កុយ ធួន

ឈ្មោះក្រៅ : ធុច, ឃួន¹

កុយ ធួន (១៩៣៣-១៩៧៦) ជារដ្ឋមន្រ្តីក្រសួងពាណិជ្ជកម្ម និងសមាជិកគណៈមជ្ឈិម។ គាត់ត្រូវបាន ឌុច សួរចម្លើយ នៅ ស-២១ និងក្រោយមកសម្លាប់ចោល។

ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។

ការរកឃើញសំខាន់ៗ

អង្គជំនុំជម្រះសាលាដំបូងនៅក្នុងសំណុំរឿង ០០២/០១ និងសំណុំរឿង ០០២/០២ បានរកឃើញថា កុយ ធួន:

ជាសមាជិកសហឧក្រិដ្ឋកម្មរួម ជាមួយមេដឹកនាំ ប.ក.ក ដោយមានគោលបំណងរួម “បង្កើតបដិវត្តន៍សង្គមនិយមយ៉ាងឆាប់រហ័សតាមរយៈមធ្យោបាយចាំបាច់តាម ‘សន្ទុះមហាលោតផ្លោះ’ និងដើម្បីការពារបក្សប្រឆាំងនឹងសត្រូវផ្ទៃក្នុង ក៏ដូចជាសត្រូវខាងក្រៅ” ¹³ ។
រៀបចំកិច្ចប្រជុំនៅក្នុងភូមិភាគ ដើម្បីសម្រេចអំពីការអនុវត្តមាគ៌ាបក្ស ¹⁴ ។
បាញ់ប្លោងគ្រាប់កាំភ្លើងចូលក្រុងភ្នំពេញ និងប្រើប្រាស់អាវុធផ្សេងទៀត ក្រោមការប្រើប្រាស់កម្លាំងរួមគ្នារបស់គាត់ ជាមួយ សុន សេន ¹⁵ ។
ត្រូវបានឆ្លើយដាក់នៅក្នុងចម្លើយសារភាព ស-២១ ចាប់ខ្លួនដោយបុគ្គលិក ស-២១ នៅផ្ទះរបស់ ឌុច និង បញ្ជូនទៅ ស-២១ ដែលនៅទីនោះ ឌុច សួរចម្លើយ ក្រោយពេលមនុស្សរាប់រយនាក់ពីភូមភាគឧត្តរ ត្រូវបានចាប់ខ្លួន ឃុំ និងសម្លាប់ចោលនៅដើម ១៩៧៧ ¹⁶ ។

កំណត់សម្គាល់

កុយ ធួន មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធីចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញមិនអាចចាត់ទុកជាសំអាងហេតុនៃពិរុទ្ធភាពប្រឆាំងនឹងគាត់នោះឡើយ។

ព័ត៌មានខ្លះអាចយកចេញពីចម្លើយសារភាពដែលទទួលបានក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះគួរពិនិត្យដោយប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។

អូស

១៩៣៣

ថ្ងៃខែឆ្នាំកំណើត²។

១៩៧០

៥ ឧសភា

ជាឧបនាយករដ្ឋមន្រ្តីទទួលបន្ទុកសេដ្ឋកិច្ច និងហិរញ្ញវត្ថុនៃរាជរដ្ឋាភិបាលរួបរួមជាតិកម្ពុជាដែលទើបបង្កើតថ្មី³។

១៩៧១

កញ្ញា

តែងតាំងជាសមាជិកបម្រុងគណៈមជ្ឈិមនៅសមាជបក្សលើកទី៣⁴។

១៩៧៤

មិថុនា

ជួបជាមួយមេដឹកនាំ ប.ក.ក នៅភូមិមាឃ ឃុំព្រែកកុក ពិភាក្សាផែនការវាយសម្រុកចុងក្រោយ និងជម្លៀសក្រុងភ្នំពេញ និងទីប្រជុំជនផ្សេងទៀត⁵។

