ហ៊ូ យន់

ឈ្មោះក្រៅ : គ្មាន

ហ៊ូ យន់ (១៩៣០-១៩៧៦) ជារដ្ឋមន្រ្តីក្រសួងមហាផ្ទៃ កំណែទម្រង់ឃុំ និងសហករណ៍នៃរាជរដ្ឋាភិបាលរួបរួមជាតិកម្ពុជា ។ គាត់ត្រូវបានបោសសម្អាតពីជួរបក្សកុម្មុយនីស្តកម្ពុជា (“ប.ក.ក”) ក្រោយរិះគន់ជាចំហរនូវសេចក្តីសម្រេចរបស់បក្ស។

ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។

ការរកឃើញសំខាន់ៗ

អង្គជំនុំជម្រះសាលាដំបូងនៅក្នុងសំណុំរឿង ០០២/០២ បានរកឃើញថា ហ៊ូ យន់:

ក្លាយជាអ្នករិះគន់ឥតសំចៃចំពោះសេចក្តីសម្រេចរបស់ ប.ក.ក ក្នុងឆ្នាំ១៩៧៥ រួមទាំង សេចក្តីសម្រេចជម្លៀសក្រុងភ្នំពេញ និងក្រោយមក ត្រូវបានបោសសម្អាតចេញពីជួរដឹកនាំ ប.ក.ក ប៉ុន្មានឆ្នាំក្រោយមក ¹⁰ ។

កំណត់សម្គាល់

ហ៊ូ យន់ មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធីចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញមិនអាចចាត់ទុកជាសំអាងហេតុនៃពិរុទ្ធភាពប្រឆាំងនឹងគាត់នោះឡើយ។

ព័ត៌មានខ្លះអាចយកចេញពីចម្លើយសារភាពដែលទទួលបានក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះគួរពិនិត្យដោយប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។

អូស

១៩៣០

ថ្ងៃខែឆ្នាំកំណើត¹។

១៩៥៨

ជ្រើសតាំងចូលសភាជាតិ និងក្លាយជារដ្ឋ
លេខាធិការទទួលផ្នែកផែនការ²។

១៩៦០

តែងតាំងដោយ សម្តេចនរោត្តម សីហនុ ទៅក្នុងរដ្ឋាភិបាលសង្គមរាស្រ្តនិយម³។

១៩៦៣

ដើមខែមីនា ឆ្នាំ១៩៦៣

មានឈ្មោះនៅក្នុងបញ្ជីឈ្មោះបុគ្គល ៣៤ នាក់ ដែលសង្ស័យថាជាក្រុមឆ្វេងនិយម ចេញផ្សាយដោយសម្តេចនរោត្តម សីហនុ⁴។

១៩៦៧

មេសា

ចោទប្រកាន់ជាសាធារណៈដោយសម្តេចនរោត្តម សីហនុ ថាបានបំផុសកសិករឲ្យបះបោរ នៅស្រុកសំឡូត ខេត្តបាត់ដំបង និងគម្រាមបញ្ជូនទៅ
តុលាការសឹក⁵។

១៩៦៩

បញ្ចូល ប.ក.ក តាមរយៈ តាម៉ុក⁶។

១៩៧០

៥ ឧសភា

ក្លាយជារដ្ឋមន្រ្តីក្រសួងមហាផ្ទៃ កំណែទម្រង់ឃុំ និងសហករណ៍ នៃរាជរដ្ឋាភិបាលរួបរួមជាតិកម្ពុជា ដែលទើបបង្កើតថ្មី⁷។

១៩៧១

កញ្ញា

ចូលរួមសមាជជាតិលើកទី៣ ក្នុងនាមជារដ្ឋមន្រ្តី រាជរដ្ឋាភិបាលរួបរួមជាតិកម្ពុជា⁸។

១៩៧៥

ត្រឹមឆ្នាំ ១៩៧៥

ក្លាយជាអ្នករិះគន់ឥតសំចៃចំពោះសេចក្តីសម្រេចរបស់ ប.ក.ក រួមទាំង សេចក្តីសម្រេចជម្លៀសក្រុងភ្នំពេញ និងក្រោយមក ត្រូវបានបោសសម្អាតចេញពីជួរដឹកនាំ ប.ក.ក⁹។