សុន សេន
ឈ្មោះក្រៅ : “បង ខៀវ”,1 បង ៨៩,2 បង ៦២,3 គីម,4 ៤៧5
សុន សេន (១៩៣០-១៩៩៧) គឺជាសមាជិកគណៈយោធាមជ្ឈិម សមាជិកពេញសិទ្ធិគណៈអចិន្រ្តៃយ៍ ប្រធានអគ្គសេនាធិការ និងសន្តិសុខ និងឧបនាយករដ្ឋមន្រ្តីការពារជាតិ។ គាត់ និងគ្រួសារត្រូវបានសម្លាប់តាមបញ្ជារបស់ ប៉ុល ពត។
ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។
ការរកឃើញសំខាន់ៗ
អង្គជំនុំជម្រះសាលាដំបូងនៅក្នុងសំណុំរឿង ០០២/០១ និងសំណុំរឿង ០០២/០២ បានរកឃើញថា សុន សេន៖
- គឺជាសមាជិកសហឧក្រិដ្ឋកម្មរួម ជាមួយមេដឹកនាំ ប.ក.ក ដោយមានគោលបំណងរួម “បង្កើតបដិវត្តន៍សង្គមនិយមយ៉ាងឆាប់រហ័សតាមរយៈមធ្យោបាយចាំបាច់តាម ‘សន្ទុះមហាលោតផ្លោះ’ និងដើម្បីការពារបក្សប្រឆាំងនឹងសត្រូវផ្ទៃក្នុង ក៏ដូចជាសត្រូវខាងក្រៅ” 24 ។
- ទំនងជាសមាជិកគណៈអចិន្រ្តៃយ៍ បានចូលរួមសមាជបក្ស និងកិច្ចប្រជុំផ្សេងទៀត ដែលមានការពិភាក្សា និងសម្រេចលើមាគ៌ាបក្ស 25 ។
- មានសិទ្ធិអំណាចផ្នែកយោធា ចេញសេចក្តីណែនាំ និងគោលការណ៍ណែនាំនយោបាយឲ្យទៅមេបញ្ជការ និងមេបញ្ជាការរងកងពលធំ និងកងវរសេនាធំឯករាជ្យ 26 ។
- បញ្ជូនសារជាលាយលក្ខណ៍អក្សរ និងរបាយការណ៍ ទទួលបានពីមេបញ្ជាការយោធាជូនទៅមេដឹកនាំ ប.ក.ក រួមទាំង នួន ជា ដោយមានចំណារ និងស្នើសុំការណែនាំ 27 ។
- ធ្វើជាប្រធានគណៈកម្មាធិការ ទទួលការងារចាត់ចែងការជម្លៀសចេញពីក្រុងភ្នំពេញ 28 ។
- បញ្ជាឲ្យបោសសម្អាតកម្មាភិបាលភូមិភាគបូព៌ា និងបញ្ជូនកម្មាភិបាលភូមិភាគនិរតីទៅភូមិភាគបូព៌ា ដើម្បីប្រឆាំងវៀតណាម និង “បោសសម្អាត” អ្នកដែលត្រូវបានចោទថាចូលដៃជាមួយវៀតណាម 29 ។
- ទទួលខុសត្រូវ ស-២១ ជាប្រធានរបស់ ឌុច និងបង្កើនការស្វែងរក “ជនក្បត់” នៅ ស-២១ អ្នកដែលត្រូវគេឆ្លើយដាក់ថាជា សេអ៊ីអា កាហ្សេបេ ឬ គិញវៀតណាម 30 ។
- រៀបចំវគ្គរៀនសូត្រជូនបុគ្គលិក ស-២១ ក្នុងពេលនោះមានការពិភាក្សាអំពីការកសាងប្រទេស ការបង្កបង្កើនកសិកម្ម យុទ្ធសាស្រ្តយោធា និងសារសំខាន់នៃទស្សនាវដ្តី ទង់បដិវត្តន៍ 31 ។
- ជួបពិភាក្សាយោបល់ជាមួយ នួន ជា អំពីបុគ្គលណាខ្លះអាចត្រូវចាប់ខ្លួន ក្រោយមានការឆ្លើយដាក់ និងបញ្ជូនសំណៅចម្លើយសារភាពទៅប្រធានអង្គភាព 32 ។
- ចូលរួមអន្តរាគមន៍ដោយផ្ទាល់នៅក្នុងការចាប់ខ្លួន និងសួរចម្លើយអ្នកទោសសំខាន់ៗ 33 ។
