អត្ថបទព័ត៌មាន

កាំង​ ហ្កេកអ៊ាវ ​ហៅ ​ឌុច ​ត្រូវបាន​បញ្ជូន​ពីមន្ទីរ​ឃុំឃាំង​ អ.វ.ត.ក ​ទៅកាន់​ពន្ធនាគារខេត្តកណ្តាល

នៅថ្ងៃទី៣ ខែកុម្ភៈ ឆ្នាំ២០១២ កាំង ហ្កេកអ៊ាវ ត្រូវបានផ្តន្ទាទោសដាក់ពន្ធនាគារអស់មួយជីវិតដោយអង្គជំនុំជម្រះតុលាការកំពូល នៃអង្គជំនុំជម្រះវិសាមញ្ញក្នុងតុលាការកម្ពុជា។ នៅថ្ងៃដដែល សហព្រះរាជអាជ្ញា បានដាក់សំណើមួយសុំឲ្យអនុវត្តទោសស្របទៅតាមវិធាន១១៣(១) នៃវិធានផ្ទៃក្នុង។ សហព្រះរាជអាជ្ញាបានស្នើសុំថា៖    ១.    កាំង ហ្កេកអ៊ាវ ត្រូវបន្តនៅមន្ទីរឃុំឃាំង អ.វ.ត.ក រហូតដល់បញ្ចប់ការផ្តល់សក្ខីកម្មរបស់        គាត់ក្នុងសំណុំរឿង ០០២ ដែលបានកំណត់ពេលរួចហើយ និង

ការបំបែក​សវនាការ​ក្នុង​សំណុំរឿង ០០២ និង នួន ជា មាន​​កាយសម្បទា​​និង​​បញ្ញា​ស្មារតី​​គ្រប់គ្រាន់​​ក្នុងការ​​ចូលរួម​​ការជំនុំជម្រះក្តី

នៅក្នុងការជូនដំណឹងពីរនៅថ្ងៃទី២៩ ខែមីនា ឆ្នាំ២០១៣ អង្គជំនុំជម្រះសាលាដំបូងសន្និដ្ឋានថា នួន ជា មានកាយសម្បទានិងបញ្ញាស្មារតីគ្រប់គ្រាន់ក្នុងការចូលរួមការជំនុំជម្រះក្តី និងថា សំណុំរឿង ០០២ នឹងត្រូវបំបែកជាសវនាការតូចៗ។ អង្គជំនុំជម្រះសាលាដំបូងប្រកាសថា ប្រធានបទនៃការពិភាក្សានៅក្នុងសវនាការដំណាក់កាលទី១នៃសំណុំរឿង ០០២ គឺបទចោទប្រកាន់នៅក្នុងដីកាសន្និដ្ឋានដែលពាក់ព័ន្ធនឹង៖១) ការជម្លៀសប្រជាជនចេញពីទីក្រុងភ្នំពេញដោយបង្ខំនៅខែមេសា ឆ្នាំ១៩៧៥២) ការជម្លៀសប្រជាជននៅដំណាក់កាលទីពីរ ដែលចាប់ផ្តើមពីខែកញ្ញា ឆ្នាំ១៩៧៥៣) ការសម្លាប់អតីតទាហាន លន់ ណុល នៅទួលពោធិ៍ជ្រៃ ក្នុងខេត្តពោធិសាត់។

អង្គជំនុំជម្រះ​សាលាដំបូង​ចេញ​សេចក្តី​សម្រេច​ដែល​មាន​សំអាងហេតុ​ស្តីពី​ការ​បំបែក​កិច្ច​ដំណើរការ​នីតិវិធី​នៃ​សំណុំរឿង ០០២

ថ្ងៃនេះ អង្គជំនុំជម្រះសាលាដំបូង​នៃ​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា (អ.វ.ត.ក) បាន​ចេញ​សេចក្តី​សម្រេច​ដែល​មាន​សំអាងហេតុ​របស់ខ្លួន​ស្តីពី​ការបំបែក​កិច្ច​ដំណើរការ​នីតិវិធី​នៃ​សំណុំរឿង ០០២។ សេចក្តី​សម្រេច​នេះ​ចេញ​ក្រោយ​ពេល​មាន​ការ​ប្រកាស​ដោយ​ផ្ទាល់មាត់ អំពី​សេចក្តី​សម្រេច​ស្តីពី​ការ​បំបែក​កិច្ច​ដំណើរការ​នីតិវិធី កាលពីថ្ងៃទី២៩ ខែមីនា ឆ្នាំ២០១៣ ដែល​អាច​ផ្តល់​លទ្ធភាព​បន្ត​ធ្វើ​សវនាការ​ធ្វើ​នៅ​ថ្ងៃទី៨ ខែមេសា ដោយ​នឹង​ចេញ​សេចក្តី​សម្រេច​ជា​លាយលក្ខណ៍​អក្សរ​នៅ​ពេល​ក្រោយ។

