កែ ពក

ឈ្មោះក្រៅ : កែ វិន¹

កែ ពក (១៩៣៥-២០០២) ជាលេខាភូមិភាគកណ្តាល (ឧត្តរចាស់) និងជាសមាជិកគណៈមជ្ឈិម និងគណៈអចិន្រ្តៃយ៍។ គាត់ផ្តាច់ខ្លួនចូលរដ្ឋាភិបាលកម្ពុជានៅក្នុងឆ្នាំ១៩៩៨ និងទទួលមរណភាពក្នុងឆ្នាំ២០០២។

ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។

ការរកឃើញសំខាន់ៗ

អង្គជំនុំជម្រះសាលាដំបូងនៅក្នុងសំណុំរឿង ០០២/០១ និងសំណុំរឿង ០០២/០២ បានរកឃើញថា កែ ពក:

ជាសមាជិកសហឧក្រិដ្ឋកម្មរួម ជាមួយមេដឹកនាំ ប.ក.ក ដោយមានគោលបំណងរួម “បង្កើតបដិវត្តន៍សង្គមនិយមយ៉ាងឆាប់រហ័សតាមរយៈមធ្យោបាយចាំបាច់តាម ‘សន្ទុះមហាលោតផ្លោះ’ និងដើម្បីការពារបក្សប្រឆាំងនឹងសត្រូវផ្ទៃក្នុង ក៏ដូចជាសត្រូវខាងក្រៅ” ¹⁹ ។
ចូលរួមប្រជុំជាមួយមេដឹកនាំ ប.ក.ក ដែលនៅពេលនោះមានការពិភាក្សា និងសម្រេចការអនុវត្តមាគ៌ាបក្សនៅក្នុងភូមិភាគរបស់គាត់ ²⁰ ។
រាយការណ៍ជូនមជ្ឈិមបក្សអំពីការបង្កបង្កើនផលស្រូវ និងសកម្មភាពផ្សេងទៀត ផ្សព្វផ្សាយផែនការរបស់ គណៈមជ្ឈិម រៀបចំកិច្ចប្រជុំនៅភូមភាគរៀងរាល់ ០៣ខែម្តង នៅកំពង់ចាម និងចូលរួមបោសសម្អាតចាមនៅភូមិភាគបូព៌ា និងកណ្តាល (ឧត្តរចាស់) ²¹ ។
ទទួលការងារចាប់ខ្លួន ក្នុងពេលបន្តបោសសម្អាតភូមិភាគកណ្តាល (ឧត្តរចាស់) និងដោះស្រាយបញ្ហាសន្តិសុខនៅក្នុងភូមិភាគឧត្តរថ្មី ²² ។
នាំកម្មាភិបាលភូមិភាគនិរតីទៅជំនួសកម្មាភិបាលដឹកនាំភូមិភាគកណ្តាល ដែលត្រូវបានបញ្ជូនចូល ស-២១ ²³ ។
ជូនដំណឹង ប៉ុល ពត អំពីការខ្វះម្ហូបអាហារ និងថ្នាំពេទ្យ នៅភូមិភាគកណ្តាល (ឧត្តរចាស់) ដោយសារការងារលើសកម្លាំង និងកម្តៅក្តៅខ្លាំង ²⁴ ។
បញ្ជូនអនុប្រធានរបស់គាត់ទៅសម្លាប់ចោលនៅ ស-២១ ²⁵ ។
ចុះពិនិត្យទំនប់ ១ មករា ប្រចាំថ្ងៃ បានដឹងថា កម្មករស្លាប់ដោយសារអត់អាហារ និងខ្វះថ្នាំ និងតាមដានវឌ្ឍនភាពការងារ ²⁶ ។
គ្រប់គ្រងតំបន់ ១០៦ និងដឹកនាំការបោសសម្អាតលើកទី១ លើភូមិភាគកណ្តាល (ឧត្តរចាស់) ក្នុងនាមជាលេខាភូមិភាគ ²⁷ ។
សហការដឹកនាំបញ្ជាកងកម្លាំងភូមិភាគនិរតី និងមជ្ឈិម ជាមួយ សុន សេន ដើម្បីចាប់ខ្លួនកម្មាភិបាលរាប់ពាន់នាក់នៅភូមិភាគបូព៌ា បញ្ជូនទៅការដ្ឋានព្រលានយន្តហោះកំពង់ឆ្នាំង ដើម្បីកសាង ឬ លត់ដំ ²⁸ ។

