេចកោះហៅតាមសេចក្តីសម្រេចចុះថ្ងៃទី ២៩ ខែ ឧសភា ឆ្នាំ ២០១៥។ សវនាការនេះ គ្រោងនឹងបើកនៅវេលាម៉ោង ០៩ព្រឹក ដល់ម៉ោង ០៤រសៀល នៅថ្ងៃទី ២, ៣, ៦ ហើយថ្ងៃទី ៧ ខែកក្កដា ២០១៥ គឺជាថ្ងៃបម្រុង ប្រសិនបើត្រូវការពេលវេលាបន្ថែម។ សម្រាប់សវនាការបន្ថែមទៀត ដែលត្រូវរួមបញ្ចូលនូវសារណាផ្ទាល់មាត់លើបញ្ហាដែលបានលើកឡើង នៅក្នុងបណ្តឹងសាទុក្ខនោះ អង្គជំនុំជម្រះ នឹងធ្វើការកំណត់កាលបរិច្ឆេទទៅតាមពេលវេលាសមស្រប។
ពិធីចែកសៀវភៅសាលក្រមសំណុំរឿង ០០២/០១ របស់អង្គជំនុំជម្រះសាលាដំបូង
ការិយាល័យរដ្ឋបាលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងចែកសៀវភៅសាលក្រមសំណុំរឿង ០០២/០១ របស់អង្គជំនុំជម្រះសាលាដំបូងដល់និស្សិតប្រមាណ ៣០០ នាក់ មកពីសាកលវិទ្យាល័យនានានៅរាជធានីភ្នំពេញ នៅថ្ងៃទី១២ ខែឧសភា ឆ្នាំ ២០១៥ នៅសាលសវនាការរបស់ អ.វ.ត.ក វេលាម៉ោង ៩ ព្រឹក។ពិធីចែកសៀវភៅនេះនឹងប្រព្រឹត្តទៅក្រោមអធិបតីភាពឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី នៃ អ.វ.ត.ក។ ក្នុងឱកាសនោះ ក៏មានកម្មវិធី សំណួរ-ចម្លើយ រវាងវាគ្មិន និងអ្នកចូលរួមទាក់ទងនឹងដំណើរវិវឌ្ឍន៍ចុងក្រោយរបស់ អ.វ.ត.ក ផងដែរ។
ការតែងតាំងចៅក្រមអន្តរជាតិនៃអង្គបុរេជំនុំជម្រះ និងសហព្រះរាជអាជ្ញារងអន្តរជាតិថ្មី
បន្ទាប់ពីត្រូវបានចាត់តាំងដោយឯកឧត្តម បាន គីមូន អគ្គលេខាធិការអង្គការសហប្រជាជាតិ (អ.ស.ប) និងដោយមានការអនុម័តយល់ព្រមពីឧត្តមក្រុមប្រឹក្សានៃអង្គចៅក្រម លោកអូលីវីយ៉េ បូវ៉ាល់ឡេ (ជនជាតិបារាំង)ត្រូវបានតែងតាំងជាចៅក្រមអន្តរជាតិថ្មីនៅអង្គបុរេជំនុំជម្រះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ លោកចៅក្រម បូវ៉ាល់ឡេ ត្រូវបំពេញតួនាទីជំនួសលោកចៅក្រម ចាងហូ ជុង (ជនជាតិកូរ៉េខាងត្បូង) ដែលបានលាលែងពីតំណែងកាលពីថ្ងៃទី២៨ ខែកុម្ភៈ ឆ្នាំ ២០១៥។
គម្រោងថវិកាកែសម្រួលថ្មីសម្រាប់ឆ្នាំ ២០១៤-២០១៥ របស់ អ.វ.ត.ក ត្រូវបានអនុម័ត