សេចក្តីប្រកាស​ព័ត៌មាន​របស់​សហព្រះរាជអាជ្ញា

សហព្រះរាជអាជ្ញា​នៃ​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា (“អ.វ.ត.ក”) បាន​បញ្ចប់ការ​ស៊ើបអង្កេត​របស់ខ្លួន និង​បាន​ធ្វើ​របាយការណ៍​ស្តីពី​ការស្រាវជ្រាវ​របស់ខ្លួន ដើម្បី​ស្វែងរក​អំពី​មូលហេតុ​នៃ​មរណភាព​របស់ លោក អៀង សារី។ សហព្រះរាជអាជ្ញា​បាន​ធ្វើ​សេចក្តី​សន្និដ្ឋាន​ថា មរណភាព​របស់​លោក អៀង សារី កាលពី​ថ្ងៃ​ទី១៤ ខែមីនា ឆ្នាំ២០១៣ នៅក្នុង​មន្ទីរពេទ្យ​មិត្តភាព​ខ្មែរ-សូវៀត គឺ​ដោយសារ​មូលហេតុ​ធម្មជាតិ។ របាយការណ៍​ពេញលេញ​ស្តីពី​មរណភាពនេះ​ត្រូវបាន​បញ្ជូនទៅ​លោក​ប្រធាន​ការិយាល័យ​រដ្ឋបាល​ស្តីទី និង​លោក​អនុប្រធាន​ការិយាល័យ​រដ្ឋបាលរួចហើយ​នៅថ្ងៃនេះ។

ប្រទេស​ន័រវែស​ផ្តល់ជំនួយ​ថវិកា​ថ្មីបន្ថែម​ចំនួន ​៦ ​លានក្រោន​

រដ្ឋាភិបាលន័រវែសបានផ្តល់ជំនួយថវិកាថ្មីបន្ថែមទៀតចំនួន ៦ លានន័រវែសក្រោន (ប្រមាណ ១លាន ដុល្លារអាមេរិក)ដល់ភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ឆ្លើយតបនឹងជំនួយសប្បុរសនេះ ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោក ខ្នុត រ៉ូហ្សិនហក អនុប្រធានការិយាល័យរដ្ឋបាលនៃ អ.វ.ត.ក បានថ្លែងថា៖ “យើងខ្ញុំសូមថ្លែងអំណរគុណចំពោះការសម្រេចចិត្តរបស់រដ្ឋាភិបាលន័រវែសដែលបានបន្តគាំទ្រ អ.វ.ត.ក តាមរយៈការផ្តល់វិភាគទានហិរញ្ញវត្ថុនេះ”។

ការផ្សាយ​ផ្ទាល់​ពីដំណើរការ​សវនាការ​តាម​ប្រព័ន្ធ​អ៊ិនធឺណិត​ចាប់ផ្តើម​ឡើង​នៅពេលនេះ​

ឥឡូវនេះ អង្គជំនុំជម្រះវិសាមញ្ញក្នុងតុលាការកម្ពុជា ចាប់ផ្តើមផ្សាយផ្ទាល់ពីដំណើរការសវនាការសាធារណៈក្នុងសំណុំរឿង ០០២ នៅលើគេហទំព័រនេះ។ ការផ្សាយនេះមានជា ភាសាខ្មែរ អង់គ្លេស និងបារាំង។

ជនជាប់ចោទ អៀង សារី បានទទួលមរណភាព

ជាមួយសេចក្តីសោកស្តាយ  អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) សូមប្រកាសជូនដំណឹងអំពីមរណភាពរបស់ជនជាប់ចោទ អៀង សារី។ លោក អៀង សារី បានស្លាប់នៅក្នុងមន្ទីរពេទ្យមិត្តភាពខ្មែរ-សូវៀត នៅព្រឹកថ្ងៃនេះ បន្ទាប់ពីបានចូលសម្រាកព្យាបាលជំងឺនៅមន្ទីរពេទ្យនៅថ្ងៃទី៤ ខែមីនា ឆ្នាំ២០១៣។  អនុលោមតាមវិធាន ៣២ស្ទួននៃវិធានផ្ទៃក្នុងរបស់ អ.វ.ត.ក សហព្រះរាជអាជ្ញានឹងបញ្ជាក់អំពីមូលហេតុពិតប្រាកដនៃការស្លាប់នេះ បន្ទាប់ពីបានធ្វើការ ស៊ើបអង្កេតពាក់ព័ន្ធនានា។ សហព្រះរាជអាជ្ញានឹងចេញរបាយការណ៍ជាលាយលក្ខណ៍អក្សរមួយអំពីការរកឃើញ របស់គាត់នៅក្នុងពេលឆាប់ៗខាងមុខនេះ។

