លោកស្រី ខាថឺរីន ម៉ាស្ស៊ី-អ៊ូហែល (Catherine Marchi-Uhel)
គឺជាសមាជិកតុលាការបារាំងតាំងពីឆ្នាំ១៩៨៦មក។ ដំបូង លោកស្រីបម្រើការជាចៅក្រមនៅសាលាដំបូងរហូតដល់ខែធ្នូ ឆ្នាំ១៩៩៥។ បន្ទាប់មក ពីឆ្នាំ១៩៩៦ ដល់ឆ្នាំ១៩៩៨ លោកស្រីបានទទួលការតែងតាំងឲ្យបំពេញការងារនៅក្រសួងការបរទេសបារាំង ដោយទទួលខុសត្រូវលើរឿងក្តីនានាដែលប្តឹងទៅតុលាការសិទ្ធិមនុស្សតំបន់អឺរ៉ុប ប្រឆាំងនឹងរដ្ឋាភិបាលបារាំង។ បន្ទាប់មកទៀត លោកស្រីបានបម្រើការរយៈពេលបួនឆ្នាំនៅតំបន់បាល់កង់ ជាមួយបេសកកម្មរបស់អង្គការសហប្រជាជាតិនៅប្រទេសបូស្នៀនិងហឺហ្សេហ្គោវីណា និងកូសូវ៉ូ និងជាចៅក្រមអន្តរជាតិសម្រាប់ UNMIK។ ចាប់ពីពេលដែលលោកស្រីចាកចេញពីកូសូវ៉ូនៅខែវិច្ឆិកា ឆ្នាំ២០០២ អ្នកស្រីបានបន្តបំពេញការងារជាមន្រ្តីច្បាប់ជាន់ខ្ពស់នៅសាលាឧទ្ធរណ៍នៃតុលាការ ICTY និង ICTR និងជាប្រធានអង្គជំនុំជម្រះនៃតុលាការ ICTY។ មុនពេលក្លាយជាចៅក្រមអង្គបុរេជំនុំជម្រះនៅ អ.វ.ត.ក លោកស្រីគឺជាចៅក្រមបម្រុងនៃអង្គជំនុំជម្រះតុលាការកំពូលនៃ អ.វ.ត.ក។
- សញ្ជាតិ : បារាំង
- ការិយាល័យ : អង្គបុរេជំនុំជម្រះ,
- តួនាទី :