ជូ ជេត

ឈ្មោះក្រៅ : ស៊ី¹ តា ស៊ី²

ជូ ជេត (១៩២៦-១៩៧៨) ជាលេខាភូមិភាគពាយ័ព្យ និងសមាជិកបម្រុង គណៈមជ្ឈិម។ គាត់ត្រូវបានសួរចម្លើយដោយ ឌុច នៅ ស-២១ និងក្រោយមកសម្លាប់ចោល។

ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។

ការរកឃើញសំខាន់ៗ

អង្គជំនុំជម្រះសាលាដំបូងនៅក្នុងសំណុំរឿង ០០២/០១ និងសំណុំរឿង ០០២/០២ បានរកឃើញថា ជូ ជេត:

ជាសមាជិកសហឧក្រិដ្ឋកម្មរួម ជាមួយមេដឹកនាំ ប.ក.ក ដោយមានគោលបំណងរួម “បង្កើតបដិវត្តន៍សង្គមនិយមយ៉ាងឆាប់រហ័សតាមរយៈមធ្យោបាយចាំបាច់តាម ‘សន្ទុះមហាលោតផ្លោះ’ និងដើម្បីការពារបក្សប្រឆាំងនឹងសត្រូវផ្ទៃក្នុង ក៏ដូចជាសត្រូវខាងក្រៅ” ¹² ។
រាយការណ៍ទៀងទាត់ទៅមន្ទីរ ៨៧០ អំពីស្ថានភាពខ្មាំង ¹³ ។
រៀបចំប្រជុំនៅក្នុងភូមិភាគរបស់គាត់ ដែលនៅទីនោះមានការពិភាក្សា និងសម្រេចពាក់ព័ន្ធនឹងការអនុវត្តមាគ៌ាបក្ស និងចូលរួមប្រជុំជាមួយមេដឹកនាំជាន់ខ្ពស់ផ្សេងទៀត ¹⁴ ។

កំណត់សម្គាល់

ជូ ជេត មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធីចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញមិនអាចចាត់ទុកជាសំអាងហេតុនៃពិរុទ្ធភាពប្រឆាំងនឹងគាត់នោះឡើយ។

ព័ត៌មានខ្លះអាចយកចេញពីចម្លើយសារភាពដែលទទួលបានក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះគួរពិនិត្យដោយប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។

អូស

១៩២៦

ថ្ងៃខែឆ្នាំកំណើត³។

១៩៥០

ចូលចលនាឥស្សរៈ⁴។

១៩៥៥

កុម្ភៈ

ដំណើរការបក្សថ្មី បក្សប្រជាជន (ក្រុមប្រជាជន) ជាមួយ សោ ភឹម និង ណៃ សារ៉ាន់ ដែលដឹកនាំដោយ កែវ មាស⁵។

១៩៦៣

ដើមខែមីនា ឆ្នាំ១៩៦៣

ត្រូវបានកំណត់ឈ្មោះជាបុគគ្គលម្នាក់ ក្នុងចំណោមបុគ្គល ៣៤នាក់ ដែលគេសង្ស័យថាជាក្រុមឆ្វេងនិយម នៅក្នុងបញ្ជីឈ្មោះចេញផ្សាយដោយសម្តេច នរោត្តម សីហនុ⁶។

១៩៧០

ឧសភា

ទទួលតំណែងជាអនុរដ្ឋមន្រ្តីក្រសួងសុខាភិបាលសាធារណៈ និងសាសនា
និងសង្គមកិច្ចនៃរាជរដ្ឋាភិបាលរួបរួមជាតិ⁷។

១៩៧១

ដើមឆ្នាំ១៩៧១

ជួបសមាជិកមជ្ឈិមបក្សផ្សេងទៀតនៅក្នុងកិច្ចប្រជុំ ៣ ថ្ងៃ នៅ ស-៧១⁸។

កញ្ញា

តែងតាំងជាសមាជិកបម្រុងគណៈមជ្ឈិម⁹។

១៩៧៥

ក្រោយថ្ងៃទី១៧ ខែមេសា ឆ្នាំ១៩៧៥

ក្លាយជាសមាជិកគណៈកម្មាធិការភូមិភាគនិរតី និងក្រោយមកជាលេខា ភូមិភាគបស្ចិម¹⁰។

១៩៧៨

២៦ មីនា

ចាប់ខ្លួន បញ្ជូនទៅ ស-២១ និងក្រោយមកសម្លាប់ចោល¹¹។