ចក្រភពអង់គ្លេស​សន្យា​ផ្តល់ជំនួយ​ថវិកា​បន្ថែម​ចំនួន ១,៤ លានផោន ដល់ អ.វ.ត.ក

រដ្ឋាភិបាលនៃចក្រភពអង់គ្លេស​បាន​សន្យា​ផ្តល់​ជំនួយ​ថវិកា​បន្ថែម​ចំនួន ១,៤ លានផោន (ប្រមាណ ២,២ លាន ដុល្លារ​អាមេរិក) ដល់ភាគី​អន្តរជាតិ​នៃ​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា (អ.វ.ត.ក)។

សេចក្តីប្រកាស​របស់​សហចៅក្រម​ស៊ើបអង្កេត ទាក់ទង​នឹង​សំណុំរឿង ០០៣

ការិយាល័យសហចៅក្រមស៊ើបអង្កេត​បាន​ទទួល​នូវដីកា​សន្និដ្ឋាន​បញ្ជូនរឿង​ឲ្យ​ស៊ើបសួរ​លើកទី ២ របស់​សហព្រះរាជអាជ្ញា​នៅក្នុង​សំណុំរឿង ០០៣ ចុះថ្ងៃទី ២០ ខែ វិច្ឆិកា ឆ្នាំ២០០៨ ពីការិយាល័យ​សហព្រះរាជអាជ្ញា​នាថ្ងៃទី ០៧ ខែ កញ្ញា ឆ្នាំ ២០០៩។សេចក្តីប្រកាស​របស់​សហចៅក្រម​ស៊ើបអង្កេត​ជាតិសហចៅក្រម​ស៊ើបអង្កេត​ជាតិ​សូមគូសបញ្ជាក់ថា៖-    បន្ទាប់ពី​ការ​ជូនដំណឹង​អំពីការ​បិទការ​ស៊ើបសួរ​តាមវិធាន​៦៦ នៃវិធានផ្ទៃក្នុង ដោយ​សហចៅក្រម​ស៊ើបអង្កេត​ជាតិ និង​សហចៅក្រម​ស៊ើបអង្កេត​អន្តរជាតិ  Siegfried Blunk  ចុះថ្ងៃទី ២៩ ខែ មេសា ឆ្នាំ ២០១១

គម្រោងថវិកាកែសម្រួលថ្មី សម្រាប់ឆ្នាំ ២០១៣ របស់ អ.វ.ត.ក ត្រូវបានអនុម័ត

គម្រោងថវិកាកែសម្រួលថ្មីសម្រាប់ឆ្នាំ ២០១២-១៣ របស់​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា (អ.វ.ត.ក) បាន​អនុម័ត​ដោយ​ក្រុមប្រទេស​ផ្តល់ជំនួយ​សំខាន់ៗ ហើយ​ក៏បាន​ផ្សព្វផ្សាយ​នៅ​លើ​គេហទំព័រ​របស់ អ.វ.ត.ក រួចហើយ។ក្នុង​គម្រោង​ថវិកា​កែសម្រួល​នេះ អ.វ.ត.ក បាន​កាត់​បន្ថយ​ថវិកា​សម្រាប់​ឆ្នាំ ២០១២-១៣ ចំនួន ១៥,១ លាន ដុល្លារអាមេរិក ហើយ​ថវិកា​សរុប​នៅក្នុង​គម្រោង​ដែល​បាន​កែសម្រួល​រួចហើយ គឺ ៦៩,៦ លាន ដុល្លារ អាមេរិក (តួលេខនេះ​មិន​រួមបញ្ចូល​កញ្ចប់​ថវិកា​សម្រាប់​ករណី​បន្ទាន់​នោះទេ) និង​ត្រូវបាន​បែងចែក​ដូច​ខាងក្រោម៖