គម្រោងថវិកាកែសម្រួលថ្មីសម្រាប់ឆ្នាំ ២០១៤-២០១៥ របស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានអនុម័តដោយក្រុមប្រទេសផ្តល់ជំនួយសំខាន់ៗ ហើយពេលនេះត្រូវបានផ្សព្វផ្សាយនៅលើគេហទំព័ររបស់ អ.វ.ត.ក រួចហើយ។
សេចក្តីថ្លែងការណ៍របស់សហចៅក្រមស៊ើបអង្កេតអន្តរជាតិទាក់ទងនឹងសំណុំរឿង ០០៤
នៅថ្ងៃទី ២៧ ខែ មីនា ឆ្នាំ ២០១៥ សហចៅក្រមស៊ើបអង្កេតអន្តរជាតិ បានដាក់ អោ អាន ឲ្យស្ថិតក្រោមការពិនិត្យពីបទឧក្រិដ្ឋដែលបានចោទប្រកាន់ដូចខាងក្រោម៖ មនុស្សឃាតដោយចេតនា ជាការរំលោភបំពានក្រមព្រហ្មទណ្ឌកម្ពុជាឆ្នាំ ១៩៥៦ ដែលត្រូវបានចោទប្រកាន់ថាបានប្រព្រឹត្តឡើងនៅទីកន្លែងសម្លាប់មនុស្សគោកព្រីង មន្ទីរសន្តិសុខ
ការកែសម្រួលកាលវិភាគសវនាការពីថ្ងៃទី ៣០ ខែ មីនា ដល់ថ្ងៃទី ០៣ ខែ មេសា ឆ្នាំ ២០១៥
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងស្តាប់សក្ខីកម្មរបស់សាក្សីមួយរូបដែលមានរហស្សនាម 2-TCW-923 តាមរយៈប្រព័ន្ធសោតទស្សន៍ពីសហរដ្ឋអាមេរិក។ ដោយសារតែពេល វេលាខុសគ្នា អង្គជំនុំជម្រះនឹងធ្វើសវនាការចាប់ពីម៉ោង ៨.០០ ព្រឹករហូតដល់ម៉ោង ១០.០០ ព្រឹក សម្រាប់រយៈពេល បីថ្ងៃ គឺពីថ្ងៃទី ៣០-៣១ ខែ មីនា និងថ្ងៃទី០១ ខែ មេសា ឆ្នាំ ២០១៥ ហើយអង្គជំនុំជម្រះនឹងមិនធ្វើសវនាការបន្តទៀតទេនៅអំឡុងថ្ងៃទាំងនេះ
ពិធីសម្ពោធបូជនីយ៍ដ្ឋាននៃការចងចាំ និងរំឭកវិញ្ញាណក្ខន្ធជនរងគ្រោះ ក្នុងរបបកម្ពុជាប្រជាធិបតេយ្យនៅសារៈមន្ទីរឧក្រិដ្ឋកម្មប្រល័យពូជសាសន៍ទួលស្លែង
អង្គភាពគាំពារជនរងគ្រោះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) និងក្រសួងវប្បធម៌ និងវិចិត្រសិល្បៈ នឹងធ្វើពិធីសម្ពោធបូជនីយដ្ឋាននៃការចងចាំ និងរំឭកវិញ្ញាណក្ខន្ធជនរងគ្រោះដែលបានបាត់បង់ជីវិតនៅក្នុងរបបកម្ពុជាប្រជាធិបតេយ្យ នៅថ្ងៃទី២៦ ខែមីនា ឆ្នាំ២០១៥ វេលាម៉ោង ៨: ៣០ នាទីព្រឹកនៅសារៈមន្ទីរឧក្រិដ្ឋកម្មប្រល័យពូជសាសន៍ទួលស្លែង។
កាលបរិច្ឆេទសវនាការលើសំណុំរឿង ០០២/០២ ដែលគ្រោងធ្វើពីថ្ងៃទី២៣-២៧ ខែមីនា ឆ្នាំ ២០១៥ ត្រូវបានកែប្រែ
