profile

កង ចាប

ឈ្មោះក្រៅ : ចាន់ សំ,1 ចាប,2 សែ3

កង ចាប (១៩២៣-១៩៧៨) ជាអនុ​លេខា​ ​ភូមិភាគ​និរតី លេខាតំបន់​ស្វយ័ត ១០៦ លេខា​ភូមិភាគ​ឧត្តរ​ថ្មី (ភូមិភាគ ៨០១) និង​ជា​ប្រធាន​គណៈកម្មាធិការ​តុលាការ​នៃ​សភា​តំណាង​ប្រជាជន។ ​គាត់ត្រូវ​បាន​ឃុំ​ខ្លួន​ ហើយក្រោយមក​ត្រូវ​បានសម្លាប់នៅ ស-២១។

ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។

ការរកឃើញសំខាន់ៗ

អង្គជំនុំជម្រះសាលាដំបូងនៅក្នុង សំណុំរឿង ០០២/០២ បានរកឃើញថា កង ចាប៖
  • គឺជាសមាជិកសហឧក្រិដ្ឋកម្មរួម ជាមួយមេដឹកនាំ ប.ក.ក ដោយមានគោលបំណងរួម ដើម្បី“បង្កើតបដិវត្តន៍សង្គមនិយមយ៉ាងឆាប់រហ័សតាមរយៈមធ្យោបាយចាំបាច់តាម ‘សន្ទុះមហាលោតផ្លោះ’ និងដើម្បី ការពារបក្សប្រឆាំងនឹងសត្រូវផ្ទៃក្នុង ក៏ដូចជាសត្រូវខាងក្រៅ”។ 14
  • គឺជាមេដឹកនាំជាន់ខ្ពស់ ប.ក.ក ទោះបីជាមិនមែនជាសមាជិកនៃគណៈកម្មាធិការ​អចិន្ត្រៃយ៍ ក៏ដោយ បានចូលរួមក្នុងកិច្ចប្រជុំ​ជា​ទៀងទាត់ ដែលមានការពិភាក្សាអំពីបញ្ហាទាក់ទងនឹងមាគ៌ានយោបាយ កិច្ចការបរទេស ពាណិជ្ជកម្ម និងជំនួយ ការការពារជាតិ សង្គមកិច្ច និងកិច្ចការសេដ្ឋកិច្ច រួមទាំងការបង្កបង្កើនផលកសិកម្ម ។ 15
  • ក្នុងតួនាទីជាលេខាបក្សភូមិភាគឧត្តរថ្មី បានបើកកិច្ចប្រជុំទាក់ទង​នឹងការអនុវត្តមាគ៌ានយោបាយរបស់ ប.ក.ក និងចូលរួមកិច្ចប្រជុំជាមួយថ្នាក់ដឹកនាំជាន់ខ្ពស់​ផ្សេង​ទៀត ដែលពិភាក្សា និងសម្រេចមាគ៌ាបក្ស ​ក្នុងតួនាទី​ជាលេខាភូមិភាគឧត្តរថ្មី។ 16
  • បាននាំកម្មាភិបាលភូមិភាគនិរតីមួយក្រុមធំមកជាមួយ ដើម្បីបន្តការបោសសម្អាត​ភូមិភាគឧត្តរថ្មី ដែល​បានចាប់ផ្តើមក្រោមការគ្រប់គ្រងរបស់ កែ ពក ហើយរាយការណ៍ដោយផ្ទាល់ទៅមជ្ឈិមបក្ស (រួមទាំង នួន ជា)។ 17

កំណត់សម្គាល់

កង ចាប (សែ) មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធី​ចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញ​មិនអាចចាត់ទុកជាសំអាងហេតុនៃពិរុទ្ធភាព​ប្រឆាំងនឹង​គាត់នោះឡើយ។

ព័ត៌មាន​ខ្លះ​អាចយកចេញពីចម្លើយសារភាពដែលទទួលបាន​ក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះ​គួរពិនិត្យ​ដោយ​ប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។

អូស

១៩២៣

ថ្ងៃខែឆ្នាំកំណើត4។

១៩៧៤

មិថុនា
ជួបជាមួយមេដឹកនាំបក្សកុម្មុយនីស្តកម្ពុជា ផ្សេងទៀត​នៅ​ភូមិមាឃ ក្នុនៅឃុំព្រែកកក់ ដើម្បីពិភាក្សាផែនការវាយសម្រុក​ចុងក្រោយ និងជម្លៀសក្រុងភ្នំពេញ និងទីប្រជុំជនផ្សេងទៀត6។

១៩៧៦

មេសា
ត្រូវបានតែងតាំងជាប្រធានគណៈកម្មាធិការតុលាការ នៃសភាតំណាង​ប្រជាជន7។
ឧសភា
តំណាងភូមិភាគនិរតីក្នុងការចរចាព្រំដែន
ជាមួយវៀតណាម8។

១៩៧៧

មុនឆ្នាំ១៩៧៧
ជា​អនុ​លេខា​ភូមិភាគ​និរតី និង​ជា​លេខា​តំបន់ ៣៥ រហូតដល់ពេលគាត់ផ្លាស់ទៅ​ភូមិភាគ​កណ្តាល5។
កុម្ភៈ
ត្រូវបានផ្ទេរពីតួនាទីជាអនុលេខាភូមិភាគនិរតី មកជួយ កែ ពក ក្នុងការគ្រប់គ្រងតំបន់ ១០៦ ដែលត្រូវបានបញ្ចូលជាមួយតំបន់ ១០៣ ដើម្បីបង្កើតភូមិភាគឧត្តរថ្មី (ភូមិភាគ ៨០១) នៅពាក់កណ្តាលឆ្នាំ១៩៧៧9។
ចុងឆ្នាំ១៩៧៧
ត្រូវបានតែងតាំងជាលេខាភូមិភាគឧត្តរថ្មីដោយ នួន ជា ហើយរាយការណ៍​ជា​ទៀងទាត់​ទៅមន្ទីរ ៨៧០ តាមទូរលេខ អំពីស្ថានភាពខ្មាំងនៅក្នុងតំបន់ ១០៦ និង ១០៣10។

១៩៧៨

១៧ មេសា
ធ្វើ​ដំណើរ​មក​ភ្នំពេញ​ដើម្បី​បញ្ជូនកម្មាភិបាល​ពីរ​រូប​មក​ពីតំបន់ ១០៣ និង​ឯកសារ​របស់​ពួក​គេ​ទៅឱ្យ ប៉ុល ពត11។
ប្រហែលថ្ងៃទី២២ ខែសីហា ឆ្នាំ១៩៧៨
ចាប់​បញ្ជូន​ទៅ ស-២១។12
៣០ តុលា
សម្លាប់នៅ ស-២១។13