ព័ត៌មានស្តីអំពីសំណុំរឿង ០០២ នៅក្នុងអំឡុងសប្តាហ៍ខាងមុខ

បន្ទាប់ពីសវនាការនៅថ្ងៃទី១៨ ទី២០ និងទី២១ ខែកុម្ភៈ អង្គជំនុំជម្រះ​សាលាដំបូង​បាន​ជម្រាបជូន​ភាគីពាក់ព័ន្ធ អំពីសក្ខីកម្ម​របស់​សាក្សី​ជំនាញ​ពីររូប​នាពេល​ខាងមុខ និងអំពីនីតិវិធី ដូចខាងក្រោម៖

អង្គជំនុំជម្រះ​តុលាការ​កំពូល​ចេញ​សេចក្តី​សម្រេច​លើបណ្តឹង​សាទុក្ខ​របស់​សហ​ព្រះរាជ​អាជ្ញា​ទាក់ទងនឹង​វិសាលភាព​នៃសំណុំរឿង​ ០០២/០១​

កាលពីថ្ងៃទី ៨ ខែ កុម្ភៈ ឆ្នាំ ២០១៣ អង្គជំនុំជម្រះតុលាការកំពូល នៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានចេញសេចក្តីសម្រេចរបស់ខ្លួនលើបណ្តឹងសាទុក្ខភ្លាមៗរបស់សហព្រះរាជអាជ្ញា ប្រឆាំងនឹងសេចក្តីសម្រេចរបស់អង្គជំនុំជម្រះសាលាដំបូង ដែលបានបដិសេធ ត្រង់ផ្នែកដែលពាក់ព័ន្ធនឹងការពន្លាតវិសាលភាពនៃការជំនុំជម្រះក្តីទីមួយក្នុងសំណុំរឿង ០០២។ អង្គជំនុំជម្រះតុលាការកំពូល បានបដិសេធសេចក្តីសម្រេចរបស់អង្គជំនុំជម្រះសាលាដំបូងខាងលើ ដោយហេតុ ថា ការបំបែកកិច្ចដំណើរការនីតិវិធីសំណុំរឿង ០០២ នៅអំឡុងខែកញ្ញា ឆ្នាំ ២០១១ និងសេចក្តីសម្រេចជាបន្តបន្ទាប់

ប្រទេស​ជប៉ុន​ផ្តល់ថវិកា ​២,៥​លាន​​ដុល្លារ​​សហរដ្ឋអាមេរិក​​ជូន ​អ.វ.ត.ក​

កាល​ពីថ្ងៃទី ​១៧ ​ខែ ​មករា ​ឆ្នាំ ​២០១៣​ ស្ថានទូតប្រទេសជប៉ុនប្រចាំទីក្រុងភ្នំពេញ បានប្រកាសផ្តល់ថវិកាចំនួន ២,៥ លានដុល្លារសហរដ្ឋអាមេរិក ដែលជាវិភាគទានរបស់រាជរដ្ឋាភិបាលជប៉ុន ទៅឲ្យភាគីអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ ប្រទេសជប៉ុនគឺជាប្រទេសផ្តល់ជំនួយធំបំផុតរបស់តុលាការនេះ ដែលបានផ្តល់ថវិកាជាទឹកប្រាក់សរុប ៧៨,៧ លានដុល្លារសហរដ្ឋអាមេរិក (៦២,៦ លានដុល្លារសម្រាប់ភាគីអន្តរជាតិ និង ១៦,១ លានដុល្លារសម្រាប់ភាគីជាតិ) ចាប់តាំងពីតុលាការនេះ ចាប់ផ្តើមដំណើរការក្នុងឆ្នាំ ២០០៦ មក។ ថវិកានេះមានចំនួនប្រហែល ៤៤% នៃថវិកាទាំងមូលរបស់ប្រទេសផ្តល់ជំនួយដល់អ.វ.ត.ក។ ប្រធានការិយាល័យរដ្ឋបាលស្តីទី

ទិន្នន័យមួយចំនួននៅក្នុងសំណុំរឿង ០០២ ដំណាក់កាលទី១

ខាងក្រោមនេះ​គឺជា​ទិន្នន័យ​ចុងក្រោយ​បំផុត អំពីសាក្សី សវនាការ ការចូលរួម​របស់​សាធារណជន នៅក្នុង​ដំណាក់កាល​ទី១​នៃ​សវនាការ​ក្នុង​សំណុំរឿង ០០២ ប្រឆាំងនឹង ខៀវ សំផន, អៀង សារី និង នួន ជា។ ទិន្ន័យនេះ​គិត​ត្រឹម​ថ្ងៃ​ទី៣១ ខែធ្នូ ឆ្នាំ២០១២។

