ហេតុអ្វីបានជាយើងទើបតែជំនុំជម្រះក្តីនៅពេលនេះ?តើការជំនុំជម្រះក្តីអតីតមេដឹកនាំជាន់ខ្ពស់ខ្មែរក្រហមនឹងផ្តល់ផលប្រយោជន៍អ្វីខ្លះដល់ប្រជាជនកម្ពុជា?
អស់រយៈពេលជាង ២៥ ឆ្នាំ កន្លងមកហើយ ដែលប្រជាជនកម្ពុជាបានរង់ចាំយុត្តិធម៌។ ចុងបញ្ចប់ ពេលវេលាបានមកដល់ហើយសម្រាប់ឲ្យមេដឹកនាំជាន់ខ្ពស់ខ្មែរក្រហម និងអ្នកទទួលខុសត្រូវខ្ពស់បំផុតចំពោះបទឧក្រិដ្ឋធ្ងន់ធ្ងរដែលខ្លួនបានប្រព្រឹត្តក្នុងសម័យនោះ មកទទួលខុសត្រូវចំពោះអំពើឧក្រិដ្ឋដែលខ្លួនបានប្រព្រឹត្ត។
អង្គជំនុំជម្រះវិសាមញ្ញ ត្រូវបានបង្កើតឡើងដើម្បីជំនុំជម្រះក្តីជាសាធារណៈនិងប្រកបដោយយុត្តិធម៌ សមស្របទៅនឹងបទដ្ឋានអន្តរជាតិ។ គោលដៅសំខាន់នៃតុលាការនេះគឺផ្តល់យុត្តិធម៌ជូនប្រជាជនកម្ពុជា ទាំងអ្នកដែលបាត់បង់ជីវិត និងអ្នកដែលនៅរស់រានមានជីវិត។ មានការរំពឹងទុកថា ការជំនុំជម្រះក្តីប្រកបដោយយុត្តិធម៌នេះ នឹងជួយឲ្យអ្នកដែលនៅរស់រានមានជីវិតពីការសម្លាប់រង្គាលបានធូរស្បើយពីរបួសអតីតកាល។
ការជំនុំជម្រះក្តីនេះក៏មានប្រយោជន៍សម្រាប់មនុស្សជំនាន់ក្រោយ គឺអប់រំកុលបុត្រកុលធីតាកម្ពុជាឲ្យយល់ដឹងពីទំព័រប្រវត្តិសាស្ត្រដ៏ខ្មៅងងឹតនៃប្រទេសរបស់ខ្លួន។
តាមរយៈការវិនិច្ឆ័យជនជាប់ចោទជាសាធារណៈនិងដោយយុត្តិធម៌ និង ការផ្តន្ទាទោសជនទាំងឡាយដែលទទួលខុសត្រូវខ្ពស់បំផុត ការជំនុំជម្រះនេះនឹងជួយពង្រឹងនីតិរដ្ឋ ព្រមទាំងជាគំរូដល់បុគ្គលទាំងឡាយណាដែលមិនគោរពច្បាប់ នៅកម្ពុជានិងនៅទូទាំងសកលលោក។ ប្រសិនបើឧក្រិដ្ឋជនដឹងថារូបគេនឹងត្រូវទទួលខុសត្រូវតាមផ្លូវច្បាប់ ចំពោះឧក្រិដ្ឋកម្មដែលខ្លួនបានប្រព្រឹត្តនោះពួកគេប្រហែលជាញញើតមិនហ៊ានប្រព្រឹត្តបទឧក្រិដ្ឋទេ។ យើងទាំងអស់គ្នាអាចរួមវិភាគទានក្នុងការស្តារសង្គមជាតិឡើងវិញ ដោយការគាំទ្រនិងការរៀនសូត្រអំពីយុត្តិធម៌។
ព័ត៌មានថ្មីៗ
- សិស្សានុសិស្សប្រមាណ៨០រូប មកពីវិទ្យាល័យ ហ៊ុន សែន ផ្សារដើមថ្កូវ អញ្ជើញមកសិក្សាស្វែងយល់អំពីមជ្ឈមណ្ឌលធនធានរបស់ អ.វ.ត.ក.16 ឧសភា 2024
- អ.វ.ត.ក. បន្ដផ្សព្វផ្សាយអំពីសមិទ្ធផល និងកេរដំណែលតាមរយៈមជ្ឈមណ្ឌលធនធាន អ.វ.ត.ក. ចល័ត នៅក្នុងបរិវេណសាលមហោស្របចតុមុខ រាជធានីភ្នំពេញ15 ឧសភា 2024
- សិស្សានុសិស្សប្រមាណ ១៥០នាក់ មកពីក្រុងច្បារមន ចូលរួមកម្មវិធីទស្សនកិច្ចសិក្សារបស់ អ.វ.ត.ក.15 ឧសភា 2024
- អ.វ.ត.ក. ចាប់ផ្ដើមកម្មវិធីផ្សព្វផ្សាយអំពីសមិទ្ធផល និងកេរដំណែល តាមរយៈមជ្ឈមណ្ឌលធនធាន អ.វ.ត.ក. ចល័ត លើកទី១ នៅក្នុងសួនច្បារខាងមុខវត្តបទុមវតី រាជធានីភ្នំពេញ13 ឧសភា 2024
- សិស្សានុសិស្សប្រមាណ ២០០នាក់ មកពីស្រុកសំរោងទង ចូលរួមកម្មវិធីទស្សនកិច្ចសិក្សារបស់ អ.វ.ត.ក.10 ឧសភា 2024
- ប្រតិភូចំនួន ៣១រូប មកពីក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ អញ្ជើញមកបំពេញទស្សនកិច្ចសិក្សានៅមជ្ឈមណ្ឌលធនធានរបស់ អ.វ.ត.ក.9 ឧសភា 2024
- សិស្សានុសិស្សប្រមាណ ២០០ នាក់ មកពីស្រុកពារាំង ខេត្តព្រៃវែង ចូលរួមកម្មវិធីទស្សនកិច្ចសិក្សារបស់ អ.វ.ត.ក.8 ឧសភា 2024
- អ.វ.ត.ក. ទទួលស្វាគមន៍ដំណើរទស្សនកិច្ចរបស់ ក្រុមប្រឹក្សាសេដ្ឋកិច្ច សង្គម និងវប្បធម៌ មកកាន់មជ្ឈមណ្ឌលធនធាន អ.វ.ត.ក.2 ឧសភា 2024
- អ.វ.ត.ក. បានរៀបចំកិច្ចប្រជុំដើម្បីបង្កើតការប្រកួតប្រជែងតុលាការប្រឌិតថ្មី29 មេសា 2024
- ឯកអគ្គរដ្ឋទូតមិកស៊ីកូដែលមាននិវេសដ្ឋាននៅទីក្រុងបាងកក អញ្ជើញមកបំពេញទស្សនកិច្ចនៅមជ្ឈមណ្ឌលធនធាន អ.វ.ត.ក.26 មេសា 2024