១៩៧៥

មុនថ្ងៃទី១៧ ខែមេសា ឆ្នាំ១៩៧៥

ជាលេខាភូមិភាគឧត្តរចាស់ (ភូមិភាគ ៣០៤)⁶។

១៧ មេសា

ផ្ទេរទៅក្រុងភ្នំពេញ និងក្លាយជារដ្ឋមន្រ្តីក្រសួងពាណិជ្ជកម្ម⁷។

តុលា

ចាត់ឲ្យទទួលខុសត្រូវ “ពាណិជ្ជកម្មក្នុងប្រទេស និងក្រៅប្រទេស”⁸។

១៩៧៦

មីនា

តែងតាំងដោយគណៈអចិន្រ្តៃយ៍ ឲ្យជួយ
ខៀវ សំផន ពិនិត្យ និងរៀបចំទំនិញ ដែលត្រូវទិញពីចិន និងពិនិត្យ “ការងារធនាគារ”⁹។

១៩៧៧

មុនខែមករា ឆ្នាំ១៩៧៧

បណ្តេញចេញពីបក្ស និងដាក់ឃុំខ្លួនៅក្នុងផ្ទះរយៈពេល ៨ខែ¹⁰។

មករា

បញ្ជូនទៅ ស-២១ ដែលនៅទីនោះ ឌុច ជាអ្នកសួរចម្លើយដោយផ្ទាល់ តាមបញ្ជា ប៉ុល ពត និងមានអ្នកយាមពិសេស ២ នាក់ ឈរមើល ដើម្បីកុំឲ្យគាត់ធ្វើអត្តឃាត¹¹។

ក្រោយខែមីនា ឆ្នាំ១៩៧៧

សម្លាប់ចោលនៅ ស-២១។¹²

ឯកសារពាក់ព័ន្ធ

ដីកាដំណោះស្រាយ

ដីកាដំណោះស្រាយក្នុងសំណុំរឿង ០០២/០២ ឯកសារ D427: ជំពូកទី១: II រចនាសម្ព័ន្ធរដ្ឋបាល VII. ការកត់សម្គាល់ឃើញអំពីអង្គហេតុ ស្តីពីសហឧក្រិដ្ឋកម្មរួម។

សាលក្រម

សំណុំរឿង ០០១ ឯកសារ E188: ២. ផ្នែកសំអាងហេតុ និងសំអាងច្បាប់ ២.៣ ស-២១ និង តួនាទីរបស់ជនជាប់ចោទ ២.៤ អង្គហេតុ ពាក់ព័ន្ធនឹងឧក្រិដ្ឋកម្មប្រឆាំងមនុស្សជាតិប្រព្រឹត្តនៅ ស-២១។
សាលក្រមសំណុំរឿង ០០២/០១ ឯកសារ E313 ៣. បរិបទប្រវត្តិសាស្រ្ត ៥. រចនាសម្ព័ន្ធរដ្ឋបាល ១៤. សហឧក្រិដ្ឋកម្មរួម។
សាលក្រមសំណុំរឿង ០០២/០២ ឯកសារ E465: ៣. បរិបទប្រវត្តិសាស្រ្ត ៥. រចនាសម្ព័ន្ធរដ្ឋបាល ១២. មន្ទីរសន្តិសុខ ទីកន្លែងសម្លាប់មនុស្ស និងការបោសសម្អាតផ្ទៃក្នុង ១៦. គោលបំណងរួម។

ភស្តុតាង

កំណត់ហេតុគណៈអចិន្រ្តៃយ៍ ២ វិច្ឆិកា ១៩៧៥ ឯកសារ E3/227។
កំណត់ហេតុគណៈអចិន្រ្តៃយ៍ពាក់ព័ន្ធនឹងបញ្ហាការពារជាតិ ២២ កុម្ភៈ ១៩៧៦ ឯកសារ E3/229។
កំណត់ហេតុគណៈអចិន្រ្តៃយ៍ពាក់ព័ន្ធនឹងបញ្ហាសេដ្ឋកិច្ច ២២ កុម្ភៈ ១៩៧៦ ឯកសារ E3/230។
កំណត់ហេតុគណៈអចិន្រ្តៃយ៍ ២៨ កុម្ភៈ ១៩៧៦ ឯកសារ E3/238។
កំណត់ហេតុគណៈអចិន្រ្តៃយ៍ពាក់ព័ន្ធនឹងព្រំដែនបូព៌ា ១១ មីនា ១៩៧៦ ឯកសារ E3/217។
កំណត់ហេតុគណៈអចិន្រ្តៃយ៍ ១៣ មីនា ១៩៧៦ ឯកសារ E3/233។
ចម្លើយសារភាព កុយ ធួន កាលបរិច្ឆេទច្រើនខុសៗគ្នា ឯកសារ E3/1604។