អត្ថបទព័ត៌មាន
សវនាការលើភ័ស្តុតាងក្នុងសំណុំរឿង ០០២ ត្រូវផ្អាកមួយរយៈពេលខ្លី
នៅពេលដែលសវនាការធ្វើសេចក្តីសន្និដ្ឋានបើកការចោទប្រកាន់ប្រឆាំងនឹងជនជាប់ចោទក្នុងសំណុំរឿង ០០២ នឹងចាប់ផ្តើមនៅថ្ងៃទី ២១ ខែវិច្ឆិកា ឆ្នាំ២០១១ តាមការគ្រោងទុក ប៉ុន្តែអង្គជំនុំជម្រះសាលាដំបូងប្រកាសផ្អាកសវនាការលើភ័ស្តុតាងមួយរយៈពេលខ្លី ក្នុងសំណុំរឿង ០០២ ដែលពីមុនគ្រោងនឹងធ្វើនៅថ្ងៃទី ២៨ ខែវិច្ឆិកា ឆ្នាំ២០១១ នៅចំពោះមុខអង្គជំនុំជម្រះវិសាមញ្ញក្នុងតុលាការកម្ពុជា។ សវនាការលើភ័ស្តុតាងក្នុងសំណុំរឿង ០០២ នឹងត្រូវចាប់ផ្តើមនៅថ្ងៃច័ន្ទ ទី៥ ខែធ្នូ ឆ្នាំ២០១១ វិញ។
អង្គជំនុំជម្រះសាលាដំបូងចេញសេចក្តីសម្រេចលើកាយសម្បទា អៀង ធីរិទ្ធ ក្នុងការចូលរួមសវនាការ
នៅថ្ងៃទី ១៧ ខែវិច្ឆិកា ឆ្នាំ២០១១ អង្គជំនុំជម្រះសាលាដំបូងចេញសេចក្តីសម្រេចលើកាយសម្បទារបស់ជនជាប់ចោទ អៀង ធីរិទ្ធ ក្នុងការចូលរួមសវនាការ។ នៅក្នុងសេចក្តីសម្រេចនេះ អង្គជំនុំជម្រះសាលាដំបូងបានយល់ស្របថា ជនជាប់ចោទ អៀង ធីរិទ្ធ ពុំមានកាយសម្បទានិងបញ្ញាស្មារតីគ្រប់គ្រាន់ក្នុងការចូលរួមសវនាការនាពេលនេះបានទេ។ អៀង ធីរិទ្ធ ត្រូវបានរកឃើញថាមានជំងឺវង្វេងវង្វាន់ដែលកាន់តែចុះខ្សោយទៅៗ។ ដើម្បីជាផលប្រយោជន៍យុត្តិធម៌ អង្គជំនុំជម្រះសាលាដំបូងសម្រេចចិត្តជាឯកឆ្ឆ័ន្ទបំបែកបទចោទប្រកាន់ប្រឆាំងនឹង អៀង ធីរិទ្ធ និងផ្អាកកិច្ចដំណើរការនីតិវិធីចំពោះគាត់។
ការប្រកាសសាលដីកាស្ថាពរក្នុងសំណុំរឿង ០០១ ប្រឆាំងនឹង កាំង ហ្គេកអ៊ាវ ហៅ ឌុច នឹងប្រព្រឹត្តទៅនៅថ្ងៃទី៣ ខែកុម្ភៈ ឆ្នាំ២០១២
អង្គជំនុំជម្រះតុលាការកំពូលបានប្រកាសថា ការប្រកាសសាលដីកាស្ថាពរក្នុងសំណុំរឿង ០០១ ប្រឆាំងនឹង កាំង ហ្គេកអ៊ាវ ហៅ ឌុច នឹងប្រព្រឹត្តទៅនៅថ្ងៃទី៣ ខែកុម្ភៈ ឆ្នាំ២០១២ វេលាម៉ោង ១០ព្រឹក នៅសាលសវនាការនៃអង្គជំនុំជម្រះវិសាមញ្ញក្នុងតុលាការកម្ពុជា។សេចក្តីប្រកាសព័ត៌មាន: PR-KAING GUEK EAV _DUCH_ SUPREME COURT CHAMBER JUDGEMENT TO BE PRONOUNCED ON FRIDAY, 3 FEBRUARY 2012-KHMER
