ប៉ែន នុត

ឈ្មោះក្រៅ : គ្មាន

ប៉ែន នុត (១៩០៦-១៩៨៥) ជានាយករដ្ឋមន្រ្តីរាជរដ្ឋាភិបាលរួបរួមជាតិកម្ពុជា ។ គាត់ចំណាយពេលរស់នៅក្នុងក្រុងភ្នំពេញក្នុងរបបកម្ពុជាប្រជាធិបតេយ្យ រហូតដល់ពេលត្រូវបានគេអមដំណើរទៅស៊ីសុផុន នៅភូមិភាគពាយ័ព្យនៃប្រទេសកម្ពុជា ជាមួយសម្តេចនរោត្តម សីហនុ នៅក្នុងឆ្នាំ ១៩៧៨។

ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។

ការរកឃើញសំខាន់ៗ

អង្គជំនុំជម្រះសាលាដំបូងនៅក្នុង សំណុំរឿង ០០២/០២ ថា:

ពិចារណាសេចក្តីថ្លែងការរបស់ ប៉ែន នុត នៅថ្ងៃទី១៩ ខែមេសា ឆ្នាំ១៩៧៥ ជាភស្តុតាង ⁸ ។
កត់សម្គាល់ថា ប៉ែន នុត បដិសេធ “ថាជាការបំភ្លើសហួសហេតុ” ចំពោះ “ការចោទប្រកាន់ពីការកាប់សម្លាប់ជនក្បត់” ក្នុងក្រុងភ្នំពេញក្រោយថ្ងៃទី១៧ ខែមេសា ឆ្នាំ១៩៧៥ ដោយអះអាងថា ជនក្បត់ត្រូវបានបំផុសឲ្យរត់គេច និងអនុញ្ញាតឲ្យចាកចេញជាច្រើននាក់ ⁹ ។
ពិចារណារបាយការណ៍របស់ក្រសួងការបរទេសបារាំងថា គាត់មិន “មានទស្សនៈច្បាស់អំពីព្រឹត្តិការណ៍កើតឡើងនៅក្នុងប្រទេសកម្ពុជា” ¹⁰ ។
មិនបានផ្តល់ទម្ងន់លើសេចក្តីថ្លែងការណ៍របស់គាត់ ដោយសារលទ្ធភាពអាចផ្តល់ការជឿជាក់លើយោបល់របស់គាត់អំពីព្រឹត្តិការណ៍នៅកម្ពុជាក្រោយថ្ងៃទី១៧ ខែមេសា ឆ្នាំ១៩៧៥ មានលក្ខណៈខ្វះខាត ដោយសារវត្តមានរបស់គាត់នៅប៉េកាំង ¹¹ ។

កំណត់សម្គាល់

ប៉ែន នុត មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធីចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញមិនអាចចាត់ទុកជាសំអាងហេតុនៃពិរុទ្ធភាពប្រឆាំងនឹងគាត់នោះឡើយ។

ព័ត៌មានខ្លះអាចយកចេញពីចម្លើយសារភាពដែលទទួលបានក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះគួរពិនិត្យដោយប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។

អូស

១៩០៦

ថ្ងៃខែឆ្នាំកំណើត¹។

១៩៥០

ពីទសវត្សរ៍ឆ្នាំ១៩៥០ ដល់ឆ្នាំ១៩៦០

ជានាយករដ្ឋមន្រ្តី នៅក្នុងជួររដ្ឋាភិបាលជាច្រើនក្រោមរបប សីហនុ²។

១៩៧៥

តុលា

ទទួលបេសកជនពីសាធារណរដ្ឋ
ប្រជាធិបតេយ្យវៀតណាម ជាមួយ ខៀវ សំផន³។

១៩៧៦

ពីឆ្នាំ១៩៧៦ ដល់ឆ្នាំ១៩៧៨

ចុះពិនិត្យជនបទជាមួយសម្តេច នរោត្តម សីហនុ ដើម្បីពង្រឹងសីលធម៌ប្រជាជន និងផ្សាយជាសាធារណៈគាំទ្រដល់របបខ្មែរក្រហម⁴។

៣០ មីនា

តែងតាំងជាអនុប្រធានទី១ នៃប្រធានរដ្ឋ ដោយ គណៈមជ្ឈិម និងក្រោយមកជំនួសដោយ សោ ភឹម⁵។

១៩៧៨

១ មករា

បញ្ជាដោយ ប៉ុល ពត ឲ្យចាកចេញ និងអមដំណើរទៅស៊ីសុផន ជាមួយសម្តេច សីហនុ និងគ្រួសារ⁶។

១៩៨៥

ទទួលមរណភាពក្នុងពេលនិរទេសនៅបារាំង⁷។