នៅក្នុងបំណងផ្តល់ឱកាសបន្ថែមដល់ភាគីនានាពិនិត្យឡើងវិញនូវឯកសារពីសំណុំរឿង ០០៤ ដែលពាក់ព័ន្ធនឹងសំណុំរឿង ០០២ អង្គជំនុំជម្រះសាលាដំបូងនឹងមិនធ្វើសវនាការជំនុំជម្រះក្តីលើសំណុំរឿង០០២/០២នៅថ្ងៃច័ន្ទ ទី២៣ ខែមីនា ឆ្នាំ២០១៥ ទេ ហើយសវនាការលើសំណុំរឿង ០០២/០២ នឹងចាប់ផ្តើមឡើងវិញនៅថ្ងៃអង្គារ-ពុធ-ព្រហស្បតិ៍ ទី២៤-២៥-២៦ ខែមីនា ឆ្នាំ២០១៥។ សវនាការនឹងត្រូវផ្សព្វផ្សាយផ្ទាល់នៅលើគេហទំព័ររបស់ អ.វ.ត.ក www.eccc.gov.kh/en/live-stream
សេចក្តីប្រកាសព័ត៌មានរបស់សហចៅក្រមស៊ើបអង្កេតអន្តរជាតិទាក់ទងនឹងសំណុំរឿង ០០៤
នៅថ្ងៃទី ៣ ខែ មីនា ឆ្នាំ ២០១៥ សហចៅក្រមស៊ើបអង្កេតអន្តរជាតិ បានដាក់ អ៊ឹម ចែម ឲ្យស្ថិតក្រោមការពិនិត្យ ដោយកំបាំងមុខ ពីបទឧក្រិដ្ឋដូចខាងក្រោម៖ មនុស្សឃាត ដែលជាការរំលោភបំពានក្រមព្រហ្មទណ្ឌកម្ពុជាឆ្នាំ ១៩៥៦ ដែលបានប្រព្រឹត្តនៅមន្ទីរសន្តិសុខភ្នំទ្រយោង និងការដ្ឋានស្ពានស្រែង ឧក្រិដ្ឋកម្មប្រឆាំងនឹងមនុស្សជាតិ ដែលក្នុងនោះមានការធ្វើមនុស្សឃាត ការសម្លាប់រង្គាល ការធ្វើឲ្យទៅជាទាសករ ការដាក់ក្នុងមន្ទីរឃុំឃាំង ការធ្វើទុក្ខបុកម្នេញដោយមូលហេតុនយោបាយ និងអំពើអមនុស្សធម៌ផ្សេងទៀតនៅមន្ទីរសន្តិសុខភ្នំទ្រយោង និងឧក្រិដ្ឋកម្មប្រឆាំងនឹងមនុស្សជាតិ ដែលក្នុងនោះមាន ការធ្វើមនុស្សឃាត ការធ្វើឲ្យទៅជាទាសករ ការដាក់ក្នុងមន្ទីរឃុំឃាំង និងអ
សេចក្តីប្រកាសព័ត៌មាន របស់សហចៅក្រមស៊ើបអង្កេតអន្តរជាតិទាក់ទងនឹងសំណុំរឿង ០០៣
នៅថ្ងៃទី ៣ ខែ មីនា ឆ្នាំ ២០១៥ សហចៅក្រមស៊ើបអង្កេតអន្តរជាតិ បានដាក់ មាស មុត ឲ្យស្ថិតក្រោមការពិនិត្យ ដោយកំបាំងមុខ ពីបទឧក្រិដ្ឋដូចខាងក្រោម៖ មនុស្សឃាត ដែលជាការរំលោភបំពានក្រមព្រហ្មទណ្ឌកម្ពុជាឆ្នាំ ១៩៥៦ ឧក្រិដ្ឋកម្មប្រឆាំងនឹងមនុស្សជាតិ ដែលក្នុងនោះមាន ការធ្វើមនុស្សឃាត ការសម្លាប់រង្គាល ការធ្វើឲ្យទៅជាទាសករ ការដាក់ក្នុងមន្ទីរឃុំឃាំង ការធ្វើទុក្ខបុកម្នេញដោយមូលហេតុនយោបាយ និងពូជសាសន៍ និងអំពើអមនុស្សធម៌ផ្សេងទៀតដែលបានប្រព្រឹត្តនៅមន្ទីរសន្តិសុខវត្តឥន្ទញាណ កំពង់សោម ក្រចេះ និងមន្ទីរសន្តិសុខ ស-២១ និងបានប្រព្រឹត្តលើជនជាតិវៀតណាម ជនជាតិថៃ និងជនបរទេសផ្សេងទៀតនៅដែនសមុទ្រ និងនៅលើកោះ ដែល