ការតែងតាំង​ចៅក្រម​នៅ​អង្គជំនុំជម្រះ​តុលាការ​កំពូល​នៃ អ.វ.ត.ក

ចៅក្រម Florence Ndepele Mwachande Mumba មកពីប្រទេសហ្សំប៊ី ត្រូវបាន​តែងតាំង​ជា​ចៅក្រម​ជំនុំជម្រះ​នៃ​អង្គជំនុំជម្រះ​តុលាការ​កំពូល​នៃ​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា ដោយ​ឧត្តម​ក្រុមប្រឹក្សា​នៃ​អង្គចៅក្រម​នៃ​ព្រះរាជាណាចក្រ​កម្ពុជា បន្ទាប់ពី​អគ្គលេខាធិការ​អង្គការ​សហប្រជាជាតិ​បាន​តែងតាំង​គាត់ជា​ចៅក្រម​រួចមក។ ចៅក្រម Mumba ត្រូវ​ជំនួស​លោក​ចៅក្រម Motoo Noguchi ដែល​បាន​លាឈប់​ក្នុងខែ​កក្កដា ឆ្នាំ ២០១២ កន្លងទៅ។ ចៅក្រម Mumba បាន​បំពេញ​តួនាទី​ជា​ចៅក្រម​បម្រុង​នៅ​អង្គជំនុំជម្រះ​តុលាការ​កំពូល នៃអ.វ.ត.ក រហូតដល់​ពេល​មាន​ការ​តែងតាំង​ថ្មីនេះ។

សេចក្តីជូនដំណឹង​របស់​ប្រធាន​ការិយាល័យ​រដ្ឋបាល​ស្តីទី​នៃ អ.វ.ត.ក ទាក់ទងនឹង​បញ្ហា​កង្វះ​សាច់ប្រាក់​សម្រាប់​បើក​ប្រាក់ខែ​នៅខែ​ធ្នូ ឆ្នាំ២០១២ និង​ស្ថានភាព​ថវិកា​ឆ្នាំ២០១៣

កាលពីថ្ងៃទី២១ ខែធ្នូ ឆ្នាំ ២០១២ ឯកឧត្តម ក្រាញ់ តូនី ប្រធានការិយាល័យរដ្ឋបាល ស្តីទីនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានជួបប្រជុំជាមួយបុគ្គលិកជាតិទាំងអស់នៃ អ.វ.ត.ក ដើម្បីពន្យល់ពីការវិវត្តន៍នៃសាលាក្តី និងជាពិសេសអំពីបញ្ហាប្រឈមកង្វះសាច់ប្រាក់សម្រាប់បើកប្រាក់ខែចាប់តាំងពីអ្នកបើកបរ រហូតដល់ព្រះរាជអាជ្ញា ចៅក្រម គិតចាប់ពីខែធ្នូ ឆ្នាំ២០១២ នេះតទៅ។

សេចក្តីប្រកាស​របស់​សហចៅក្រម​ស៊ើបអង្កេត​អន្តរជាតិ ​ទាក់ទង​នឹង​ទីតាំង​ឧក្រិដ្ឋកម្ម​បន្ថែម​នៅក្នុង​សំណុំរឿង ០០៤

ការិយាល័យសហចៅក្រមស៊ើបអង្កេត​បាន​ទទួល​នូវ​ដីកា​សន្និដ្ឋាន​បញ្ជូន​រឿង​ឲ្យ​ស៊ើបសួរ​បន្ថែម​ទាក់ទង​នឹង​ការ​ស៊ើបសួរ​បន្ថែម​នៅ​ក្នុង​សំណុំរឿង ០០៤។ ទីតាំង​ឧក្រិដ្ឋកម្ម​មួយចំនួន​ដែល​ស្ថិត​នៅ​ក្រោម​ការ​ស៊ើបសួរ​នៅក្នុង​សំណុំរឿង ០០៤ មិនទាន់​ត្រូវបាន​ផ្សព្វផ្សាយ​ជា​សាធារណៈ។ ស្របតាម​វិធាន​ផ្ទៃក្នុង ២១(១)(គ) សហចៅក្រម​ស៊ើបអង្កេត​អន្តរជាតិ​សូម​ចេញ​ផ្សាយ​ព័ត៌មាន​ខាងក្រោម​នេះ អំពី​ទីតាំង​ទាំងនោះ៖ទីតាំងឧក្រិដ្ឋកម្ម​បន្ថែមនៅក្នុងសំណុំរឿង ០០៤ក) ខេត្តបាត់ដំបង