សំណុំរឿង ០០២ - ព័ត៌មានសម្រាប់អ្នកសារព័ត៌មាន
នៅលើទំព័រនេះ យើងបានប្រមែប្រមូលឯកសារនិងព័ត៌មានសំខាន់ៗដែលមានប្រយោជន៍ដល់អ្នកសារព័ត៌មាន ដែលតាមដានព្រឹត្តិការណ៍សវនាការ អានបទចោទប្រកាន់ប្រឆាំងនឹងជនជាប់ចោទ និងការចាប់ផ្តើមនៃសវនាការលើភ័ស្តុតាង ក្នុងសំណុំរឿង ០០២ ប្រឆាំងនឹង ខៀវ សំផន នួន ជា អៀង សារី និង អៀង ធីរិទ្ធ។ប្រវត្តិរូបនិងព័ត៌មានអំពី ខៀវ សំផន
សេចក្តីថ្លែងការណ៍របស់សហព្រះរាជអាជ្ញាអន្តរជាតិ ទាក់ទងនឹងដីកាបង្គាប់ឲ្យដកព័ត៌មានចេញរបស់សហចៅក្រមស៊ើបអង្កេតក្នុងសំណុំរឿង ០០៣
យោងតាមវិធាន ៧៧(១៣) នៃវិធានផ្ទៃក្នុងសម្រាប់ អ.វ.ត.ក សេចក្តីពិចារណារបស់អង្គបុរេជំនុំជម្រះ ទាក់ទងនឹងបណ្តឹងឧទ្ធរណ៍របស់សហព្រះរាជអាជ្ញាអន្តរជាតិ ប្រឆាំងនឹងដីកាសម្រេចរបស់សហចៅក្រមស៊ើបអង្កេតលើសេចក្តីថ្លែងការណ៍ជាសាធារណៈរបស់សហព្រះរាជអាជ្ញា ទាក់ទងនឹងសំណុំរឿង ០០៣ ចុះថ្ងៃទី២៤ ខែតុលា ឆ្នាំ២០១១ និងដីកាសម្រេចលើសេចក្តីថ្លែងការណ៍ជាសាធារណៈរបស់សហព្រះរាជអាជ្ញាអន្តរជាតិ ទាក់ទងនឹងសំណុំរឿង ០០៣ (“ដីកាបង្គាប់ឲ្យដកព័ត៌មានចេញ”) ចុះថ្ងៃទី១៨ ខែឧសភា ឆ្នាំ២០១១ សហព្រះរាជអាជ្ញាអន្តរជាតិ លោក អាន់ឌ្រូ ឃេលី សូមដកសេចក្តីថ្លែងការណ៍ជាសាធារណៈរបស់គាត់វិញ ចុះថ្ងៃទី៩ ខែឧស
ព័ត៌មានស្តីអំពីការចូលរួមរបស់សាធារណជននិងអ្នកសារព័ត៌មាន នៅក្នុងសវនាការលើអង្គសេចកី្តក្នុងសំណុំរឿង ០០២ នៅថ្ងៃទី ២១-២៤ ខែវិច្ឆិកា ឆ្នាំ២០១១ និងសវនាការពិនិត្យភ័ស្តុតាងដែលនឹងចាប់ផ្តើមនៅថ្ងៃទី២៨ ខែវិច្ឆិកា ឆ្នាំ២០១១
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានប្រកាសថា សវនាការលើអង្គសេចកី្តដើម្បីជំនុំជម្រះសំណុំរឿង ០០២ ប្រឆាំងនឹង ខៀវ សំផន, នួន ជា, អៀង សារី, និង អៀង ធីរិទ្ធ នឹងចាប់ផ្តើមនៅវេលាម៉ោង ៩ ព្រឹក ថ្ងៃច័ន្ទ ទី២១ ខែវិច្ឆិកា ឆ្នាំ២០១១ ដូចមានក្នុងកម្មវិធី ខាងក្រោម៖ថ្ងៃច័ន្ទ ទី២១ ខែវិច្ឆិកា ឆ្នាំ២០១១- ការអានបទចោទប្រកាន់ទាំងឡាយប្រឆាំងនឹងជនជាប់ចោទនីមួយៗ។- ការថ្លែងសេចកី្តសន្និដ្ឋានចោទប្រកាន់របស់សហព្រះរាជអាជ្ញា។