កំណត់សម្គាល់

កែ ពក មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធីចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញមិនអាចចាត់ទុកជាសំអាងហេតុនៃពិរុទ្ធភាពប្រឆាំងនឹងគាត់នោះឡើយ។

ព័ត៌មានខ្លះអាចយកចេញពីចម្លើយសារភាពដែលទទួលបានក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះគួរពិនិត្យដោយប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។

អូស

១៩៣៥

ថ្ងៃខែឆ្នាំកំណើត²។

១៩៥០

ចូលចលនាឥស្សរៈប្រឆាំងបារាំង³។

១៩៥៨

ក្លាយជាសមាជិកបក្ស និងចាត់ឲ្យធ្វើសកម្មភាពនៅស្រុកចំការលើ⁴។

១៩៦៣

ជួប នួន ជា ក្នុងពេល នួន ជា ធ្វើដំណើរទៅជនបទ ជួបមេដឹកនាំចលនាផ្សេងទៀត⁵។

១៩៧១

កញ្ញា

តែងតាំងជា សមាជិកបម្រុង នៃគណៈមជ្ឈិម នៅក្នុងសមាជបក្សលើកទី៣⁶។

១៩៧៥

ដើមឆ្នាំ១៩៧៥

ជួបមេដឹកនាំ ប.ក.ក ផ្សេងទៀត ពិនិត្យសម្រេចផែនការកាន់កាប់ក្រុងភ្នំពេញ នៅពេលដែលបណ្តាកងពលនៃកងទ័ពរំដោះប្រជាជនកម្ពុជា ដឹកនាំដោយភូមិភាគឧត្តររបស់គាត់សំដៅឆ្ពោះមកកាន់ ក្រុងភ្នំពេញ⁷។

មុនថ្ងៃទី១៧ ខែមេសា ឆ្នាំ១៩៧៥

ជាអនុលេខាភូមិភាគឧត្តរ និងមេបញ្ជាការយោធាភូមិភាគឧត្តរ⁸។

ក្រោយខែមេសា ឆ្នាំ១៩៧៥

តែងតាំងជាលេខាភូមិភាគកណ្តាល (ឧត្តរចាស់) រហូតដល់បញ្ចប់របប កម្ពុជាប្រជាធិបតេយ្យ ដែលនៅពេលនោះ គាត់ជាអនុគណៈកម្មាធិការយោធា ប.ក.ក⁹។

១៩៧៧

មេសា

ចូលរួមទស្សនកិច្ចរបស់គណៈប្រតិភូនារីឡាវ មកពិនិត្យទំនប់ ១ មករា ជាមួយ អៀង ធីរិទ្ធ¹⁰។

មិថុនា

រក្សាមុខតំណែងដឹកនាំដើមរបស់គាត់ក្នុងភូមិភាគកណ្តាល (ឧត្តរចាស់) នៅពេលដំណាក់កាលចាប់ខ្លួនលើកទី១ បានបញ្ចប់¹¹។

តុលា

ទៅកាន់ភូមិភាគបូព៌ា និងចូលរួមដោយកងកម្លាំងភូមិភាគកណ្តាល រួមទាំងកម្មាភិបាលភូមិភាគនិរតីជាច្រើននាក់ផ្សេងទៀត¹²។

ធ្នូ

អមដំំណើរគណៈប្រតិភូចិន រួមទាំង ឧបនាយករដ្ឋមន្រ្តីចិន ជឹង យ៉ុងគួយ មកពិនិត្យទំនប់ ១ មករា ដើម្បីប្រារព្ធពិធីបិទ¹³។

