ណៃ សារ៉ាន់

ឈ្មោះក្រៅ : ម៉ែន សាន, យ៉ា¹, អាចារ្យ សៀង²

ណៃ សារ៉ាន់ (១៩២៥-១៩៧៧) ជាលេខា ភូមិភាគឦសាន អនុលេខាទី១ នៃអគ្គសេនាធិការ និងជាសមាជិកគណៈមជ្ឈិម។ គាត់ត្រូវបានសួរចម្លើយដោយ ឌុច និងក្រោយមកសម្លាប់ចោល។

ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។

ការរកឃើញសំខាន់ៗ

អង្គជំនុំជម្រះសាលាដំបូងនៅក្នុងសំណុំរឿង ០០២/០២ បានរកឃើញថា ណៃ សារ៉ាន់:

ចូលប្រជុំទៀងទាត់នៅក្នុងកិច្ចប្រជុំគណៈអចិន្រ្តៃយ៍ ក្នុងអំឡុងរបប កម្ពុជាប្រជាធិបតេយ្យ ដើម្បីពិភាក្សាការអនុវត្តមាគ៌ានយោបាយបក្ស និងការគ្រប់គ្រងប្រទេស ¹³ ។
ដឹកនាំការចរចាជាមួយវៀតណាមក្នុងនាមជាលេខាភូមិភាគឦសាន និងរាយការណ៍សង្ខេបជូនគណៈអចិន្រ្តៃយ៍អំពីការចរចា ¹⁴ ។
ត្រូវបានថ្កោលទោសថាជាអ្នកចូលដៃចូលជើងជាមួយវៀតណាម និងធ្វើទារុណកម្មនៅ ស-២១ រយៈពេលជាច្រើនសប្តាហ៍ ដោយរងវិធីទារុណកម្មជាច្រើនប្រភេទ ដើម្បីបង្ខំឲ្យឆ្លើយសារភាព ¹⁵ ។

កំណត់សម្គាល់

ណៃ សារ៉ាន់ មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធីចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញមិនអាចចាត់ទុកជាសំអាងហេតុនៃពិរុទ្ធភាពប្រឆាំងនឹងគាត់នោះឡើយ។

ព័ត៌មានខ្លះអាចយកចេញពីចម្លើយសារភាពដែលទទួលបានក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះគួរពិនិត្យដោយប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។

អូស

១៩២៥

ថ្ងៃខែឆ្នាំកំណើត³។

១៩៤០

ចូលក្រុមឥស្សរៈ⁴។

១៩៥៥

ដំណើរការ ក្រុមប្រជាជន ជាសាធារណៈ⁵។

១៩៦០

ជ្រើសតាំងចូលគណៈមជ្ឈិម⁶។

១៩៧៥

មុនឆ្នាំ១៩៧៥

ជាអនុលេខាទី១ របស់ សុន សេន
នៅអគ្គសេនាធិការ⁷។

១៩៧៦

ដើមឆ្នាំ១៩៧៦

ជាលេខា ភូមិភាគឦសានរហូតដល់ចុងឆ្នាំ ១៩៧៦⁸។

មីនា

ដឹកនាំការចរចាព្រំដែនជាមួយវៀតណាម⁹។

កញ្ញា

ចាប់ខ្លួននៅក្នុងពេលបោសសម្អាតភូមិភាគឦសានចំពោះការចោទប្រកាន់ថាបានចូលរួមចរចាជាមួយវៀតណាម និងត្រូវបាន ឌុច សួរចម្លើយនៅ ស-២១¹⁰។

ពីខែកញ្ញា ឆ្នាំ១៩៧៦ ដល់ឆ្នាំ១៩៧៧

ចាប់ខ្លួន សួរចម្លើយ និងធ្វើទារុណកម្មនៅ ស-២១¹¹។

១៩៧៧

សម្លាប់ចោលនៅ ស-២១¹²។