បើកសវនាការលើអង្គសេចក្តីក្នុងសំណុំរឿង០០២ នៅថ្ងៃទី២១ ខែវិច្ឆិកា
អង្គជំនុំជម្រះសាលាដំបូង សូមប្រកាសនៅថ្ងៃនេះថា សវនាការលើអង្គសេចក្តីដើម្បីជំនុំជម្រះសំណុំរឿង ០០២ នឹងចាប់ផ្តើមធ្វើនៅថ្ងៃ ច័ន្ទ ទី ២១ ខែ វិច្ឆកា ឆ្នាំ ២០១១ វេលាម៉ោង ៩ ព្រឹក នៅសាលសវនាការនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) និងបន្តធ្វើនៅថ្ងៃបន្តបន្ទាប់ទៀត។ សវនាការពិនិត្យលើភស្តុតាងនៅក្នុងសំណុំរឿងនេះ នឹងចាប់ផ្តើមធ្វើនៅថ្ងៃ ច័ន្ទ ទី២៨ ខែវិច្ឆកា ឆ្នាំ២០១១។ ការបើកបើកសវនាការលើអង្គសេចក្តីនេះ ត្រូវបានធ្វើឡើងបន្ទាប់ ពីអង្គជំនុំជម្រះសាលាដំបូងបានធ្វើសវនាការបឋមលើសំណុំរឿង ០០២ នេះ កាលពីថ្ងៃទី ២៧ រហូតដល់ថ្ងៃទី ៣០ ខែមិថុនា ឆ្នាំ ២០១១កន្លងទៅស្របតាមវិធានផ្ទៃក
ព័ត៌មានសម្រាប់ការចូលរួមរបស់សាធារណជននិងអ្នកសារព័ត៌មានក្នុងសវនាការលើសំណុំរឿង ០០២ ថ្ងៃទី ១៩-២០ ខែតុលា ឆ្នាំ២០១១
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងរៀបចំសវនាការសាធារណៈចំនួន២ ទៅលើសំណើបឋមនៃការទាមទារសំណងរបស់ដើមបណ្តឹងរដ្ឋប្បវេណី និងទៅលើបញ្ហាកាយសម្បទារបស់លោកស្រី អៀង ធីរិទ្ធ ក្នុងការចូលរួមការជំនុំជម្រះក្តី ដែលនឹងប្រព្រឹត្តទៅនៅថ្ងៃទី១៩-២០ ខែតុលា ឆ្នាំ២០១១។
វេទិកាថ្នាក់តំបន់លើកទី៩សម្រាប់ដើមបណ្តឹងរដ្ឋប្បវេណីនៃសំណុំរឿង ០០២
អង្គភាពគាំពារជនរងគ្រោះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងរៀបចំវេទិកាថ្នាក់តំបន់លើកទី៩ នៅខេត្តពោធិ៍សាត់សម្រាប់ដើមបណ្តឹងរដ្ឋប្បវេណីដែលទើបទទួលស្គាល់ថ្មីៗនេះ នៃសំណុំរឿង ០០២ ចំនួន ៣៣០ នាក់ មកពីខេត្តពោធិ៍សាត់ បាត់ដំបង បន្ទាយមានជ័យ ប៉ៃលិន កំពង់ឆ្នាំង និងឧត្តរមានជ័យ។ វេទិកាថ្នាក់តំបន់លើកនេះនឹងប្រព្រឹត្តទៅនៅ អគារសុភមង្គលអាពាហ៍ពិពាហ៍ ក្រុងពោធិ៍សាត់ នាថ្ងៃសុក្រ ទី១៤ ខែតុលា ឆ្នាំ២០១១ វេលាម៉ោង ៧:៣០ ព្រឹក ដល់ ម៉ោង ៣:៣០ រសៀល (អត្តសញ្ញាណរបស់ដើមបណ្តឹងរដ្ឋប្បវេណីនឹងត្រូវបានរក្សាជាសម្ងាត់) ។
សេចក្តីថ្លែងការណ៍របស់សហចៅក្រមស៊ើបអង្កេតអន្តរជាតិ