ដីកាសម្រេចផ្ទាល់មាត់ហាមមិនឲ្យផ្សព្វផ្សាយរូបថត និងរូបភាពរបស់សាក្សីជាសាធារណៈ
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សូមជម្រាបជូនដល់តំណាងប្រព័ន្ធផ្សព្វផ្សាយទាំងអស់ថា ថ្ងៃនេះ ចៅក្រម និល ណុន ប្រធានអង្គជំនុំជម្រះសាលាដំបូងបានចេញដីកាសម្រេចផ្ទាល់មាត់មួយដែលមានខ្លឹមសារដូចខាងក្រោមនេះ៖
ការផ្លាស់ប្តូរកាលបរិច្ឆេទសវនាការលើសំណុំរឿង ០០២/០២
ចម្លើយសាក្សីមួយចំនួនពីសំណុំរឿង ០០៤ ដែលមានការជាប់ពាក់ព័ន្ធនឹងសំណុំរឿង ០០២/០២ ត្រូវបានដាក់បង្ហាញដោយសហព្រះរាជអាជ្ញានៅថ្ងៃទី១៦ ១៧ និង ១៨ ខែកុម្ភៈ ឆ្នាំ ២០១៥។ ដើម្បីផ្តល់ពេលវេលាដល់ភាគីនានាក្នុងការពិនិត្យឡើងវិញពីឯកសារថ្មីៗទាំងនេះ កាលបរិច្ឆេទសវនាការលើសំណុំរឿង ០០២/០២ ត្រូវបានផ្លាស់ប្តូរ៖
វិសោធនកម្មលើកទី៩ នៃវិធានផ្ទៃក្នុងរបស់អ.វ.ត.ក
កិច្ចប្រជុំពេញអង្គរបស់អ.វ.ត.កលើកទី១១ បានបិទបញ្ចប់នៅថ្ងៃទី១៦ ខែមករា ឆ្នាំ ២០១៥ ដោយបានអនុម័តលើវិសោធនកម្មវិធានផ្ទៃក្នុងមួយចំនួន។ វិសោធនកម្មលើកទី៩ នៃវិធានផ្ទៃក្នុងរបស់អ.វ.ត.ក បញ្ចូលនូវវិធានដែលត្រូវបានធ្វើវិសោធនកម្ម ត្រូវបានផ្សព្វផ្សាយជាសាធារណៈនៅថ្ងៃនេះ នៅលើគេហទំព័ររបស់អ.វ.ត.ក។ យោងតាម វិមាន ១(១) នៃវិធានផ្ទៃក្នុងរបស់អ.វ.ត.ក វិធានដែលត្រូវបានធ្វើវិសោធនកម្មបានចូលជាធរមានហើយនាពេលបច្ចុប្បន្ននេះ។ វិធានផ្ទៃក្នុងទាំងបីភាសាត្រូវបានផ្សព្វផ្សាយនៅលើគេហទំព័ររបស់អ.វ.ត.ក
ប្រទេសជប៉ុនផ្តល់ជំនួយថវិកាចំនួន ១.៣៩ លានដុល្លារសហរដ្ឋអាមេរិកដល់ អ.វ.ត.ក
រដ្ឋាភិបាលជប៉ុនបានសម្រេចផ្តល់ជំនួយថវិកាថ្មីមួយទៀត ចំនួន ១ ៣៨៥ ៥៦៧ ដុល្លារសហរដ្ឋអាមេរិក ដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ជប៉ុន គឺជាប្រទេសផ្តល់ជំនួយធំបំផុតរបស់ អ.វ.ត.ក ហើយជាមួយការផ្តល់វិភាគទានថ្មីបន្ថែមនេះ ប្រទេសជប៉ុនបានផ្តល់ជំនួយហិរញ្ញវត្ថុដល់សាលាក្តីខ្មែរក្រហម សរុបចំនួនជាង ៨២ លានដុល្លារសហរដ្ឋអាមេរិក ស្មើប្រមាណ ៣៦ ភាគរយនៃជំនួយថវិកាសរុប ដែលប្រទេសម្ចាស់ជំនួយផ្តល់ដល់ អ.វ.ត.ក។
