លោក ចាន់ ឡាយ
លោក ចាន់ ឡាយ បានដាក់ពាក្យសុំដើមបណ្តឹងរដ្ឋប្បវេណី ដោយផ្អែកទៅលើការឃុំខ្លួននៅមន្ទីរស-២១។
លោក ឡាយ ចាន់ បានចូលបម្រើកងទ័ពបដិវត្តន៍មុនឆ្នាំ១៩៧៥។ បន្ទាប់ពីរងរបួសក្នុងសមរភូមិ លោកត្រូវបានចាត់តាំងឱ្យធ្វើការជាអ្នកនាំសារនៅកំពង់ផែគីឡូម៉ែត្រលេខ៦។ ឆ្នាំ ១៩៧៦ គាត់ត្រូវបានចាប់ខ្លួន និងចោទប្រកាន់ពីបទចូលរួមក្នុងការលួចស្រូវឲ្យខ្មាំង។ លោក ឡាយ ចាន់ រៀបរាប់ពីរបៀបដែលលោកបានឮឆ្មាំនៅមន្ទីរឃុំឃាំងលើកឡើងថាជា «សាលាទួលស្លែង»។ នៅទីនោះ គាត់ត្រូវបានគេសួរចម្លើយ និងវាយយ៉ាងធ្ងន់ធ្ងរចំនួនពីរដងរហូតដល់បាត់បង់ស្មារតី។ គាត់បានប្រាប់អង្គជំនុំជម្រះថា គាត់នៅតែទទួលរងនូវផលវិបាកនៃសម័យសួរចម្លើយទាំងនេះ ជាពិសេសគឺអសមត្ថភាពក្នុងការស្តាប់ដោយត្រចៀកខាងឆ្វេងរបស់គាត់។ ក្រោយពីឃុំខ្លួនបានប្រហែលបីខែ លោក ឡាយ ចាន់ ត្រូវបានដោះលែង ហើយបញ្ជូនទៅកាន់ផ្នែកអប់រំឡើងវិញ។ ក្រោយមកនៅទីនោះបានមួយឆ្នាំ គាត់ត្រូវបានគេបញ្ជូនត្រឡប់ទៅកំពង់ផែគីឡូម៉ែត្រលេខ ៦ ហើយចាត់ឲ្យធ្វើស្រែ និងដាំបន្លែ។
លោក ឡាយ ចាន់ទ ត្រូវបានអង្គជំនុំជម្រះស្នើឲ្យផ្តល់សក្ខីកម្មលើលក្ខខណ្ឌឃុំខ្លួន កន្លែងឃុំខ្លួន និងវគ្គសួរចម្លើយ។
លោក ឡាយ ចាន់ទ បានប្រាប់អង្គជំនុំជម្រះថា ចាប់តាំងពីការឃុំខ្លួនគាត់នៅឆ្នាំ ១៩៧៦ គាត់មិនដែលនិយាយអំពីបទពិសោធន៍ និងការឈឺចាប់របស់គាត់ទេ។
- Witness acronym :
E2/32
- Age at the time of testimony :
- Appeared as :
- សំណុំរឿង : សំណុំរឿង ០០១,
- Date(s) of testimony :