លោកចៅក្រម ចាន់ដ្រា នីហាល ចាយ៉ាស៊ីងហេ (Chandra Nihal Jayasinghe)
លោកចៅក្រម ចាន់ដ្រា នីហាល ចាយ៉ាស៊ីងហេ (Chandra Nihal Jayasinghe) (ស្រីលង្កា)៖ ជាអតីតឧត្តមស្នងការស្រីលង្កាប្រចាំចក្រភពអង់គ្លេស និងជាអគ្គរដ្ឋទូតប្រចាំសាធារណរដ្ឋអៀរឡង់។ លោកធ្លាប់មានតួនាទីជាចៅក្រមជាន់ខ្ពស់ និងពេលខ្លះជាប្រធានចៅក្រមស្តីទីនៅតុលាការកំពូលស្រីលង្កា។ លោកក៏ធ្លាប់ជាប្រធានសាលាឧទ្ធរណ៍ស្រីលង្កាផងដែរ។ លោកបានបម្រើការងារចំនួន២២ឆ្នាំ នៅក្នុងនាយកដ្ឋានអគ្គរដ្ឋអាជ្ញា ហើយការងាររបស់លោកភាគច្រើនទាក់ទងនឹងឧក្រិដ្ឋកម្ម ដោយនៅទីនោះលោកមានតួនាទីជាមេធាវីជាន់ខ្ពស់របស់រដ្ឋ ហើយក្រោយមកនៅឆ្នាំ១៩៩៤ លោកបានក្លាយជាអគ្គទីប្រឹក្សារងផ្នែកច្បាប់។ លោក ចាយ៉ាងស៊ីងហេ បានទទួលបរិញ្ញាប័ត្រច្បាប់ពីសាកលវិទ្យាល័យកូឡុំបូ ជាសាស្រ្តាចារ្យនៅសាកលវិទ្យាល័យ អ៊ីលីណយ ក្នុងរដ្ឋឈីខាហ្គោ និងបានទទួលសញ្ញាប័ត្រផ្នែកសិទ្ធិមនុស្សពីសាកលវិទ្យាល័យ លុន (Lund) នៃប្រទេសស៊ុយអែដ។
- សញ្ជាតិ : ស្រីលង្កា
- ការិយាល័យ : អង្គជំនុំជម្រះតុលាការកំពូល,
- តួនាទី :