ការបិទកិច្ចប្រជុំពេញអង្គលើកទី ១១
កិច្ចប្រជុំពេញអង្គលើកទី ១១ នៃ អ.វ.ត.ក ដែលជាកិច្ចប្រជុំបន្តពីកិច្ចប្រជុំកាលពីថ្ងៃទី ១៦ ខែ តុលា ឆ្នាំ ២០១៤ បានបិទបញ្ចប់នៅរសៀលថ្ងៃនេះ។ ជាលទ្ធផល សំណើវិសោធនកម្មមួយចំនួននៃវិធានផ្ទៃ ត្រូវបានអនុម័តដោយអនុញ្ញាតឱ្យសហចៅក្រមស៊ើបអង្កេតកាត់បន្ថយវិសាលភាពនៃកិច្ចស៊ើបសួរដោយដកចេញអង្គហេតុមួយចំនួននៅក្នុងដីកាសន្និដ្ឋានបញ្ជូនរឿងឲ្យស៊ើបសួរ ឬដីកាសន្និដ្ឋានបញ្ជូនរឿងឲ្យស៊ើបសួរបន្ថែម នៅពេលជូនដំណឹងអំពីការបញ្ចប់កិច្ចស៊ើបសួរ ដោយត្រូវធានាថា អង្គហេតុដែលនៅសល់ អាចយកធ្វើជាតំណាងចំពោះវិសាលភាពនៃដីកាសន្និដ្ឋានបញ្ជូនរឿងឱ្យស៊ើបសួរ ឫដីកាសន្និដ្ឋានបញ្ជូនរឿងឱ្យស៊ើបសួរបន្ថែម។
សវនាការលើសំណុំរឿង ០០២/០២ នឹងចាប់ផ្តើមសាជាថ្មីនៅថ្ងៃទី២១ ខែមករា ឆ្នាំ ២០១៥
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ត្រូវបានផ្តល់ព័ត៌មានដោយមន្ទីរពេទ្យមិត្តភាពខ្មែរ-សូវៀតថា ខៀវ សំផន នឹងមិនអាចចាកចេញពីមន្ទីរពេទ្យ នៅមុនថ្ងៃទី១៥ ខែមករា ឆ្នាំ ២០១៥ បានទេ។ ហេតុដូច្នេះ សវនាការដែលគ្រោងធ្វើនៅថ្ងៃនោះត្រូវបានលុបចោល។ អង្គជំនុំជម្រះសាលាដំបូងក៏បានបង្គាប់ឱ្យមានការវាយតម្លៃផ្នែកវេជ្ជសាស្ត្រពីអ្នកជំនាញដែលត្រូវបានចាត់តាំងដោយតុលាការរួចហើយ ដើម្បីវាយតម្លៃលើសម្បទាក្នុងការចូលរួមសវនាការរបស់ជនជាប់ចោទទាំងពីរ នៅថ្ងៃទី ១៩ និង ថ្ងៃទី២០ ខែមករា ។ សវនាការលើសំណុំរឿង ០០២/០២ នឹងចាប់ផ្តើមសាជាថ្មី នៅវេលាម៉ោង ៩ ព្រឹក នៅថ្ងៃពុធ ទី២១ ខែមករា ឆ្នាំ២០១៥។
អង្គជំនុំជម្រះសាលាដំបូងសម្រេចបញ្ជូនកំហុសវិជ្ជាជីវៈ របស់ក្រុមមេធាវីការពារក្តី ខៀវ សំផន ទៅអង្ភភាពមានសមត្ថកិច្ចរបស់ពួកគេរៀងៗខ្លួន