បន្ទាប់ពីទទួលបានការតែងតាំងនៅថ្ងៃទី១ ខែធ្នូ ឆ្នាំ២០១០ សហចៅក្រមស៊ើបអង្កេតអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានបន្តការស៊ើបអង្កេតលើសំណុំរឿង ០០៣ និង ០០៤ ដោយរំពឹងថាអ្វីដែលត្រូវបានលើកឡើងនៅក្នុងសារព័ត៌មានថាជាសម្តីរបស់នាយករដ្ឋមន្ត្រីកម្ពុជា ដែលជម្រាបជូនលោកអគ្គលេខាធិការអង្គការសហប្រជាជាតិ បាន គីមូន ថា “នឹងមិនអនុញ្ញាតឲ្យមានសំណុំរឿងទាំងពីរនេះ” មិនបានឆ្លុះបញ្ចាំងពីគោលនយោបាយទូទៅរបស់រាជរដ្ឋាភិបាលកម្ពុជាទេ។
សេចក្តីថ្លែងការណ៍របស់សហព្រះរាជអាជ្ញា
សហព្រះរាជអាជ្ញា ធ្វើសេចក្តីថ្លែងការណ៍នេះឡើងពាក់ព័ន្ធនឹងរបាយការណ៍នានាក្នុងពេលថ្មីៗនេះអំពីសុចរិតភាពរបស់ អ.វ.ត.ក និងស្ថាប័នទាំងឡាយរបស់ខ្លួន ។
អង្គជំនុំជម្រះសាលាដំបូងសម្រេចបំបែកកិច្ចដំណើរការនីតិវីធីក្នុងសំណុំរឿង ០០២
នៅថ្ងៃនេះ អង្គជំនុំជម្រះសាលាដំបូងនៃ អ.វ.ត.ក បានសម្រេចបំបែកសំណុំរឿង ០០២ ជាផ្នែកតូចៗដើម្បីជំនុំជម្រះ និងវិនិច្ឆ័យសេចក្តីដាច់ដោយឡែកពីគ្នា។ អង្គជំនុំជម្រះសូមប្រកាសផងដែរថា កម្មវត្ថុនៃការជំនុំជម្រះនៅដំណាក់កាលដំបូងនេះ ជាមូលដ្ឋាន គឺពាក់ព័ន្ធទៅនឹងការផ្លាស់ទីលំនៅប្រជាជនដោយបង្ខំ និងឧក្រិដ្ឋកម្មប្រឆាំងនឹងមនុស្សជាតិ។
ជនជាតិដើមភាគតិចគ្រឹងស្វែងយល់អំពីដំណើរការសាលាក្តីខ្មែរក្រហម
"ខ្ញុំមានភាពតក់ស្លុតរន្ធត់យ៉ាងខ្លាំងនៅពេលឃើញរូបថត គំនរលលាដ៏ក្បាលជនរងគ្រោះខ្មែរ រណ្តៅកប់សពរួមធំៗនៅគុកទួលស្លែង និងនៅវាលពិឃាតជើងឯក។ បងប្អូនខ្ញុំក៏បានបាត់បង់ជីវិតនៅក្នុងរបបខ្មែរក្រហមដែរ។ អ៊ីចឹងបានជាខ្ញុំមកសាលាក្តីខ្មែរក្រហមនេះដើម្បីដឹងថាតើដំណើរការកាត់ទោសលើមេដឹកនាំខ្មែរក្រហមនេះប្រព្រឹត្តទៅយ៉ាងណា?»។ នេះគឺជាថ្លែងរបស់លោក គឹម ព្រីងរ៉ៃ ជនជាតិគ្រឹងម្នាក់ក្នុងចំណោមជនជាតិគ្រឹងជិត ៤០០នាក់ មកពីឃុំល្អក់ ស្រុកអូរជុំ ខេត្តរតនគិរី ដែលបានធ្វើទស្សនកិច្ចសិក្សាមកកាន់សាលាក្តីខ្មែរក្រហមកាលពីថ្ងៃទី១៥ ខែកញ្ញា ឆ្នាំ ២០១១។ នេះគឺជាលើកទ