កាលវិភាគបណ្តោះអាសន្ននៃសវនាការក្នុងសំណុំរឿង ០០២ សម្រាប់ឆ្នាំ២០១៣

បន្ទាប់ពីឈប់សម្រាក​មិន​ធ្វើ​សវនាការ​រយៈពេល​២សប្តាហ៍ អង្គជំនុំជម្រះ​សាលាដំបូង​នឹង​បន្ត​សវនាការ​លើ​សំណុំរឿង ០០២ នៅថ្ងៃទី៨ ខែមករា ឆ្នាំ២០១៣ ។ សវនាការ​នឹង​ប្រព្រឹត្ត​ទៅក្នុង​រយៈពេល ៣ឬ៤ថ្ងៃ ក្នុង​មួយ​សប្តាហ៍ រហូត​ដល់​មាន​ការ​ផ្លាស់ប្តូរ​ណាមួយ​នៅ​ពេល​អនាគត។សប្តាហ៍​ទី២​នៃ​ខែ​មករាៈ ពីថ្ងៃអង្គារ៍ ទី៨ ដល់​ថ្ងៃសុក្រ ទី១១ (៤ថ្ងៃ)សប្តាហ៍​ទី៣​នៃ​ខែ​មករាៈ ពីថ្ងៃច័ន្ទ ទី១៤ ដល់​ថ្ងៃពុធ ទី១៦ (៣ថ្ងៃ)បន្ថែម​ពី​លើ​នេះ អង្គជំនុំជម្រះ​សាលា​ដំបូង​បាន​ផ្សព្វផ្សាយ​កាលវិភាគ​មិនធ្វើសវនាការ​​របស់​អង្គជំនុំជម្រះ​សម្រាប់​ឆមាស​ទី១ នៃ​ឆ្នាំ២០១៣ ដូចតទៅ៖

ចក្រភពអង់គ្លេស​សន្យា​ផ្តល់ជំនួយ​ថវិកា​បន្ថែម​ចំនួន ៦សែនផោន ដល់ អ.វ.ត.ក

អង្គជំនុំជម្រះវិសាមញ្ញ​ក្នុង​តុលាកា​រកម្ពុជា​ថ្លែង​អំណរគុណ​ចំពោះ​រដ្ឋាភិបាល​នៃ​ចក្រភព​អង់គ្លេស ដែល​បាន​សន្យា​ផ្តល់​ជំនួយ​ថវិកា​បន្ថែម​ចំនួន ៦០០.០០០ ផោន (ប្រមាណ ១លាន ដុល្លារ​អាមេរិក) ដល់​ភាគី​អន្តរជាតិ​នៃ​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា (អ.វ.ត.ក)។រដ្ឋមន្ត្រី​ក្រសួង​ការបរទេស​នៃ​ចក្រភព​អង់គ្លេស លោក វីល្លៀម ហេក (William Hague) បាន​ប្រកាស​អំពី​វិភាគទាន​ស្ម័គ្រចិត្ត​នេះ នៅក្នុង​សេចក្តី​ប្រកាស​ថ្ងៃទី១៣ ខែធ្នូ ដោយ​លើក​ឡើង​ថា ជំនួយ​ថ្មីនេះ​នឹង​ធានា​ឲ្យ​មាន​ការ​ដាក់​ឲ្យ​ទទួល​ខុសត្រូវ​ចំពោះ​ឧក្រិដ្ឋកម្ម​ប្រឆាំង​មនុស្សជាតិ​នៅក្នុង​ប្រវត្តិសាស្រ្ត​ដែល​ទើបតែ​កន្លង​ផុតទៅ។

សេចក្តីសម្រេច​លើ​បណ្តឹង​សាទុក្ខ​ភ្លាមៗ ប្រឆាំងនឹង​សេចក្តី​សម្រេច​របស់​អង្គជំនុំជម្រះ​សាលា​ដំបូង ដែល​បង្គាប់​ឲ្យ​ដោះលែង​ជនជាប់ចោទ អៀង ធីរិទ្ធ ដោយ​ឥត​លក្ខខណ្ឌ

