លោក Richard Rogers (សហមេ​ធាវី​បរទេស)

Photo

លោក Richard Rogers (សហមេធាវីបរទេស) គឺជាមេធាវីជំនាញនៅរដ្ឋកាលីហ្វ័រនីយ៉ា អង់គ្លេស និងវេលស៍ និងនៅកម្ពុជាផងដែរ។ គាត់បានកាន់តំណែងជាន់ខ្ពស់នៅអង្គការសហប្រជាជាតិ និង OSCE ដោយធ្វើការទៅលើឧក្រិដ្ឋកម្មសង្រ្គាម សិទ្ធិមនុស្ស និងការអភិវឌ្ឍន៍វិស័យច្បាប់។ គាត់ធា្លប់បំពេញមុខងារជាប្រធានក្រុមឃ្លាំមើលប្រព័ន្ធច្បាប់របស់អង្គការសន្តិសុខ និងសហប្រតិបត្តិការអឺរ៉ុប (OSCE) នៅកូសូវ៉ូក្រោយពីជម្លោះបានបញ្ចប់ ជាប្រធានអង្គភាពគាំពារការការពារក្តីនៅ អ.វ.ត.ក និងជាប្រធានក្រុមគាំពារផ្នែកច្បាប់សម្រាប់អង្គជំនុំជម្រះតុលាការកំពូល នៅតុលាការព្រហ្មទណ្ឌអន្តរជាតិសម្រាប់អតីតប្រទេសយូហ្គោស្លាវី។ បច្ចុប្បន្ន លោក Richard កំពុងការពារក្តីឲ្យកូនក្តីនានា ដែលរួមមាន ការិយាល័យកិច្ចការបរទេស និងរដ្ឋសហធននៃចក្រភពអង់គ្លេស រដ្ឋាភិបាលបណ្តោះអាសន្នតាមីលអ៊ីឡាម(Tamil Eelam) ក្រសួងយុត្តិធម៌លីប៊ី ចលនារំដោះជាតិ Azawad រដ្ឋមន្រ្តីការបរទេសបង់ក្លាដេស ប្រធានគណៈបក្សប្រឆាំងBurundi (MSD) និងក្រុមជនរងគ្រោះកម្ពុជាដែលបានដាក់ពាក្យបណ្តឹងទៅតុលាការព្រហ្មទណ្ឌអន្តរជាតិ។ លោក Richard បានផ្តល់សក្ខីកម្មនៅចំពោះមុខគណៈកម្មាធិការកិច្ចការបរទេសរបស់សភាតំណាងរាស្រ្តនៃសភាជាន់ខ្ពស់សហរដ្ឋអាមេរិក និងបានថ្លែងការណ៍ស្តីពីបញ្ហាសិទ្ធិមនុស្សនៅចំពោះមុខគណៈ កម្មាធិការសភាអឺរ៉ុប និង សភាបូស្នី និងហ៊ឺហ្សេហ្គោវីណា។ ប្រធានការិយាល័យរដ្ឋបាល(Registrar) នៃតុលាការព្រហ្មទណ្ឌអន្តរជាតិបានទាក់ទងឲ្យគាត់ផ្តល់យោបល់អំពីប្រព័ន្ធជំនួយច្បាប់សម្រាប់មេធាវីការពារក្តី និងក្រុមមេធាវីតំណាងជនរងគ្រោះ។