នៅថ្ងៃទី ១៩ ខែ ធ្នូ ឆ្នាំ ២០១៤ នេះ អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានសម្រេចចេញដីកាបញ្ជូនកំហុសវិជ្ជាជីវៈរបស់មេធាវី គង់ សំអុន សហមេធាវីជាតិការពារក្តី ខៀវ សំផន ទៅប្រធានគណៈមេធាវីនៃព្រះរាជាណាចក្រកម្ពុជា និងបញ្ជូនកំហុសវិជ្ជាជីវៈរបស់មេធាវី Arthur Vercken និងមេធាវី Anta Guisse សហមេធាវីអន្តរជាតិការពារក្តី ខៀវ សំផន ទៅប្រធានគណៈមេធាវីទីក្រុងប៉ារីស និងអគ្គរដ្ឋអាជ្ញានៃសាលាឧទ្ធរណ៍ទីក្រុង ប៉ារីស។
អង្គជំនុំជម្រះសាលាដំបូងបង្គាប់ឱ្យមានការតែងតាំងមេធាវីប្រចាំការសម្រាប់ ខៀវ សំផន
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានបដិសេធសំណើសុំរបស់សហព្រះរាជអាជ្ញា ដើម្បីតែងតាំងជាបណ្តោះអាសន្ននូវក្រុមមេធាវីដែលជាមិត្តរបស់តុលាការ និងបានបង្គាប់ឱ្យអង្គភាពគាំពារការពារក្តីតែងតាំងក្រុមមេធាវីការពារក្តីប្រចាំការរបស់តុលាការជាជនជាតិកម្ពុជាម្នាក់ និងអន្តរជាតិម្នាក់សម្រាប់លោក ខៀវ សំផន។
សេចក្តីប្រកាសព័ត៌មានរបស់សហព្រះរាជអាជ្ញាអន្តរជាតិ
របាយការណ៍សារព័ត៌មាននានាបានបញ្ជាក់ថា មានសំណួរមួយចំនួនត្រូវបានចោទសួរនៅក្នុងព្រឹត្តិការណ៍ផ្សព្វផ្សាយ កាលពីពេលថ្មីៗនេះថាតើនៅមានសំណុំរឿងបន្ថែមទៀតដែរឬទេបន្ទាប់ពីសំណុំរឿង០០៣ និង០០៤។ សហព្រះរាជអាជ្ញាអន្តរជាតិលោក Nicholas Koumjian បានបញ្ជាក់ឡើងវិញម្តងទៀតថាការិយាល័យរបស់លោកនៅតែមិនប្រែប្រួលគោលនយោបាយរបស់ខ្លួនដូចដែលធ្លាប់បានប្រកាសពីលើកដំបូងដោយសហព្រះរាជអាជ្ញាមុនកាលពីថ្ងៃទី ០៨ ខែកញ្ញា ឆ្នាំ ២០០៩ ថា គ្មានសំណុំរឿងផ្សេងទៀតនឹងត្រូវដាក់ជូនទៅសហចៅក្រមស៊ើបអង្កេតនោះទេ។ ការយកចិត្តទុកដាក់របស់សហព្រះរាជអាជ្ញាអន្តរជាតិ និងបុគ្គលិករបស់ខ្លួន គឺការបញ្ចប់សំណុំរឿងនានា ដែលបច្ចុប្បន្ននេះកំពុងស្ថិតនៅដំណាក់កាលបណ្តឹងឧទ្ធរណ៍ នៅក្នុ
សាលាក្តីខ្មែរក្រហមទស្សនកិច្ចនៅអតីតបន្ទាយចុងក្រោយរបស់ខ្មែរក្រហម
មន្ត្រីមកពីការិយាល័យសហចៅក្រមស៊ើបអង្កេត និងផ្នែកកិច្ចការសាធារណៈនៃសាលាក្តីខ្មែរក្រហមបានធ្វើទស្សនកិច្ចស្រុកចំនួន ៩ នៅក្នុងខេត្តឧត្តរមានជ័យ បាត់ដំបង និងខេត្តប៉ៃលិន ដែលស្រុកទាំងនេះមានទីតាំងនៅក្នុងអតីតបន្ទាយចុងក្រោយរបស់ក្រុមខ្មែរក្រហម កាលពីថ្ងៃទី១២ ដល់ថ្ងៃទី២២ ខែវិច្ឆិកា ឆ្នាំ ២០១៤។