១៩៧៩

ឧសភា

បន្តនៅជាមួយខ្មែរក្រហមនៅក្នុងប្រទេសកម្ពុជារហូតរបបកម្ពុជាប្រជាធិបតេយ្យ ដួលរលំ¹⁴។

១៩៨០

បានដឹកនាំរណសិរ្សឧត្តរថ្មី ដែលមានទីបញ្ជាការដ្ឋាននៅក្នុងខេត្តកំពង់ធំ¹⁵។

១៩៨១

ក្លាយជាសមាជិកគណៈកម្មាធិការយោធា ដែលជំនួសគណៈអចិន្រ្តៃយ៍¹⁶។

១៩៩៨

មីនា

ផ្តាច់ខ្លួនចូលរដ្ឋាភិបាលកម្ពុជា¹⁷។

២០០២

១៥ កុម្ភៈ

ទទួលមរណភាពនៅលំនៅដ្ឋាននៅស្រុក
អន្លង់វែង¹⁸។

ឯកសារពាក់ព័ន្ធ

ដីកាដំណោះស្រាយ

ដីកាដំណោះស្រាយក្នុងសំណុំរឿង ០០២/០២ ឯកសារ D427: VII. ការកត់សម្គាល់ឃើញអំពីអង្គហេតុនៃសហឧក្រិដ្ឋកម្មរួម។
ដីកាលើកលែងចោទប្រកាន់ក្នុងសំណុំរឿង ០០៤/០២ ឯកសារ D359 II. ការកត់សម្គាល់ឃើញអំពីអង្គហេតុ ខ. រចនាសម្ព័ន្ធរដ្ឋបាលនៃមជ្ឈិមបក្ស គ. គោលនយោបាយ ប.ក.ក ចំពោះជនជាតិចាម ឃ. គោលនយោបាយបោសសម្អាតភូមិភាគកណ្តាល ច. រចនាសម្ព័ន្ធរដ្ឋបាលនៅកម្រិតមូលដ្ឋាន III. ប្រវត្តិ តួនាទី និងការចូលរួមរបស់ អោ អាន។

សាលក្រម

សាលក្រមសំណុំរឿង ០០២/០១ ឯកសារ E313 ៥. រចនាសម្ព័ន្ធរដ្ឋបាល ១៤. សហឧក្រិដ្ឋកម្មរួម។
សាលក្រមសំណុំរឿង ០០២/០២ ឯកសារ E465: ៣. បរិបទប្រវត្តិសាស្រ្ត ៥. រចនាសម្ព័ន្ធរដ្ឋបាល។

ភស្តុតាង

ជីវប្រវត្តិ កែ ពក គ្មានកាលបរិច្ឆេទ ឯកសារ E3/2782។
សារទូរលេខ កម្ពុជាប្រជាធិបតេយ្យ ២ មេសា ១៩៧៦ ទំព័រ ១ ឯកសារ E3/511។
សារទូរលេខ កម្ពុជាប្រជាធិបតេយ្យ ២៩ មីនា ១៩៧៨ ឯកសារ E3/519។
សារទូរលេខ កម្ពុជាប្រជាធិបតេយ្យ ១២ មេសា ១៩៧៨ ឯកសារ E3/258។
សារទូរលេខ កម្ពុជាប្រជាធិបតេយ្យ ១២ មេសា ១៩៧៨ ឯកសារ E3/932។
សារទូរលេខ កម្ពុជាប្រជាធិបតេយ្យ ១៨ មេសា ១៩៧៨ ឯកសារ E3/1009។
សារទូរលេខ កម្ពុជាប្រជាធិបតេយ្យ ២៩ មេសា ១៩៧៨ ឯកសារ E3/245។
សារទូរលេខ កម្ពុជាប្រជាធិបតេយ្យ ៤ ឧសភា ១៩៧៨ ឯកសារ E3/516។
សារទូរលេខ កម្ពុជាប្រជាធិបតេយ្យ ៦ ឧសភា ១៩៧៨ ឯកសារ E3/250។
សារទូរលេខ កម្ពុជាប្រជាធិបតេយ្យ ៩ ឧសភា ១៩៧៨ ឯកសារ E3/253។
សារទូរលេខ កម្ពុជាប្រជាធិបតេយ្យ ៩ ឧសភា ១៩៧៨ ឯកសារ E3/948។