អង្គជំនុំជម្រះ​តុលាការ​កំពូល​នៃ​អង្គវិសាមញ្ញ​ក្នុង​តុលាការ​កម្ពុជា បាន​បង្គាប់​នូវ​របប​នៃ​ការ​ត្រួតពិនិត្យ​តាម​ផ្លូវ​តុលាការ​លើ​ជន​ជាប់ចោទ អៀង ធីរិទ្ធ ដោយ​រួមបញ្ចូល​ទាំង​ការ​ត្រួតពិនិត្យ​ផ្នែកវេជ្ជសាស្ត្រ​ជារៀងរាល់​ប្រាំមួយខែ​ម្តង និង​ការ​ត្រួតពិនិត្យ​ប្រចាំខែ​ដោយ​នគរបាល​យុត្តិធម៌ ដោយ​ស្រប​ទៅតាម​សេចក្តី​សម្រេច​របស់ខ្លួន​ ដែល​បាន​ចេញ​នៅថ្ងៃ​ទី១៤ ខែធ្នូនេះ។

លោក អាង ឧត្តម និងលោក MICHAEL G. KARNAVAS បានទទួលការតែងតាំងជាមេធាវីការពារក្តី តំណាងជនសង្ស័យមួយរូបនៅក្នុងសំណុំរឿង ០០៣

ផ្នែកគាំពារការការពារក្តី (DSS) នៃ​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា (អ.វ.ត.ក) បាន​តែងតាំង​លោក អាង ឧត្តម ជា​សហមេធាវី​កម្ពុជា និង​លោក Michael G. Karnavas ជា​សហមេធាវី​បរទេស ដើម្បី​តំណាង​ជនសង្ស័យ​មួយរូប​ដែល​មាន​ឈ្មោះ​នៅក្នុង​ដីកា​សន្និដ្ឋាន​បញ្ជូនរឿង​ឲ្យ​ស៊ើបសួរ​ទីពីរ ដែល​សហព្រះរាជអាជ្ញា​អន្តរជាតិ​បាន​ដាក់​ទៅ​ការិយាល័យ​សហចៅក្រម​ស៊ើបអង្កេត​កាលពី​ថ្ងៃទី ២០ ខែ វិច្ឆិកា ឆ្នាំ ២០០៨។ ដីកា​សន្និដ្ឋាន​បញ្ជូន​រឿង​ឲ្យ​ស៊ើបសួរ​ទីពីរ​នេះ គឺជា​ផ្នែក​មួយ​នៃ​សំណុំ​ឯកសារ​ក្នុង​សំណុំរឿង ០០៣។

ជំនួយ​បន្ថែម​របស់​នូវែលហ្សេឡង់​ជា​សញ្ញានៃ​ការបន្ត​ការ​គាំទ្រ​ចំពោះ​ អ.វ.ត.ក

ជំនួយថវិកាបន្ថែមចំនួន ២០០ ០០០ ដុល្លារនូវែលហ្សេឡង់ ដល់​អង្គជំនុំជម្រះវិសាមញ្ញ​ក្នុង​តុលាការ​កម្ពុជា ដែល​ឯកឧត្តម​នាយករដ្ឋមន្ត្រី​នូវែលហ្សេឡង់​បាន​សន្យា​ពី​ម្សិលមិញ ជា​សញ្ញា​វិជ្ជមាន​និង​លើកទឹកចិត្ត​ចំពោះ​បុគ្គលិក​និង​មន្ត្រី​នៃ អ.វ.ត.ក ក៏ដូចជា​ចំពោះ​ប្រជាជន​កម្ពុជា​ទាំងអស់ ដែល​បង្ហាញ​ពី​ការ​បន្ត​ការគាំទ្រ​របស់​រដ្ឋាភិបាល​នូវែលហ្សេឡង់​ ចំពោះ​ដំណើរការ​ស្វែងរក​យុត្តិធម៌​ជូន​ជនរងគ្រោះ​នៃ​ឧក្រិដ្ឋកម្ម​ធ្ងន់ធ្ងរ​ដែល​ជឿថា​ត្រូវបាន​ប្រព្រឹត្ត​ដោយ​របប​កម្ពុជា​ប្រជាធិបតេយ្យ។