- បន្តទទួលបានការជូនដំណឹងអំពីស្ថានការណ៍នៅក្នុងកងពល ៨០១ រួមទាំងការសួរចម្លើយនៅមន្ទីរសន្តិសុខអូរកន្សែង មានសិទ្ធិអំណាចរួមលើមន្ទីរសន្តិសុខ និងបញ្ជូនព័ត៌មានបន្តឲ្យទៅថ្នាក់លើមុនពេលណែនាំថ្នាក់ក្រោមៗ 34 ។
កំណត់សម្គាល់
សុន សេន មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធីចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញមិនអាចចាត់ទុកជាសំអាងហេតុនៃពិរុទ្ធភាពប្រឆាំងនឹងគាត់នោះឡើយ។
ព័ត៌មានខ្លះអាចយកចេញពីចម្លើយសារភាពដែលទទួលបានក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះគួរពិនិត្យដោយប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។
អូស
១៩៣០
១៩៤០
ពីទសវត្សរ៍ឆ្នាំ១៩៤០ ដល់ឆ្នាំ១៩៥០
សមាជិក “ក្រុមម៉ាក្សស៊ីស” នៅពេលសិក្សានៅបារាំងជាមួយនិស្សិតខ្មែរផ្សេងទៀត រួមមាន
ប៉ុល ពត, អៀង សារី និង អៀង ធីរិទ្ធ7។
ប៉ុល ពត, អៀង សារី និង អៀង ធីរិទ្ធ7។
១៩៦០
ថ្ងៃទី៣០ ខែកញ្ញា ដល់ថ្ងៃទី២ ខែតុលា
១៩៦៣
តែងតាំងចូលគណៈមជ្ឈិម និងរត់ទៅព្រំដែនវៀតណាម ក្រោយមានឈ្មោះសង្ស័យជា “ជនឆ្វេងនិយម” ក្នុងចំណោម ៣៤នាក់ នៅក្នុងបញ្ជីឈ្មោះចេញផ្សាយដោយ សម្តេចនរោត្តម សីហនុ9។
១៩៧០
ចាប់ពីឆ្នាំ១៩៧០
១៩៧៣
ពាក់កណ្តាលឆ្នាំ១៩៧៣
១៩៧៤
មិថុនា
ជួបជាមួយមេដឹកនាំ ប.ក.ក នៅភូមិមាឃ ឃុំព្រែកកុក ពិភាក្សាផែនការវាយសម្រុកចុងក្រោយ និងជម្លៀសក្រុងភ្នំពេញ និងទីប្រជុំជនផ្សេងទៀត12។
១៩៧៥
ដើមខែមេសា ឆ្នាំ១៩៧៥
ជួបជាមួយមេដឹកនាំ ប.ក.ក ដើម្បីសម្រេចចុងក្រោយការជម្លៀសក្រុង និងធ្វើជាសហប្រធានគណៈកម្មាធិការ ចាត់ចែងការជម្លៀសក្រុងភ្នំពេញ13។
ក្រោយថ្ងៃទី១៧ ខែមេសា ឆ្នាំ១៩៧៥
១៥ សីហា
រៀបចំផែនការបង្កើត ស-២១ ជាមួយ ឌុច និង អ៊ិន លន (ណាត) តែងតាំងពួកគេជាអនុប្រធាន និងប្រធាន ស-២១ ហើយ នៅបន្តជាប្រធានរបស់ ឌុច រហូតដល់ ១៥ សីហា ១៩៧៧15 ។
៩ តុលា
១៩៩១
មានវត្តមាននៅពេលចុះហត្ថលេខាកិច្ចព្រមព្រៀងទីក្រុងប៉ារីស និងមានឈ្មោះជាសមាជិកក្រុមប្រឹក្សាជាតិជាន់ខ្ពស់នៃកម្ពុជាជាមួយ ខៀវ សំផន22។
១៩៩៧
១០ មិថុនា
ឯកសារពាក់ព័ន្ធ
ដីកាដំណោះស្រាយ
- ដីកាដំណោះស្រាយក្នុងសំណុំរឿង ០០២/០២ ឯកសារ D427 ជំពូកទី១ ការកត់សម្គាល់ឃើញអំពីអង្គហេតុ I. បរិបទប្រវត្តិសាស្រ្ត និង II. រចនាសម្ព័ន្ធរដ្ឋបាល។
