នង សួន

ឈ្មោះក្រៅ : ជ័យ សួន, ជ័យ, សែន,¹ XII ²

នង សួន (មិនដឹង-ក្រោយ ១៥ វិច្ឆិកា ១៩៧៦) ជាលេខានៃគណៈកម្មាធិការកសិកម្ម និងគណៈកម្មាធិការពាណិជ្ជកម្ម។ ត្រូវបានឃុំខ្លួននៅ ស-២១ ហើយក្រោយមក ត្រូវបានសម្លាប់។

ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។

ការរកឃើញសំខាន់ៗ

អង្គជំនុំជម្រះសាលាដំបូងនៅក្នុង សំណុំរឿង ០០២/០២ បានរកឃើញថា នង សួន៖

ត្រូវបានចាត់តាំងដោយគណៈកម្មាធិការអចិន្ត្រៃយ៍ឲ្យគ្រប់គ្រងពាណិជ្ជកម្ម នៅថ្ងៃទី ៧ ឧសភា ១៩៧៦។ ប៉ុន្តែមិនច្បាស់ថាតើគាត់អនុវត្តមុខងារអ្វីខ្លះទាក់ទងនឹងគណៈកម្មាធិការពាណិជ្ជកម្ម ប្រសិនបើមាន ⁷ ។
ត្រូវបានហៅថា “អាជ័យ” ក្នុងទស្សនាវដ្ដី ទង់បដិវត្តន៍ រួមជាមួយបុគ្គលផ្សេងទៀតដែលគេចាត់ទុកថាមានទំនាក់ទំនងជាមួយ សេអ៊ីអា និងវៀតណាម ⁸ ។

កំណត់សម្គាល់

នង សួន (ជ័យ) មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធីចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញមិនអាចចាត់ទុកជាសំអាងហេតុនៃពិរុទ្ធភាពប្រឆាំងនឹងគាត់នោះឡើយ។

ព័ត៌មានខ្លះអាចយកចេញពីចម្លើយសារភាពដែលទទួលបានក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះគួរពិនិត្យដោយប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។

អូស

១៩៧៥

តុលា

ចាត់តាំងឲ្យទទួលខុសត្រូវផ្នែក “កសិកម្ម” ដោយគណៈកម្មាធិការអចិន្ត្រៃយ៍បក្សកុម្មុយនីស្តកម្ពុជា (“ប.ក.ក”) ក្លាយជាសមាជិកជាន់ខ្ពស់មួយរូបក្នុងចំនោមសមាជិកជាន់ខ្ពស់របស់ ប.ក.ក ទាំង ១៣ ដែលត្រូវបានចាត់តាំងទទួលខុសត្រូវគោលនយោបាយជាក់លាក់។³

១៩៧៦

៧ ឧសភា

ផ្ទេរពីគណៈកម្មាធិការកសិកម្មមកគ្រប់គ្រងគណៈកម្មាធិការពាណិជ្ជកម្ម។⁴

ប្រហែលខែកញ្ញា ឆ្នាំ១៩៧៦

ចាប់ខ្លួននៅព្រលានយន្តហោះក្រោយត្រឡប់មកពីបរទេស ហើយឃុំខ្លួននៅ ស-២១ ហើយត្រូវបាន ឌុច សួរចម្លើយ។⁵

បន្ទាប់ពីថ្ងៃទី១៥ ខែវិច្ឆិកា ឆ្នាំ១៩៧៦

ចាត់ទុកជាអ្នកទោសសំខាន់ម្នាក់ ហើយត្រូវបានសម្លាប់ដោយចាក់ក ក្រោមការឃ្លាំមើលរបស់ ឌុច និងតាមបញ្ជារបស់ សុន សេន។⁶