profile

ចាន់ ចក្រី

ឈ្មោះក្រៅ : មាន, សមមិត្ត មាន1

ចាន់ ចក្រី (មិនដឹងថ្ងៃខែ -១៩៧៦) ជាមេបញ្ជាការកងពល ១៧០ នៃកងទ័ពបដិវត្តន៍កម្ពុជា ។ គេសង្ស័យថាជាប់ទាក់ទងនឹង​ការបះបោរដំបូង​ប្រឆាំង ប.ក.ក ឃុំខ្លួននៅ ស-២១ និងក្រោយមក សម្លាប់ចោលនៅទីនោះ។

ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។

ការរកឃើញសំខាន់ៗ

អង្គជំនុំជម្រះសាលាដំបូងនៅក្នុងសំណុំរឿង ០០២/០២ បានរកឃើញថា ចាន់ ចក្រី:
  • ចាប់ខ្លួនក្រោយគេឆ្លើយដាក់អំពីសកម្មភាពវិទ្ធង្សនា ដែល​នាំ​ឲ្យមានការ​ចាប់ខ្លួន ធ្វើទារុណកម្ម សួរចម្លើយ និង​សម្លាប់​ ជាបន្តបន្ទាប់ នូវកម្មាភិបាល​ភូមិភាគបូព៌ា ក្រោមកណ្តាប់ដៃរបស់កម្មាភិបាលភូមិភាគកណ្តាល និងភូមិភាគនិរតី 7
  • សុន សេន ហៅថាជា “បណ្តាញធំ ដែល​មានទំនាក់ទំនងជាមួយពួកចក្រពត្តិ និងសើរើនិយម” និង “ជាខ្មាំងបង្កប់ចាស់” 8
  • គេហៅនៅក្នុងទស្សនាវដ្តី ទង់បដិវត្តន៍ ថា “អាចក្រី” និងមានឈ្មោះជាមួយអ្នកផ្សេងទៀត ដែល​ជាប់ទាក់ទងជាមួយ សេអ៊ីអា ឬ គេញវៀតណាម 9

កំណត់សម្គាល់

ចាន់ ចក្រី មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធី​ចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញ​មិនអាចចាត់ទុកជាសំអាងហេតុនៃពិរុទ្ធភាព​ប្រឆាំងនឹង​គាត់នោះឡើយ។

ព័ត៌មាន​ខ្លះ​អាចយកចេញពីចម្លើយសារភាពដែលទទួលបាន​ក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះ​គួរពិនិត្យ​ដោយ​ប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។

អូស

១៩៧៥

ក្លាយជាមេបញ្ជាការកងពល ១៧០2
មុនថ្ងៃទី១៧ ខែមេសា ឆ្នាំ១៩៧៥
បោះបង់មុខនាទីរបស់ខ្លួន3

១៩៧៦

២០ ឧសភា
គេឆ្លើយដាក់នៅក្នុងចម្លើយសារភាព​ដែលទទួលបានពីការធ្វើទារុណកម្ម និងចាប់ខ្លួន​ដោយសារសកម្មភាព​វិទ្ធង្សនា4
ខែមិថុនា ដល់ ខែតុលា
សួរចម្លើយលម្អិតច្រើនសានៅ ស-២១5
ក្រោយខែតុលា ឆ្នាំ១៩៧៦
សម្លាប់ចោលនៅ ស-២១6