លោក វីកទ័រ កូប៉េ (សហមេធាវីបរទេស)

Photo

លោក Victor Koppe (សហមេធាវីបរទេស) បានសិក្សានីតិអន្តរជាតិ និងទំនាក់ទំនងអន្តរជាតិនៅប្រទេសហូឡង់ និងសហរដ្ឋអាមេរិក។ គាត់ត្រូវបានក្លាយជាសមាជិកគណៈមេធាវីហូឡង់នៅឆ្នាំ ១៩៨៩។ ពីដំបូង គាត់មានឯកទេសផ្នែកបទល្មើសសេដ្ឋកិច្ច។ ក្រោយមក គាត់បានផ្តោតទៅលើសំណុំរឿង ភេរវកម្ម និងបញ្ហាធ្វើបត្យាប័នផ្នែកនយោបាយវិញ។ គាត់ធ្លាប់ការពារក្តីឲ្យសមាជិកនៃក្រុម Hofstad នៅហូឡង់ គឺ Samir Azzouz, Wesam al Delaema និង Mullah Krekar ព្រមទាំងសមាជិកសំខាន់ៗនៅក្នុងក្រុម Kurdish PKK និងក្រុម Basque ETA។ ក្នុងមួយទសវត្សរ៍កន្លងទៅ លោក Koppe បានបំពេញការងារនៅក្នុងវិស័យនីតិព្រហ្មទណ្ឌអន្តរជាតិ។ គាត់បានធ្វើជាតំណាងឲ្យ Moinina Fofana នៅតុលាការពិសេសសម្រាប់ប្រទេសសៀរ៉ាឡេអូន ធ្វើជាតំណាងឲ្យ Radovan Stankovic នៅតុលាការព្រហ្មទណ្ឌអន្តរជាតិសម្រាប់អតីតប្រទេសយូហ្គោស្លាវី នៅក្នុងនីតិវិធីបញ្ជូនរឿងក្តីពីតុលាការមួយទៅតុលាការមួយទៀត អនុលោមតាមវិធាន ១១ស្ទួន ធ្វើជាតំណាងឲ្យក្រុមរំដោះខ្លាតាមីលអ៊ីឡាម (Tamil Eelam) នៅតុលាការយុត្តិធម៌អឺរ៉ុបនៅ Luxembourg ទាក់ទិននឹងការបញ្ចូលក្រុមនេះទៅក្នុងបញ្ជីអង្គការភេរវកម្ម និងធ្វើជាតំណាងឲ្យ Yvonne Basebya នៅតុលាការទីក្រុងឡាអេ លើការចោទប្រកាន់ពីការចូលរួមពាក់ព័ន្ធនឹងអំពើប្រល័យពូជសាសន៍កាលពីឆ្នាំ ១៩៩៤ នៅប្រទេសរវ៉ាន់ដា។ គាត់បង្រៀនមុខវិជ្ជានីតិព្រហ្មទណ្ឌអន្តរជាតិ នៅសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ចនៅរាជធានីភ្នំពេញ។