ដោយអនុលោមតាមការជ្រើសរើសរបស់លោកអគ្គលេខាធិការអង្គការសហប្រជាជាតិ បាន គីមូន និងដោយមានការបោះឆ្នោតសម្រេចដោយឧត្តមក្រុមប្រឹក្សានៃអង្គចៅក្រម ព្រះមហាក្សត្រនៃព្រះរាជាណាចក្រកម្ពុជា ព្រះបាទ នរោត្តម សីហមុនី បានតែងតាំងលោក ឆង ឆាងហូ (ជនជាតិកូរ៉េ) ជាចៅក្រមអន្តរជាតិថ្មីនៃអង្គបុរេជំនុំជម្រះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ជំនួសលោកស្រីចៅក្រម កាតឺរីន ម៉ាឈី យូហេល ដែលបានវិលត្រឡប់ទៅកាន់តួនាទីរបស់លោកស្រីវិញនៅឯតុលាការព្រហ្មទណ្ឌអន្តរជាតិសម្រាប់អតីតប្រទេសយូហ្គោស្លាវី។ ព្រះរាជក្រឹត្យតែងតាំងនេះនឹងចូលជាធរមានចាប់ពីថ្ងៃទី១ ខែសីហា ឆ្នាំ២០១១ តទៅ។ ដោយឡែក លោកស្រីចៅក្រម កាធីងកា ឡាហ៊ុស (ជនជាតិហុល្លង់) នៅតែបន្តតួនាទីរបស់លោកស្រីជាចៅក្រមបម្រុងនៃអង្គបុរេជំនុំជម្រះ។
មុនពេលត្រូវបានតែងតាំងសម្រាប់តំណែងនេះ លោក ឆង គឺជាសេនានុព័ន្ធច្បាប់ប្រចាំស្ថានទូតសាធារណរដ្ឋកូរ៉េ និងជាបេសកជនអចិន្ត្រៃយ៍នៅទីក្រុងវីយែន។ លោក ឆង បានបម្រើការជាចៅក្រមនៅតុលាការជាន់ខ្ពស់តាំងពីឆ្នាំ២០០៤ ហើយនៅមុនពេលនេះ លោកបម្រើការរយៈពេលប្រាំបីឆ្នាំជាចៅក្រមនៅតុលាការថ្នាក់ស្រុក និងបីឆ្នាំជាចៅក្រមនៅតុលាការសឹក។ លោក ឆង បញ្ចប់ការសិក្សាថ្នាក់បរិញ្ញាប័ត្រច្បាប់ និងថ្នាក់អនុបណ្ឌិតច្បាប់ នៅសាកលវិទ្យាល័យជាតិសេអ៊ូល។ លោកក៏ជាអ្នកស្រាវជ្រាវជាន់ខ្ពស់មួយរូបនៅសាលាសេដ្ឋកិច្ចនិងវិទ្យាសាស្រ្តនយោបាយនៃទីក្រុងឡុង និងនៅសាកលវិទ្យាល័យហុងកុង។
មុនពេលត្រូវបានតែងតាំងសម្រាប់តំណែងនេះ លោក ឆង គឺជាសេនានុព័ន្ធច្បាប់ប្រចាំស្ថានទូតសាធារណរដ្ឋកូរ៉េ និងជាបេសកជនអចិន្ត្រៃយ៍នៅទីក្រុងវីយែន។ លោក ឆង បានបម្រើការជាចៅក្រមនៅតុលាការជាន់ខ្ពស់តាំងពីឆ្នាំ២០០៤ ហើយនៅមុនពេលនេះ លោកបម្រើការរយៈពេលប្រាំបីឆ្នាំជាចៅក្រមនៅតុលាការថ្នាក់ស្រុក និងបីឆ្នាំជាចៅក្រមនៅតុលាការសឹក។ លោក ឆង បញ្ចប់ការសិក្សាថ្នាក់បរិញ្ញាប័ត្រច្បាប់ និងថ្នាក់អនុបណ្ឌិតច្បាប់ នៅសាកលវិទ្យាល័យជាតិសេអ៊ូល។ លោកក៏ជាអ្នកស្រាវជ្រាវជាន់ខ្ពស់មួយរូបនៅសាលាសេដ្ឋកិច្ចនិងវិទ្យាសាស្រ្តនយោបាយនៃទីក្រុងឡុង និងនៅសាកលវិទ្យាល័យហុងកុង។