សេចក្តី​ប្រកាស​ព័ត៌មាន​អំពី​សិទ្ធិ​នៃ​ការ​ទទួល​បាន​ការ​កាត់​ទោស​ដោយ​យុត្តិធម៌

អង្គ​​ភាព​គាំ​ពារ​ការ​ការ​ពារ​ក្តីនៅ​អង្គ​ជំនុំជម្រះ​វិសាមញ្ញ​ក្នុង​តុ​លា​ការ​កម្ពុជា (“អវតក”) ចេញ​សេចក្តី​ប្រ​កាស​​​ព័ត៌​មាន​នេះ​ ដើម្បី​ជូន​ដំណឹង​ដល់​ជនទាំងឡាយដែលបារម្ភថាពួកគេអាចស្ថិតនៅក្រោមការ​​ស៊ើប​​អង្កេតដោយ អវតក ឲ្យ​​បាន​ជ្រាប​ថា​ពួក​គេមាន សិទ្ធិ​ទទួល​បានការ​ជំនុំជម្រះ​ក្តី​ដោយ​យុត្តិធម៌​ក្រោម​ច្បាប់ អវតក រដ្ឋ​ធម្មនុញ្ញ​នៃ​ព្រះរាជា​ណាចក្រក​កម្ពុជា និង​កតិកាសញ្ញា​អន្តរ ជាតិ​ស្តីពី​សិទ្ធិ​ពល​រដ្ឋ និង​សិទ្ធិ​ន​យោ​​បា​យដូច​ខាង​ក្រោម៖

  • សិទ្ធិ​ទទួល​បាន​ការស​ន្មតជា​មុន​ថា​គ្មាន​ទោស ដរាបណាពិរុទ្ធ​ភាព​មិនទាន់​ត្រូវ​បាន​រក​ឃើញដោយ​តុ​លា​ការ​ឯករាជ្យ និង​មិន​ល​ម្អៀង​អនុលោម​​តាម​ច្បាប់​កម្ពុជា។
  • សិទ្ធិ​នៅ​ស្ងៀមមិនឆ្លើយតបនឹងសំណួរ និង​​មិន​ផ្តល់​ភស្តុតាង​ដាក់​បន្ទុកលើ​ខ្លួនឯង មិន​ត្រឹម​តែ​នៅ​ពេល​ស្តាប់​ចម្លើយ​ដោយ​អ្នក​ស៊ើបអង្កេត និង​ចៅ​ក្រម​ប៉ុណ្ណោះទេ ថែមទាំងនៅពេល​ចោទ​សួរ​ដោយ​ សា​ធារណជន ប្រ​ព័ន្ធ ផ្សព្វផ្សាយ និង​មនុស្ស​ដទៃទៀត​ផងដែរ ។
  • សិទ្ធិទទួល​បាន​មេធាវី​តាម​ការ​ជ្រើ​ស​រើសដោយខ្លួនឯង ឧទាហរណ៍​ក្នុង​ករណីដែល​ជនស​ង្ស័យ​ត្រូវ​​បាន​​កោះ​​ហៅ​​ដោយ​ អវតក ដើម្បីស្តាប់​ចម្លើយ ឬ​សាកសួរ​, ក្នុងករណី​ដែល​ជន​សង្ស័យ​ទទួល​​ការ​​ជូន​ដំណឹង​ជា​ផ្លូវ​ការអំពីបទចោទ​ប្រ​ឆាំង​ពួក​គេ ឬ​ ត្រូវបាន​ចាប់ខ្លួន និងឃុំខ្លួន ។ អង្គភាព​គាំពារ​ការ​​ការ​ពារ​ក្តីជួយ​ជន​សង្ស័យដើម្បីទទួលបានការ​ការ​ពារ​ក្តីប្រ​កប​ដោយ​ប្រ​សិទ្ធិ​ភាព ​​។​

សម្រាប់ព័ត៌មានបន្ថែម និងសំណើសុំជំនួយ សូមទំនាក់ទំនងមកអង្គភាពគាំពារការការពារក្តី តាមរយៈទូរស័ព្ទ +៨៥៥ (0)23 219 814 ext 6232 តាមសារអេឡិចត្រូនិចមកកាន់ roy4@un.org

 

អ្នកនាង Nisha Valabhji

មន្រ្តីទទួលបន្ទុកប្រចាំអង្គភាពគាំពារការការពារក្តី

 

អង្គភាព​គាំពារ​ការ​ការ​ពារ​ក្តី មានតួនាទី​ធា​នាឲ្យ​មានការ​គោរព​សិទ្ធិ​ទទួល​បាន​ការ​ជំនុំជម្រះ​ប្រ​កប​ដោយ​យុត្តិធម៌​នៅ អវតក ដោយធា​នា​ឲ្យ​មាន​ការ​ការ​ពារ​ក្តី​ជន​សង្ស័យ និង​ជន​ជាប់​ចោទ​ប្រ​កប​ដោយ​ប្រ​សិទ្ធិភាព ។  ជា​ផ្នែក​មួយ​នៃ​កេរដំណែលរបស់ អវតក អង្គភាព​គាំ​ពារ​ការ​ការ​ពារ​ក្តីលើក​កំពស់​សិទ្ធិ​ទទួល​បាន​ការ​ជំនុំជម្រះ​ក្តី​ប្រ​កប​ដោយយុត្តិធម៌ ដោយជួយ​ឲ្យ​សាធារណជន​យល់កាន់តែ​ច្បាស់​អំពី​ការ​​ជំនុំជម្រះ​ក្តី​នៅ អវតក និង​សិទ្ធិ​ជា​មូល​ដ្ឋានរបស់​ពួក​គេ​ក្នុង​ប្រ​ព័ន្ធ​យុត្តិធម៌ជាតិ ។