ការកែសម្រួលសមាសភាពចៅក្រមកម្ពុជានៅអង្គជំនុំជម្រះសាលាដំបូង និងអង្គជំនុំជម្រះតុលាការកំពូល
យោងតាមសំណើរបស់ប្រធានអង្គជំនុំជម្រះសាលាដំបូង និងប្រធានអង្គជំនុំជម្រះតុលាការកំពូលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) និងបន្ទាប់ពីមានការអនុម័តយល់ព្រមពីឧត្តមក្រុមប្រឹក្សានៃអង្គចៅក្រម ព្រះមហាក្សត្រព្រះបាទសម្តេចព្រះបរមនាថ នរោត្តម សីហមុនី បានត្រាស់បង្គាប់កែសម្រួលសមាសភាពចៅក្រមជាតិ ដែលបម្រើការងារនៅអង្គជំនុំជម្រះសាលាដំបូង និងអង្គជំនុំជម្រះតុលាការកំពូល ដែលមានដូចខាងក្រោម៖នៅអង្គជំនុំជម្រះសាលាដំបូង ចៅក្រម យូរ ឧត្តរា ត្រូវបានតែងតាំងជាចៅក្រមពេញសិទ្ធិជំនួសចៅក្រម ធូ មណី ដែលត្រូវបានតែងតាំងជាចៅក្រមបម្រុងវិញ។ នៅអង្គជំនុំជម្រះតុលាការកំពូល ចៅក្រម ម៉ុង មុនីចរិយា ត្រូវបានតែងតាំងជាចៅក្រមពេញសិទ្ធិជំនួសចៅក្រម ស៊ិន រិទ្ធ ដែលត្រូវបានតែងតាំងជាចៅក្រមបម្រុងវិញ។
សេចក្តីថ្លែងការណ៍ដោយអង្គជំនុំជម្រះតុលាការកំពូល ជុំវិញសាលដីកានៃសំណុំរឿង ០០១
អង្គជំនុំជម្រះតុលាការកំពូលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ធ្វើសេចក្តីថ្លែងការណ៍ព័ត៌មានជូនដល់សាធារណជន អំពីដំណើរការការងាររបស់ខ្លួនក្នុងការចេញសាលដីកាក្នុងសំណុំរឿង ០០១ ដូចខាងក្រោម៖
សេចក្តីប្រកាសព័ត៌មានរបស់សហចៅក្រមស៊ើបអង្កេតទាក់ទងនឹងការមិនគោរពនីតិវិធីតុលាការពាក់ព័ន្ធនឹងការផ្សាយរបស់វិទ្យុសម្លេងសហរដ្ឋអាមេរិក
បន្ទាប់ពីវិទ្យុសម្លេងសហរដ្ឋអាមេរិក (VOA) បានដកស្រង់ទាំងស្រុងនូវខ្លឹមសារនៃឯកសារសម្ងាត់មួយរបស់
អ.វ.ត.ក. នៅថ្ងៃទី ១០ ខែ សីហា ឆ្នាំ ២០១១ សហចៅក្រមស៊ើបអង្កេតបានបើកដំណើរការនីតិវិធីនៃការជ្រៀតជ្រែកចូលក្នុងកិច្ចការរដ្ឋបាលតុលាការក្រោមបញ្ញត្តិនៃវិធាន ៣៥ នៃវិធានផ្ទៃក្នុង អ.វ.ត.ក. ។
ជនជាប់ចោទ នួន ជា ថ្លែងនៅក្នុងសវនាការលើកាយសម្បទា
