អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) និងក្រសួងវប្បធម៌ និងវិចិត្រសិល្បៈ នឹងចុះហត្ថលេខាលើអនុស្សរណៈយោគយល់គ្នាស្តីពីការសាងសង់ស្តូបរំឭកវិញ្ញាណក្ខន្ធនៅសារមន្ទីរប្រល័យពូជសាសន៍ទួលស្លែង ដើម្បីទុកជាការរំឭកដល់ជនរងគ្រោះដែលបានបាត់បង់ជីវិតនៅទីនោះក្នុងរបបខ្មែរក្រហមពីឆ្នាំ ១៩៧៥ ដល់ឆ្នាំ១៩៧៩។ ពិធីចុះហត្ថលេខានេះនឹងប្រព្រឹត្តទៅនៅថ្ងៃទី១០ ខែកក្កដា ឆ្នាំ២០១៤ វេលាម៉ោង ៩ ព្រឹក នៅសារមន្ទីរប្រល័យពូជសាសន៍ទួលស្លែងក្រោមអធិបតីភាព ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទីនៃអ.វ.ត.ក និង ឯកឧត្តម ជុច ភឿន រដ្ឋលេខាធិការ ក្រសួង វប្បធម៌ និងវិចិត្រសិល្បៈ។
គម្រោងសាងសង់ស្តូបរំឭកវិញ្ញាណក្ខន្ធនឹងចាប់ផ្តើមអនុវត្ត ពីថ្ងៃទី១០ ខែកក្កដា ឆ្នាំ២០១៤ទៅ។ គម្រោងនេះទទួលបានការឧបត្ថម្ភពីក្រសួងសហប្រតិបត្តិការសេដ្ឋកិច្ច និងអភិវឌ្ឍន៍អាល្លឺម៉ង់ / ទីភ្នាក់ងារអាល្លឺម៉ង់សម្រាប់កិច្ចសហប្រតិបត្តិការអន្តរជាតិ (BMZ/GIZ) តាមរយៈ អង្គភាពគាំពារជនរងគ្រោះ នៃ អ.វ.ត.ក និងត្រូវអនុវត្តក្នុងក្របខ័ណ្ឌនៃវិធានការនានាមិនពាក់ព័ន្ធនឹងបច្ចេកទេសតុលាការនៃគម្រោងសំណងរបស់ អ.វ.ត.ក។
វិធានការនានាដែលមិនពាក់ព័ន្ធនឹងបច្ចេកទេសតុលាការ គឺជាគំនិតផ្តួចផ្តើមដែលបានបង្កើតឡើង និងអនុវត្តសម្រាប់ជាផលប្រយោជន៍ជនរងគ្រោះទូទៅនៃរបបខ្មែរក្រហម។ វិធានការនេះ អាចត្រូវបានអនុវត្តនៅក្រៅដំណើរការនីតិវិធីតុលាការនៃ អ.វ.ត.ក ដែលមានភាពខុសប្លែកពីគម្រោងសំណងរបស់ដើមបណ្តឹងរដ្ឋប្បវេណី ដែលត្រូវតែមានការសម្រេចពីចៅក្រម។
កន្លងមក អង្គភាពគាំពារជនរងគ្រោះ បានចុះហត្ថលេខាលើអនុស្សរណៈយោគយល់គ្នាជាមួយ៖
១) មជ្ឈមណ្ឌលឯកសារកម្ពុជា (DC-Cam) លើគម្រោងតាំងពីព័រណ៍អចិន្រ្តៃយ៍ស្តីពីការជម្លៀសប្រជាជន
ដោយបង្ខំ និងការកាប់សម្លាប់មនុស្សនៅទួលពោធិ៍ជ្រៃ។
២) អង្គការក្តីករុណា (KdK) និង អង្គការយុវសន្តិភាព (YfP) លើគម្រោងតាំងពិព័រណ៍ចល័តស្តីពីការ
ជម្លៀសប្រជាជនដោយបង្ខំនិង ការកាប់សម្លាប់មនុស្សនៅទួលពោធិ៍ជ្រៃ។
៣) អង្គការចិត្តសង្គមអន្តរវប្បធម៌ (TPO) លើគម្រោងស្តីពីការព្យាបាលតាមបែបសក្ខីកម្ម និងក្រុមជួយ
ខ្លួនឯង។