នាយករដ្ឋមន្ត្រី​នូវែលហ្សេឡង់​ប្រកាស​សន្យា​ផ្តល់ជំនួយ​ថវិកា​បន្ថែម​ដល់ អ.វ.ត.ក

នាយករដ្ឋមន្ត្រី​នូវែលហ្សេឡង់ ឯកឧត្តម ចន ឃី បាន​ប្រកាស​នៅក្នុង​ដំណើរ​ទស្សនកិច្ច​របស់​ឯកឧត្តម​នៅ​អង្គជំនុំជម្រះវិសាមញ្ញ​ក្នុង​តុលាការ​កម្ពុជា​នៅ​ព្រឹកនេះ សន្យា​ផ្តល់​ជំនួយថ្មី​បន្ថែម​ដល់​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា (អ.វ.ត.ក) នូវ​ថវិកា​ចំនួន ២០០ ០០០ ដុល្លារ​នូវែលហ្សេឡង់។ឯកឧត្តម​នាយករដ្ឋមន្ត្រី​បាន​ដឹកនាំ​គណៈប្រតិភូ​ចំនួន ៨រូប មកធ្វើ​ទស្សនកិច្ច​នៅ អ.វ.ត.ក នៅមុន​ពេល​បញ្ចប់​ដំណើរ ទស្សនកិច្ច​ជា​ផ្លូវការ​របស់​ឯកឧត្តម​មកកាន់​កម្ពុជា​ដើម្បី​ចូលរួម​ក្នុង​កិច្ចប្រជុំ​កំពូល​អាស៊ាន។ នេះគឺជា​លើកទី១​ហើយ ដែល អ.វ.ត.ក បាន​ទទួល​ដំណើរ​ទស្សនកិច្ច​របស់​ប្រមុខរដ្ឋាភិបាល។

កាលវិភាគ​សវនាការ​លើ​សំណុំរឿង ០០២ សម្រាប់​ចុង​ឆ្នាំ២០១២

តារាងកាលវិភាគបណ្តោះ​អាសន្ន​នៃ​សវនាការ​លើ​សំណុំរឿង ០០២ សម្រាប់​រយៈពេល​ដែល​នៅ​សេសសល់​នៃ​ឆ្នាំ២០១២ ឥឡូវនេះ​ត្រូវបានផ្សាយ​ជាសាធារណៈ។ សូម​កត់​សម្គាល់​ថា អង្គជំនុំជម្រះ​សាលាដំបូង​អាច​នឹង​ផ្លាស់ប្តូរ​កាលវិភាគ​ក្នុង​រយៈពេល​ខ្លី អាស្រ័យ​ទៅ​តាម​​ស្ថានភាព​ជាក់ស្តែង។សូម​ចូល​មើល​កាលវិភាគ​តុលាការ​នៅក្នុង​គេហទំព័រ​របស់ អ.វ.ត.ក ឲ្យ​បាន​ញឹកញាប់ ដើម្បី​ទទួល​បាន​ព័ត៌មាន​ថ្មីៗ​បំផុត​អំពី​កាលវិភាគ​របស់​តុលាការ។ អង្គជំនុំជម្រះ​សាលាដំបូង​នឹង​ផ្អាក​សវនាការ​លើ​សំណុំរឿង ០០២ ពីថ្ងៃទី២៤ ខែធ្នូ ឆ្នាំ២០១២ ដល់ថ្ងៃទី៧ ខែមករា ឆ្នាំ២០១៣ ហើយ​នឹង​បន្ត​សវនាការ​ឡើងវិញ​នៅថ្ងៃ​ទី៨ ខែមករា ឆ្នាំ២០១៣។

អង្គភាព​គាំពារ​ជនរងគ្រោះ​នឹង​រៀបចំ​វេទិកា​ថ្នាក់តំបន់​លើកទី៤ ឆ្នាំ២០១២ នៅខេត្តព្រះសីហនុ

អង្គភាព​គាំពារ​ជនរងគ្រោះ​នៃ​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា (អ.វ.ត.ក) នឹង​រៀបចំ​វេទិកាថ្នាក់តំបន់​លើកទី៤ ក្នុងឆ្នាំ២០១២ នៅខេត្ត​ព្រះសីហនុ សម្រាប់​ដើមបណ្តឹង​រដ្ឋប្បវេណី​ចំនួន ២០០ នាក់ ក្នុងសំណុំ​រឿង០០២។ វេទិកា​ថ្នាក់តំបន់​នេះ​នឹង​ធ្វើ​នៅ​សណ្ឋារគារ​ឆ្នេរជលសារ នៅថ្ងៃសុក្រ ទី១៦ ខែវិច្ឆិកា ឆ្នាំ២០១២ វេលាម៉ោង ៨:០០ព្រឹក ដល់ម៉ោង ៤:០០ រសៀល។ (អត្តសញ្ញាណ​របស់​ដើមបណ្តឹង​រដ្ឋប្បវេណី​នឹង​ត្រូវ​រក្សា​ជាសម្ងាត់) ។

Pagination