ជនជាប់ចោទ នួន ជា បានថ្លែងទៅកាន់អង្គជំនុំជម្រះសាលាដំបូងនៅថ្ងៃទី២៩ ខែសីហា ឆ្នាំ ២០១១ថាគាត់មានបញ្ហា សុខភាពមួយចំនួន ដែលធ្វើឲ្យគាត់មិនអាចអង្គុយបានលើសពីរយៈពេលមួយម៉ោងកន្លះក្នុងមួយថ្ងៃនៅក្នុងសាលសវនាការ នៅក្នុងអំឡុងពេលនៃសវនាការស្តីពីបញ្ហាកាយសម្បទាក្នុងការចូលរួមសវនាការ។ សវនាការធ្វើឡើង ដើម្បីអនុញ្ញាតឲ្យមានការចោទសួរនូវសំណួរផ្សេងៗទៅលើលោកសាស្ត្រាចារ្យ ចន ខាមបែល ដែលត្រូវបានចាត់តាំង ឡើងដោយអង្គជំនុំជម្រះសាលាដំបូង ក្នុងនាមជាអ្នកជំនាញវេជ្ជសាស្ត្រ ដើម្បីធ្វើការវាយតម្លៃលើសមត្ថភាពកាយ សម្បទា និងស្មារតីបញ្ញាក្នុងការចូលរួមសវនាការសម្រាប់ជនជាប់ចោទ អៀង
សំណួរ និងចម្លើយទាក់ទងនឹងកាយសម្បទា និងបញ្ញាស្មារតីរបស់ជនជាប់ចោទសម្រាប់ការចូលរួមការជំនុំជម្រះក្នុងសំណុំរឿង ០០២
ខាងក្រោមនេះគឺជាសំណួរ-ចម្លើយ ទាក់ទង នឹង សវនាការ ស្តីពី បញ្ហាកាយ សម្បទា របស់ជនជាប់ចោទក្នុងសំណុំរឿង ០០២ ក្នុងការចូលរួមសវនាការ។ សវនាការត្រូវបានអង្គជំនុំជម្រះ សាលាដំបូងកំណត់កាលបរិច្ឆេទបើកសវនាការពីថ្ងៃទី២៩ ដល់ថ្ងៃទី៣១ ខែសីហា ឆ្នាំ ២០១១។ តើ “សមត្ថភាពខាងកាយសម្បទា និង បញ្ញាស្មារតីរបស់ជនជាប់ចោទក្នុងការចូលរួមជំនុំជម្រះ” មានន័យថាដូចម្តេច?
ការចូលរួមរបស់សាធារណជន និងប្រព័ន្ធផ្សព្វផ្សាយក្នុងសវនាការស្តីពី បញ្ហាកាយសម្បទាជនជាប់ចោទក្នុងសំណុំរឿង ០០២ ដែលប្រព្រឹត្តទៅពីថ្ងៃទី២៩ ដល់ថ្ងៃទី ៣១ ខែសីហា ឆ្នាំ ២០១១
អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានកំណត់កាលបរិច្ឆេទនៃសវនាការស្តីអំពីបញ្ហាកាយសម្បទាក្នុងការចូលរួមសវនាការទាក់ទងនឹងជនជាប់ចោទអៀង ធីរិទ្ធ និង នួន ជា ដែលនឹងប្រព្រឹត្តទៅពីថ្ងៃទី២៩ ដល់ថ្ងៃទី៣១ ខែសីហា ឆ្នាំ ២០១១។ សវនាការនឹងចាប់ផ្តើមឡើងនៅថ្ងៃចន្ទ ទី២៩ ខែសីហា វេលាម៉ោង ៩ ព្រឹក។
សាលាក្តីខ្មែរក្រហមផ្សព្វផ្សាយទៅដល់ព្រះសង្ឃក្នុងព្រះពុទ្ធសាសនា
“សាលាក្តីខ្មែរក្រហមតែឯងមិនអាចជំរុញឲ្យមានការផ្សះផ្សាដែលត្រូវការចាំបាច់សម្រាប់ព្យាបាលរបួសពីអតីតកាលឡើយ។ ដូច្នេះ ខ្ញុំព្រះករុណាសង្ឃឹមថា ព្រះថេរានុថេរៈគ្រប់ព្រះអង្គដែលជាព្រះសង្ឃ ដែលជាទីគោរពរបស់ប្រជាជនកម្ពុជា នឹងជួយបំពេញបន្ថែមទៅលើដំណើរការរបស់តុលាការដោយការជួយឲ្យមានការផ្សះផ្សារវាងជនរងគ្រោះនិងជនដៃដល់”។ នេះជាប្រសាសន៍របស់លោក ឃ្នុត រ៉ូសិនហក អនុប្រធានការិយាល័យរដ្ឋបាលនៃ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នៅក្នុងបទសុន្ទរកថាថ្លែងទៅកាន់ព្រះសង្ឃចំនួនជាង ៤០០អង្គ នៅឯពុទ្ធិកសាកលវិទ្យាល័យព្រះសីហនុរាជ នៅថ្ងៃទី៩ ខែសីហា ឆ្ន
សេចក្តីប្រកាសព័ត៌មានរបស់សហចៅក្រមស៊ើបអង្កេតទាក់ទងនឹងដើមបណ្តឹងរដ្ឋប្បវេណីនៅក្នុងសំណុំរឿង ០០៤
ក្នុងរយៈកាលកន្លងមក ការិយាល័យសហចៅក្រមស៊ើបអង្កេតមិនបានធ្វើការជូនដំណឹងដល់ សាធារណជនអំពីទីតាំងឧក្រិដ្ឋកម្មនៅក្នុងសំណុំរឿង ០០៤ នោះទេ ដោយហេតុថា ដោយខុសពីសំណុំ រឿង ០០២ សំណុំរឿង ០០៤ មានវិមតិសង្ស័យជាក់ច្បាស់ថាតើជនសង្ស័យនៅក្នុងសំណុំរឿងនេះស្ថិតនៅក្នុងប្រភេទនៃ “អ្នកទទួលខុសត្រូវខ្ពស់បំផុត” ស្របតាមមាត្រា ២ ស្តីអំពីសមត្ថកិច្ចយុត្តាធិការនៃច្បាប់ស្តីពីការបង្កើត អ.វ.ត.ក ដែរ ឬយ៉ាងណា ។
សេចក្តីថ្លែងការណ៍របស់សហព្រះរាជអាជ្ញាអន្តរជាតិទាក់ទងសំណុំរឿង ០០៤
សហព្រះរាជអាជ្ញាអន្តរជាតិ លោក អាន់ឌ្រូ ឃេលី ធ្វើសេចក្តីថ្លែងការណ៍ជាសាធារណៈនេះ អនុលោមតាមមាត្រា ១២(២) នៃកិច្ចព្រមព្រៀងរបស់ អ.វ.ត.ក និង វិធាន ២១.គ និង ៥៤ នៃវិធានផ្ទៃក្នុង ដើម្បីឲ្យប្រាកដថា សាធារណជនបានជ្រួតជ្រាបយ៉ាងត្រឹមត្រូវអំពីកិច្ចដំណើរការនីតិវិធីរបស់ អ.វ.ត.ក ដែលកំពុងតែប្រព្រឹត្តទៅក្នុងសំណុំរឿងលេខ០០៤ ដោយមានការយកចិត្តទុកដាក់ទៅលើផលប្រយោជន៍របស់ជនរងគ្រោះ និងសាក្សី, សិទ្ធិរបស់ជនសង្ស័យ និងលក្ខខណ្ឌតម្រូវនានានៃកិច្ចស៊ើបសួរ ។
កិច្ចប្រជុំពេញអង្គលើកទី១០ ត្រូវបានបញ្ចប់
កិច្ចប្រជុំពេញអង្គលើកទី ១០ របស់អង្គជំនុំជម្រះវិសាមញ្ញក្នុងតុលាការកម្ពុជា បានបញ្ចប់នៅថ្ងៃនេះ បន្ទាប់ពីបានជួបប្រជុំគ្នាអស់រយៈពេលបីថ្ងៃ ចាប់តាំងពីថ្ងៃច័ន្ទ ទី១ ដល់ថ្ងៃពុធ ទី៣ ខែសីហា ឆ្នាំ២០១១។ កិច្ចប្រជុំពេញអង្គបានពិភាក្សាសំណើសុំធ្វើវិសោធនកម្មវិធានផ្ទៃក្នុងរបស់ខ្លួន ដើម្បីលើកកម្ពស់ប្រសិទ្ធភាពនៃការរៀបចំការជំនុំជម្រះក្តី និងកិច្ចដំណើរការនីតិវិធីជំនុំជម្រះក្តីឲ្យបានឆាប់រហ័ស។