បន្ទាប់ពីមានសំណើពីលោក ខៀវ សំផន អង្គភាពគាំពារការការពារក្តី បានតែងតាំងលោក Arthur VERCKEN ជាសហមេធាវីបរទេសដើម្បីតំណាងឲ្យលោក ខៀវ សំផន នៅក្នុងដំណើរការនីតិវិធីក្នុងករណី ០០២ នៅចំពោះមុខអង្គជំនុំជម្រះវិសាមញ្ញក្នុងតុលាការកម្ពុជា។
លោក Vercken ជាមេធាវីការពារក្តីជាតិបារាំងដែលមានបទពិសោធន៍យ៉ាងទូលំទូលាយក្នុងវិស័យច្បាប់ព្រហ្មទណ្ឌអន្តរជាតិ។ គាត់ធ្លាប់តំណាងឲ្យ Jean Mpambara និង Callixte Kalimanzira នៅតុលាការព្រហ្មទណ្ឌអន្តរជាតិនៅរ្វាន់ដា (Rwanda)។
សហមេធាវីការពារក្តីរបស់លោក ខៀវ សំផន គឺលោក ហ្សាក់ វែរហ៊្សែ នៅតែបន្តធ្វើការងាររបស់លោកជាមួយសហមេធាវីជាតិថ្មី គឺលោក គង់ សំអុន។
