profile

ប៉ុល ពត

ឈ្មោះក្រៅ : អ៊ុំ,1 អ៊ុំប៉ុល,2 បង លេខ ១ ឬ បងទី១, ប៉ុល, ភេម, ៩៩, សាឡុត ស3

ប៉ុល ពត (១៩២៥-១៩៩៨) គឺជាអគ្គលេខាធិការនៃ បក្សកុម្មុយនីស្តកម្ពុជា (“ប.ក.ក”) និង នាយករដ្ឋមន្រ្តីកម្ពុជាប្រជាធិបតេយ្យ។ គាត់ទទួលមរណភាពដោយ​សាររោគគាំងបេះដូងនៅក្នុងឆ្នាំ១៩៩៨ ក្នុងពេល​រស់នៅដោយមានសេរីភាព​នៅព្រំដែន កម្ពុជា-ថៃ។

ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។

https://backend.eccc.gov.kh/uploads/pol_pot_detail_1b4b51185a.png

ការរកឃើញសំខាន់ៗ

អង្គជំនុំជម្រះសាលាដំបូងនៅក្នុងសំណុំរឿង ០០២/០១ និងសំណុំរឿង ០០២/០២ បានរកឃើញថា ប៉ុល ពត:
  • ជាសមាជិកសហឧក្រិដ្ឋកម្មរួម ជាមួយមេដឹកនាំ ប.ក.ក ដោយមានគោលបំណងរួម “បង្កើត​បដិវត្តន៍​សង្គមនិយម​យ៉ាងឆាប់រហ័សតាមរយៈមធ្យោបាយ​ចាំបាច់តាម ‘សន្ទុះមហាលោតផ្លោះ’ និងដើម្បី​ការពារបក្សប្រឆាំងនឹងសត្រូវផ្ទៃក្នុង ក៏ដូចជាសត្រូវខាងក្រៅ” 24 ។
  • អនុវត្ត​អំណាចសេចក្តីសម្រេច​ចុងក្រោយ​នៅក្នុងរបបកម្ពុជាប្រជាធិបតេយ្យ​ ជាមួយ នួន ជា រៀបចំ​លក្ខន្តិកៈ ប.ក.ក លើកដំបូង ជាមួយ នួន ជា និងបង្កើតមាគ៌ានយោបាយបក្ស 25 ។
  • ជួបជាញឹកញាប់ជាមួយ ខៀវ សំផន, នួន ជា និង​មេដឹកនាំ ប.ក.ក ផ្សេងទៀត​ ពាក់ព័ន្ធនឹង​ការបន្តធ្វើបដិវត្តន៍ និងគ្រប់គ្រងការងាររដ្ឋបាលនៅតំបន់រំដោះ 26 ។
  • ធ្វើដំណើរទូទាំងប្រទេសជាមួយ នួន ជា និងមេដឹកនាំ ប.ក.ក ផ្សេងទៀត ផ្សព្វផ្សាយមាគ៌ាបក្ស ដល់លេខាភូមិភាគ និងតំបន់ សមាជ និង​គណៈកម្មាធិការ និង​ដឹកនាំវគ្គរៀនសូត្រនៅក្នុងក្រុងភ្នំពេញ 27 ។
  • រៀបចំផែនការជម្លៀស​ប្រជាជន​ពីក្រុងទៅកាន់ទីជនបទ 28 ។
  • សរសើរ​ការបង្កើត និងការពង្រីកសហករណ៍ និងប្រមូលកម្លាំងរាប់ពាន់នាក់នៅការដ្ឋានការងារ ដើម្បីកសាងប្រព័ន្ធប្រឡាយទឹក 29 ។
  • បានដឹងអំពីវិធានការ​ប្រឆាំងជនក្បត់នៅក្នុងជួរបដិវត្តន៍​យោងតាមសេចក្តីសម្រេចរបស់គណៈមជ្ឈិម ដែលផ្តល់សិទ្ធិឲ្យថ្នាក់ក្រោម “មានសិទ្ធិកម្ទេចទាំងនៅក្នុងជួរ និងនៅក្រៅជួរ” 30 ។
  • អមដំណើរឧបនាយករដ្ឋមន្រ្តីចិន ជិន​​ យ៉ុងគួយ ក្នុងដំណើរទស្សនកិច្ច​នៅទំនប់ត្រពាំងថ្ម និងភូមិភាគបូព៌ាជាមួយមេដឹកនាំជាន់ខ្ពស់ ប.ក.ក ផ្សេងទៀត 31 ។
  • ទស្សនកិច្ចទំនប់ ១ មករា ​ជាច្រើនសាជាមួយ នួន ជា 32 ។
  • បញ្ជាឲ្យបោសសម្អាតភូមិភាគបូព៌ា និងវ៉ៃវៀតណាមក្នុងឆ្នាំ១៩៧៧ 33 ។
  • ដាក់ចេញ គោលនយោបាយ ប.ក.ក “១ ទល់ ៣០” ​មានន័យថា ប្រជាជនខ្មែរ​ម្នាក់ៗត្រូវសម្លាប់យ៉ាងហោចណាស់ វៀតណាម ៣០នាក់ 34 ។
  • លើកឡើងអំពីវត្តមានខ្មាំងនៅក្នុងប្រទេសក្នុងពេលអង្គមីទ្ទីង​ និង​វគ្គអប់រំនយោបាយ 35 ។

