ការិយាល័យសហចៅក្រមស៊ើបអង្កេតបានទទួលនូវដីកាសន្និដ្ឋានបញ្ជូនរឿងឲ្យស៊ើបសួរបន្ថែមទាក់ទងនឹងការស៊ើបសួរបន្ថែមនៅក្នុងសំណុំរឿង ០០៤។ ទីតាំងឧក្រិដ្ឋកម្មមួយចំនួនដែលស្ថិតនៅក្រោមការស៊ើបសួរនៅក្នុងសំណុំរឿង ០០៤ មិនទាន់ត្រូវបានផ្សព្វផ្សាយជាសាធារណៈ។ ស្របតាមវិធានផ្ទៃក្នុង ២១(១)(គ) សហចៅក្រមស៊ើបអង្កេតអន្តរជាតិសូមចេញផ្សាយព័ត៌មានខាងក្រោមនេះ អំពីទីតាំងទាំងនោះ៖
ទីតាំងឧក្រិដ្ឋកម្មបន្ថែមនៅក្នុងសំណុំរឿង ០០៤
ក) ខេត្តបាត់ដំបង
- មន្ទីរសន្តិសុខធិបតី និងការដ្ឋានទួលម្ទេស ស្ថិតនៅឃុំធិបតី ស្រុកគាស់ក្រឡ ខេត្តបាត់ដំបង
- ភ្នំត្រជាក់ចិត្ត និងអន្លង់វិលប្រែង ស្ថិតនៅភូមិឫស្សីព្រះ ឃុំឆ្នាល់មាន់ ស្រុកគាស់ក្រឡ ខេត្តបាត់ដំបង
- មន្ទីរសន្តិសុខតំបន់ ១ និងកន្លែងសម្លាប់ដំណាក់រាំង ស្ថិតនៅភូមិបាណន់ ឃុំកន្ទឺ ស្រុកបាណន់ ខេត្តបាត់ដំបង
ខ) ខេត្តពោធិ៍សាត់
- រណ្តៅទួលសេះញ៉ូវ និងវាលពិឃាតព្រៃក្របៅ ស្ថិតនៅឃុំរំលេច និងឃុំខ្នារទទឹង ស្រុកបាកាន ខេត្តពោធិ៍សាត់(ការប្រព្រឹត្តទៅលើខ្មែរក្រោម)
- គុកភូមិវាល ស្ថិតនៅឃុំតាឡូ ស្រុកបាកាន ខេត្តពោធិ៍សាត់(ការប្រព្រឹត្តទៅលើខ្មែរក្រោម)
- គុកស្វាយជ្រុំ ហៅគុកភូមិថ្គោល និងគុកបឹងបាតកណ្តាល ហៅត្រាចក្រោល ស្ថិតនៅឃុំបឹងបាតកណ្តាល ស្រុកបាកាន ខេត្តពោធិ៍សាត់(ការប្រព្រឹត្តទៅលើខ្មែរក្រោម)
- ទីតាំងសម្លាប់ វត្តច័ន្ទរង្សី-រណ្តៅសាកសពរួម និងអណ្តូងសាកសពរួមនៅភូមិកូនត្នោត ឬ ភូមិចាម ស្ថិតនៅឃុំរំលេច ស្រុកបាកាន ខេត្តពោធិ៍សាត់(ការប្រព្រឹត្តទៅលើប្រជាជនជម្លៀសពីភូមិភាគបូព៌ា)
- កន្លែងសម្លាប់វាលបាក់ចិញ្ចៀន ស្ថិតនៅឃុំស្រែស្តុក ស្រុកកណ្តៀង ខេត្តពោធិ៍សាត់ (ការប្រព្រឹត្តទៅលើប្រជាជនជម្លៀសពីភូមិភាគបូព៌ា)
គ) ខេត្តតាកែវ
- “កន្លែងសម្លាប់ព្រៃសុខុន” និង “មន្ទីរឃុំឃាំងវត្តអង្គសិរីមុនី” ស្ថិតនៅភូមិស៊ីស្លា ឃុំធ្លាប្រជុំ ស្រុកកោះអណ្តែត ខេត្តតាកែវ(ការប្រព្រឹត្តទៅលើខ្មែរក្រោម)
- ព្រៃភូមិស្លែង វត្តអង្គុញ កន្លែងសម្លាប់ភូមិព្រាល និងភូមិសោម និងគុកវត្តសុបិន ស្ថិតនៅឃុំគោកព្រេច និងឃុំកំពែង ស្រុកគិរីវង្ស ខេត្តតាកែវ(ការប្រព្រឹត្តទៅលើខ្មែរក្រោម)
- មន្ទីរសន្តិសុខវត្តប្រធាតុ ស្ថិតនៅក្នុងឃុំគោកព្រេច ស្រុកគិរីវង្ស ខេត្តតាកែវ(ការប្រព្រឹត្តទៅលើខ្មែរក្រោម)
- មន្ទីរសន្តិសុខក្រាំងតាចាន់ ស្ថិតនៅស្រុកត្រាំកក់ ខេត្តតាកែវ(ការប្រព្រឹត្តទៅលើខ្មែរក្រោម និងជនដទៃទៀត)
ឃ) ខេត្តកំពង់ធំ
- “គុកសម័យអាណានិគមនៅកំពង់ធំ” ស្ថិតនៅទីរួមខេត្តកំពង់ធំ ខេត្តកំពង់ធំ (ការបោសសម្អាតភូមិភាគកណ្តាល)
ង. ខេត្តកំពង់ចាម
- “កន្លែងសម្លាប់ថ្នល់បែក” ស្ថិតនៅឃុំស្វាយទាប ស្រុកចំការលើ ខេត្តកំពង់ចាម(ទាក់ទងនឹងមន្ទីរសន្តិសុខវត្តបារាយណ៍ជាន់ដែក)
សាក្សី ឬជនរងគ្រោះណា ដែលមានព័ត៌មានទាក់ទងនឹងទីតាំងឧក្រិដ្ឋកម្មខាងលើទាំងនេះ អាចទាក់ទងអង្គភាពគាំពារជនរងគ្រោះនៃ អ.វ.ត.ក ដើម្បីទទួលព័ត៌មានបន្ថែមអំពីភ័ស្តុតាង និងលក្ខខណ្ឌដែលអាចដាក់ពាក្យធ្វើជាដើមបណ្តឹងរដ្ឋប្បវេណី៖
អង្គភាពគាំពារជនរងគ្រោះ
អង្គជុំនុំជម្រះវិសាមញ្ញក្នុងតុលាការកម្ពុជា
ផ្លូវជាតិលេខ ៤ សង្កាត់ចោមចៅ ខណ្ឌពោធិ៍សែនជ័យ ភ្នំពេញ
ប្រអប់សំបុត្រលេខ ៧១
ទូរស័ព្ទការិយាល័យៈ ០២៣ ៨៦១ ៨៩៣
ទូរស័ព្ទសម្រាប់ប្រឹក្សាៈ ០៩៧ ៧៤២ ៤២១៨
ការិយាល័យបើកធ្វើការពីថ្ងៃច័ន្ទ ដល់ថ្ងៃសុក្រ លើកលែងថ្ងៃបុណ្យនិងថ្ងៃឈប់សម្រាក។