សវនាការក្នុងសំណុំរឿង ០០២/០២ ត្រូវបានផ្អាករហូតដល់ខែមករា ឆ្នាំ២០១៥
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានផ្អាកសវនាការជំនុំជម្រះក្ដី ក្នុងសំណុំរឿង ០០២/០២ រហូតដល់ម៉ោង ៩ ព្រឹក ថ្ងៃទី ០៨ ខែ មករា ឆ្នាំ ២០១៥។ មូលហេតុនៃការផ្អាកសវនាការនេះ គឺដោយសារតែមេធាវីការពារក្ដីលោក ខៀវ សំផន បន្តបដិសេធមិនចូលរួមក្នុងកិច្ចដំណើរការនីតិវិធីក្នុងសំណុំរឿង០០២/០២ នៅមុនកាលបរិច្ឆេទចុងក្រោយនៃការដាក់សារណាលើបណ្ដឹងសាទុក្ខរបស់លោក ខៀវ សំផន ដែលត្រូវនឹងថ្ងៃទី ២៩ ខែ ធ្នូ ឆ្នាំ២០១៤។
Pagination
ព័ត៌មានថ្មីៗ
- អ.វ.ត.ក. ទទួលស្វាគមន៍ដំណើរទស្សនកិច្ចរបស់ ក្រុមប្រឹក្សាសេដ្ឋកិច្ច សង្គម និងវប្បធម៌ មកកាន់មជ្ឈមណ្ឌលធនធាន អ.វ.ត.ក.2 ឧសភា 2024
- អ.វ.ត.ក. បានរៀបចំកិច្ចប្រជុំដើម្បីបង្កើតការប្រកួតប្រជែងតុលាការប្រឌិតថ្មី29 មេសា 2024
- ឯកអគ្គរដ្ឋទូតមិកស៊ីកូដែលមាននិវេសដ្ឋាននៅទីក្រុងបាងកក អញ្ជើញមកបំពេញទស្សនកិច្ចនៅមជ្ឈមណ្ឌលធនធាន អ.វ.ត.ក.26 មេសា 2024
- ឯកអគ្គរដ្ឋទូតតួកគីប្រចាំនៅកម្ពុជា បំពេញទស្សនកិច្ចនៅមជ្ឈមណ្ឌលធនធាន អ.វ.ត.ក.26 មេសា 2024
- ក្រុមប្រឹក្សាអ្នកច្បាប់ប្រមាណ ៤៨រូប អញ្ជើញមកបំពេញទស្សនកិច្ចសិក្សានៅមជ្ឈមណ្ឌលធនធានរបស់ អ.វ.ត.ក.25 មេសា 2024
- សិស្សានុសិស្សប្រមាណ ២៥០នាក់ មកពីវិទ្យាល័យ ហ៊ុន សែន កំពង់ត្រឡាច ចូលរួមកម្មវិធីទស្សនកិច្ចសិក្សារបស់ អ.វ.ត.ក.24 មេសា 2024
- អ.វ.ត.ក. រៀបចំកម្មវិធីផ្សព្វផ្សាយតាមរយៈ មជ្ឈមណ្ឌលធនធានចល័តនៅក្នុងបរិវេណសាកលវិទ្យាល័យភ្នំពេញអាមេរិកកាំង19 មេសា 2024
- អ.វ.ត.ក. ទទួលស្វាគមន៍ទស្សនកិច្ចរបស់ក្រុមប្រឹក្សាអ្នកច្បាប់10 មេសា 2024
- ប្រធានក្លឹបអ្នកកាសែតកម្ពុជា និង ប្រធានការិយាល័យភ្នំពេញទទួលបន្ទុកសារព័ត៌មានក្យូដូ បានធ្វើទស្សនកិច្ចនៅមជ្ឈមណ្ឌលធនធាន អ.វ.ត.ក.8 មេសា 2024
- និស្សិតប្រមាណ ១៥០នាក់ មកពីសាកលវិទ្យាល័យបៀលប្រាយ ខេត្តតាកែវ ចូលរួមកម្មវិធីទស្សនកិច្ចសិក្សារបស់ អ.វ.ត.ក.4 មេសា 2024