- ដីកាសម្រេចលើកលែងការចោទប្រកាន់ក្នុងសំណុំរឿង ០០៣, ឯកសារ D266: ២. រចនាសម្ព័ន្ធរដ្ឋបាល ៣. អង្គហេតុ ៤. គោលនយោបាយបោសសម្អាតនៅក្នុងជួរយោធា ៥. តួនាទី និងការចូលរួមរបស់ មាស មុត ៦. សំអាងហេតុ និងសន្និដ្ឋាន។
- ដីកាដំំណោះស្រាយ (ដីកាបញ្ជូនរឿងទៅជំនុំជម្រះ) ក្នុងសំណុំរឿង ០០៣ ឯកសារ D267: ៥. ការវិភាគអង្គហេតុ និងសំអាងហេតុ ៦. ការយល់ឃើញផ្នែកច្បាប់ស្តីពីបញ្ហាយុត្តាធិការបុគ្គល។
សាលក្រម
- សាលក្រមសំណុំរឿង ០០២/០១ ឯកសារ E313: ៣. បរិបទប្រវត្តិសាស្រ្ត ២.២.១. រចនាសម្ព័ន្ធបក្សកុម្មុយនីស្តកម្ពុជា។
- សាលក្រមសំណុំរឿង ០០២/០២ ឯកសារ E465: ៣. បរិបទប្រវត្តិសាស្រ្ត ៥. រចនាសម្ព័ន្ធរដ្ឋបាល។
ភស្តុតាង
- កំណត់ហេតុនៃការប្រជុំលេខា អនុលេខាកងពល លេខា និងអនុលេខាកងវរសេនាធំ ២ សីហា ១៩៧៦ ឯកសារ E3/37។
- កំណត់ហេតុនៃការប្រជុំលេខា អនុលេខាកងពល លេខា និងអនុលេខាកងវរសេនាធំ ១៨ សីហា ១៩៧៦ ឯកសារ E3/797។
- កំណត់ហេតុនៃការប្រជុំលេខា អនុលេខាកងពល លេខា និងអនុលេខាកងវរសេនាធំ ៣០ សីហា ១៩៧៦ ឯកសារ E3/149។
- កំណត់ហេតុនៃការប្រជុំលេខា អនុលេខាកងពល លេខា និងអនុលេខាកងវរសេនាធំ ៩ តុលា ១៩៧៦ ឯកសារ E3/13។
- កំណត់ហេតុនៃការប្រជុំលេខា អនុលេខាកងពល លេខា និងអនុលេខាកងវរសេនាធំ ១១ វិច្ឆិកា ១៩៧៦ ឯកសារ E3/802។
- កំណត់ហេតុនៃការប្រជុំលេខា អនុលេខាកងពល លេខា និងអនុលេខាកងវរសេនាធំ ១៦ ធ្នូ ១៩៧៦ ឯកសារ E3/804។
- កំណត់ហេតុនៃការប្រជុំរបស់សមមិត្ត តាល់ កងពល ២៩០ និងកងពល ១៧០, ១៦ កញ្ញា ១៩៧៦ ឯកសារ E3/4175។
- កំណត់ហេតុកិច្ចប្រជុំជាមួយមន្ទីរអង្គការ ៧០៣ និង ស-២១ ៩ កញ្ញា ឯកសារ E3/811។
- កំណត់ហេតុនៃកិច្ចប្រុំលេខា និងអនុលេខាកងពលធំ និងកងវរសេនាធំឯករាជ្យ ១៦ កញ្ញា ១៩៧៦ ឯកសារ E3/150។
- កំណត់ហេតុនៃកិច្ចប្រជុំសមមិត្ត តាល់ កងពល ២៩០ និងកងពល ១៧០, ១៦ កញ្ញា ១៩៧៦ ឯកសារ E3/822។
- កំណត់ហេតុនៃកិច្ចប្រជុំពេញអង្គ កងពល ៩២០, ៧ កញ្ញា ១៩៧៦ ឯកសារ E3/799។
- កំណត់ហេតុនៃកិច្ចប្រជុំលេខា និងភស្តុភាររបស់កងពល និងកងវរសេនាធំអំពីសភាពការណ៍ខ្មាំង និងបក្ស ១៩ តុលា ១៩៧៦ ឯកសារ E3/810។
- សារទូរលេខ កម្ពុជាប្រជាធិបតេយ្យ ការណែនាំ ១៦៤, ៤ វិច្ឆិកា ១៩៧៦ ឯកសារ E3/1151។