កំណត់សម្គាល់

ប៉ុល ពត មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធី​ចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញ​មិនអាចចាត់ទុកជាសំអាងហេតុនៃពិរុទ្ធភាព​ប្រឆាំងនឹង​គាត់នោះឡើយ។

ព័ត៌មាន​ខ្លះ​អាចយកចេញពីចម្លើយសារភាពដែលទទួលបាន​ក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះ​គួរពិនិត្យ​ដោយ​ប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។

អូស

១៩២៥

១៩ ឧសភា
ថ្ងៃខែឆ្នាំកំណើត4។

១៩៤០

ទសវត្សរ៍ឆ្នាំ១៩៤០
ចូលរៀននៅវិទ្យាល័យព្រះស៊ីសុវត្ថិក្នុងក្រុងភ្នំពេញ នៅទីនោះគាត់បានជួប អៀង សារី5។

១៩៥០

ពីឆ្នាំ១៩៥០ ដល់ឆ្នាំ១៩៥៣
សមាជិកក្រុម “ម៉ាក្សស៊ីស” ក្នុងពេល​សិក្សានៅបារាំងរួមជាមួយនិស្សិតខ្មែរផ្សេងទៀត​ ដូចជា អៀង សារី, អៀង ធីរិទ្ធ និង សុន សេន6។

១៩៥៨

ពីឆ្នាំ១៩៥៨ ដល់ឆ្នាំ១៩៦០
រៀបចំសេចក្តីព្រាងលក្ខន្តិកៈបក្សលើកទី១ រួមជាមួយ នួន ជា និងអ្នកផ្សេងទៀតបានចាប់​ផ្តើម​រៀបចំមាគ៌ានយោបាយបក្ស7។

១៩៦០

ក្លាយជាសមាជិកគណៈអចិន្រ្តៃយ៍នៃបក្សពលករកម្ពុជា ជាមួយ ទូ សាមុត, នួន ជា និង អៀង សារី រួមជាមួយអ្នកផ្សេងទៀត8។

១៩៦៣

តែងតាំងជាលេខាបក្សនៅសមាជបក្សលើកទី២ ក្រោយ ទូ សាមុត ទទួលមរណភាព9។
ពីឆ្នាំ១៩៦៣​ ដល់ឆ្នាំ១៩៦៤
ជាជនឆ្វេងនិយមម្នាក់ក្នុងចំណោម ៣៤នាក់ ដែលគេសង្ស័យថាជា “ជនឆ្វេងនិយម” នៅក្នុងបញ្ជីឈ្មោះ ដែលបានផ្សាយដោយ នរោត្តម សីហនុ10។