៤) អង្គការយុវសន្តិភាព (YfP) លើគម្រោងស្តីពីមជ្ឈមណ្ឌលសិក្សាសន្តិភាពសហគមន៍នៅក្រាំងតាចាន់ ខេត្តតាកែវ។ គម្រោងទាំងនេះអាចអនុវត្តបាន ដោយមានមូលនិធិផ្តល់ជូនដោយ ក្រសួងសហប្រតិបត្តិការសេដ្ឋកិច្ច និងអភិវឌ្ឍន៍អាល្លឺម៉ង់ / ទីភ្នាក់ងារអាល្លឺម៉ង់សម្រាប់កិច្ចសហប្រតិបត្តិការអន្តរជាតិ (BMZ/GIZ) តាមរយៈអង្គភាពគាំពារជនរងគ្រោះនៃ អ.វ.ត.ក។
អង្គភាពគាំពារជនរងគ្រោះ មានតួនាទីក្នុងការធ្វើ និងអនុវត្ត វិធានការ និងកម្មវិធីនានាដែលមិនពាក់ព័ន្ធនឹងបច្ចេកទេសតុលាការ ដើម្បីផ្តល់ផលប្រយោជន៍ដល់ជនរងគ្រោះឲ្យកាន់តែទូលំទូលាយ។ ក្នុងករណីសមស្រប កម្ម
វិធីខាងលើនេះអាចនឹងអនុវត្តដោយមានកិច្ចសហការជាមួយនឹងរាជរដ្ឋាភិបាល និងអង្គការមិនមែនរដ្ឋាភិបាលដែល
ស្ថិតនៅក្រៅក្របខ័ណ្ឌនៃអ.វ.ត.ក។
អ.វ.ត.ក និងក្រសួងវប្បធម៌ចុះហត្ថលេខាលើអនុស្សរណៈយោគយល់គ្នាស្តីពីការសាងសង់ស្តូបរំឭកវិញ្ញាណក្ខន្ធនៅសារមន្ទីរប្រល័យពូជសាសន៍ទួលស្លែង
Most read
- បុគ្គលិក អ.វ.ត.ក ចូលរួមបកប្រែសាលដីកាទាក់ទងសំណុំរឿងព្រះវិហារដល់ពលរដ្ឋខ្មែរ
នៅពេលដែលតុលាការយុត្តិធម៌អន្តរជាតិ (ICJ) ប្រកាសសេចក្តីសម្រេចរបស់ខ្លួនទាក់ទងនឹងសំណុំរឿងប្រាសាទព្រះវិហារនៅទីក្រុងឡាអេ កាលពីថ្ងៃច័ន្ទ ទី១២ ខែវិច្ឆិកា ឆ្នាំ ២០១៣ អ្នកបកប្រែភាសា ៤រូបមកពីអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក៏បានបកប្រែ…
- វីដេអូឯកសារទាក់ទងនឹងសំណុំរឿង ០០២/០១
ឯកសារវីដេអូថ្មីរយៈពេល ២៥ នាទីបានផលិតឡើងដោយផ្នែកកិច្ចការសាធារណៈជាបណ្តុំនៃសម្រង់ផ្សេងៗចេញពីការជំនុំជម្រះក្តីលើសំណុំរឿង ០០២/០១ ប្រឆាំងនឹងជនជាប់ចោទ ខៀវ សំផន និងនួន ជា។
- សហព្រះរាជអាជ្ញាស្នើឲ្យផ្តន្ទាទោសដាក់ពន្ធនាគារមួយជីវិតចំពោះជនជាប់ចោទ ខៀវ សំផន និងនួន ជា
នៅពេលបញ្ចប់ការធ្វើសេចក្តីសន្និដ្ឋានបញ្ចប់របស់ខ្លួន ថ្ងៃទី២១ ខែតុលា ឆ្នាំ ២០១៣ សហព្រះរាជអជ្ញាជាតិ លោកជំទាវ ជា លាង បានស្នើសុំអង្គជំនុំជម្រះសាលាដំបូង ដាក់ទោសទណ្ឌចំពោះជនជាប់ចោទ ខៀវ សំផន និង នួន ជា ចំពោះការចោទប្រកាន់ពីឧក្រិដ្ឋកម្មប្រឆាំងនឹងមនុស្សជាតិ…
- សហព្រះរាជអាជ្ញាស្នើសុំឲ្យមានការដាក់ទណ្ឌកម្មលើក្រុមមេធាវីការពារក្តីជនជាប់ចោទ ខៀវ សំផន
នៅក្នុងអំឡុងពេលសវនាការនៅថ្ងៃទី១៨ ខែកក្កដា ឆ្នាំ ២០១៣ តំណាងសហព្រះរាជអាជ្ញាបានស្នើសុំអង្គជំនុំជម្រះសាលដំបូងដាក់ទណ្ឌកម្មលើក្រុមមេធាវីការពារក្តីឲ្យ ជនជាប់ចោទ ខៀវ សំផន ចំពោះការបង្ហាញដែលពួកគេបានធ្វើឡើងនៅក្នុងលិខិតជូនការីនិពន្ធចុះផ្សាយនៅក្នុងកាសែត ភ្នំពេញ…