លោក ម៉ុង មុន្នីចរិយា
លោក ម៉ុង មុន្នីចរិយា (កម្ពុជា)៖ ជាប្រធានចៅក្រមនៅសាលាដំបូងខេត្តព្រះសីហនុចាប់ពីឆ្នាំ២០០៩។ នៅឆ្នាំ១៩៩៦ លោកបម្រើការជាចៅក្រមសាលាដំបូងរាជធានីភ្នំពេញ ហើយនៅឆ្នាំ២០០២ លោកត្រូវបានតែងតាំងជាចៅក្រមនៅតុលាការកំពូល។ ក្នុងអំឡុងពេល១០ឆ្នាំចុងក្រោយនេះ លោកជាសមាជិកក្រុមកម្ពុជាទទួលខុសត្រូវធ្វើសេចក្តីព្រាងក្រមរដ្ឋប្បវេណីនិងក្រមនិតីវិធីរដ្ឋប្បវេណី ហើយចាប់ពីឆ្នាំ២០០៤ លោកគឺជាសាស្រ្តាចារ្យនៅសាលាភូមិន្ទចៅក្រម និងមជ្ឈមណ្ឌលបណ្តុះបណ្តាលវិជ្ជាជីវៈមេធាវី។ លោកបានទទួលសញ្ញាប័ត្រអនុបណ្ឌិតច្បាប់ពីសាកលវិទ្យាល័យជាតិកាហ្សាក់ស្ថាននៅឆ្នាំ១៩៩៣ និងជានិស្សិតស្រាវជ្រាវថ្នាក់បណ្ឌិតនៅសាកលវិទ្យាល័យបៀលប្រាយ។ នៅឆ្នាំ១៩៩៥ លោកបានទទួលសញ្ញាប័ត្រវិជ្ជាជីវៈចៅក្រម។ លោកក៏ធ្លាប់ចូលរួមវគ្គបណ្តុះបណ្តាលស្តីពីតុលាការឧក្រិដ្ឋកម្មអន្តរជាតិ ដែលបានរៀបចំឡើងដោយទីស្តីការគណៈរដ្ឋមន្រ្តី សហប្រតិបត្តិការជាមួយមជ្ឈមណ្ឌលសម្រាប់ស្តារយុត្តិធម៌នៅអាស៊ី និងវគ្គបណ្តុះបណ្តាលរបស់កម្មវិធីអភិវឌ្ឍន៍របស់អង្គការសហប្រជាជាតិ (UNDP) នៅសាលាភូមិន្ទ ចៅក្រមនិងព្រះរាជអាជ្ញា។
- សញ្ជាតិ : កម្ពុជា
- ការិយាល័យ : អង្គជំនុំជម្រះតុលាការកំពូល,
- តួនាទី :