១៩៦៥

ពីឆ្នាំ១៩៦៥ ដល់ឆ្នាំ១៩៦៦
ធ្វើទស្សនកិច្ចនៅវៀតណាម និងចិន ដើម្បីដាក់ចេញមាគ៌ាយុទ្ធសាស្រ្ត ប.ក.ក11។

១៩៧១

ធ្វើជាអធិបតីក្នុងសមាជបក្សលើកទី៣ ជាមួយ 
នួន ជា12។

១៩៧៤

មិថុនា
ជួបជាមួយ មេដឹកនាំ ប.ក.ក នៅភូមិមាឃ​ ឃុំព្រែកកក់ ដើម្បីពិភាក្សាផែនការវាយសម្រុក​ចុងក្រោយ និងជម្លៀសក្រុងភ្នំពេញ និងទីប្រជុំជនផ្សេងទៀត13។

១៩៧៥

មេសា
ជួបញឹកញាប់ជាមួយមេដឹកនាំ ប.ក.ក ជាន់ខ្ពស់ផ្សេងទៀតនៅលំនៅដ្ឋានរបស់គាត់​នៅ ក-១ ក្នុងក្រុងភ្នំពេញ14។
មិថុនា
បង្គាប់ឲ្យ​ចាប់ កុយ ធួន និងទៅហាណូយ ជាមួយ 
នួន ជា ដើម្បីពិភាក្សាការប៉ះទង្គិច​នៅតាមព្រំដែនជាមួយមេដឹកនាំសាធារណរដ្ឋសង្គមនិយមវៀតណាម 
ង្វៀន វ៉ាន់លីញ (Nguyen Van Linh)15។
២២ កក្កដា
ចូលរួមអង្គមីទ្ទីង ប.ក.ក នៅស្តាតអូឡាំពិក ក្នុងក្រុងភ្នំពេញ ដើម្បីប្រកាសអំពីការបង្កើត កងទ័ពបដិវត្តន៍កម្ពុជាថ្មីមួយ និងកងពល ៨០១16។

១៩៧៦

មេសា
តែងតាំងជានាយករដ្ឋមន្រ្តីកម្ពុជាប្រជាធិបតេយ្យ17។
កញ្ញា
បានសម្រាកមិនបំពេញភារកិច្ចជានាយករដ្ឋមន្រ្តី ប៉ុន្តែបន្តធ្វើបឋកថា នៅ ឬ ចូលរួមវគ្គ​បណ្តុះបណ្តាលនយោបាយរហូតដល់ ១៩៧៧18។

១៩៧៧

២៧ កញ្ញា​
ប្រកាសជាសាធារណៈអំពីអត្ថិភាព នៃ ប.ក.ក នៅអង្គមីទ្ទីង19។

១៩៧៨

ដើមឆ្នាំ ១៩៧៨
ដាក់ចេញ គោលនយោបាយ ប.ក.ក “១ ទល់ ៣០” ​មានន័យថា ប្រជាជនខ្មែរម្នាក់ត្រូវ​សម្លាប់យ៉ាងហោចណាស់ វៀតណាម ៣០នាក់ និងចូលរួមកិច្ចប្រជុំ​នៅបឹងត្របែក ដែលនៅទីនោះ សុន សេន បានប្រកាស​ផែនការ​បោសសម្អាតកម្មាភិបាលភូមិភាគបូព៌ា20។

១៩៧៩

ជួបជាមួយ អៀង សារី និង ខៀវ សំផន នៅខេត្ត
ពោធិ៍សាត់ក្រោយដួលរលំរបប នៃ ប.ក.ក ក្នុងខែមករា ឆ្នាំ១៩៧៩ ដើម្បីដឹកនាំ​ការប្រយុទ្ធជាមួយ វៀតណាម21។
សីហា
កាត់ទោស​កំបាំងមុខ រួមជាមួយ អៀង សារី ផ្តន្ទាទោសប្រហារជីវិតដោយតុលាការបដិវត្តន៍ប្រជាជន22។

១៩៩៨

១៥ មេសា
ទទួលមរណភាពនៅជំរំខ្មែរក្រហម​នៅព្រំដែនកម្ពុជា-ថៃ23។