ជនជាប់ចោទ នួន ជា បានថ្លែងទៅកាន់អង្គជំនុំជម្រះសាលាដំបូងនៅថ្ងៃទី២៩ ខែសីហា ឆ្នាំ ២០១១ថាគាត់មានបញ្ហា សុខភាពមួយចំនួន ដែលធ្វើឲ្យគាត់មិនអាចអង្គុយបានលើសពីរយៈពេលមួយម៉ោងកន្លះក្នុងមួយថ្ងៃនៅក្នុងសាលសវនាការ នៅក្នុងអំឡុងពេលនៃសវនាការស្តីពីបញ្ហាកាយសម្បទាក្នុងការចូលរួមសវនាការ។ សវនាការធ្វើឡើង ដើម្បីអនុញ្ញាតឲ្យមានការចោទសួរនូវសំណួរផ្សេងៗទៅលើលោកសាស្ត្រាចារ្យ ចន ខាមបែល ដែលត្រូវបានចាត់តាំង ឡើងដោយអង្គជំនុំជម្រះសាលាដំបូង ក្នុងនាមជាអ្នកជំនាញវេជ្ជសាស្ត្រ ដើម្បីធ្វើការវាយតម្លៃលើសមត្ថភាពកាយ សម្បទា និងស្មារតីបញ្ញាក្នុងការចូលរួមសវនាការសម្រាប់ជនជាប់ចោទ អៀង សារី អៀង ធីរិទ្ធ និងនួន ជា។