សឿ វ៉ាស៊ី

ឈ្មោះក្រៅ : ឌឿន¹

សឿ វ៉ាស៊ី (មិនបានដឹង -១៩៧៧) ជាប្រធាន មន្ទីរ ៨៧០ និង រដ្ឋមន្រ្តីក្រសួងពាណិជ្ជកម្ម។ គាត់ត្រូវបានឃុំខ្លួននៅ ស-២១ និងក្រោយមកសម្លាប់ចោល។

ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។

ការរកឃើញសំខាន់ៗ

អង្គជំនុំជម្រះសាលាដំបូងនៅក្នុងសំណុំរឿង ០០២/០១ និងសំណុំរឿង ០០២/០២ បានរកឃើញថា សឿ វ៉ាស៊ី:

មិនមែនជាសមាជិកគណៈអចិន្រ្តៃយ៍ ទោះបីជាបានចូលរួមកិច្ចប្រជុំគណៈអចិន្រ្តៃយ៍ជាច្រើនលើកក៏ដោយ ¹⁰ ។
ជាប្រធាន មន្ទីរ ៨៧០ បានដឹងអំពីការងារអនុវត្តគោលនយោបាយ បានទទួលរបាយការណ៍ពីភូមិភាគ និងទទួលការងារនយោបាយ ¹¹ ។

កំណត់សម្គាល់

សឿ វ៉ាស៊ី (ឌឿន) មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធីចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញមិនអាច ចាត់ទុកជាសំអាងហេតុនៃពិរុទ្ធភាពប្រឆាំងនឹងគាត់នោះឡើយ។

ព័ត៌មានខ្លះអាចយកចេញពីចម្លើយសារភាពដែលទទួលបានក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះគួរពិនិត្យដោយប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។

អូស

១៩៧៥

ពីឆ្នាំ១៩៧៥ ដល់ឆ្នាំ១៩៧៧

សមាជិក គណៈមជ្ឈិម²។

តុលា

តែងតាំងជាប្រធានមន្ទីរនយោបាយ ៨៧០ មើលការងារអនុវត្តសេចក្តីសម្រេចរបស់ គណៈអចិន្រ្តៃយ៍³។

១៩៧៦

មេសា

ចាត់តាំងឲ្យទៅជួយគណៈកម្មាធិការពាណិជ្ជកម្មបណ្តោះអាសន្ន⁴។

ចុងខែតុលា ឆ្នាំ១៩៧៦

ឈប់ទទួលរបាយការណ៍ ពីគណៈកម្មាធិការពាណិជ្ជកម្ម ដោយសាររបបរាយការណ៍បានប្តូរប្រគល់ឲ្យ ខៀវ សំផន វិញ⁶។

១៩៧៧

មុនខែមករា ឆ្នាំ១៩៧៧

ជំនួស កុយ ធួន ជា រដ្ឋមន្រ្តីក្រសួងពាណិជ្ជកម្ម⁵។

ចុងខែមករា ដល់ខែកុម្ភៈ ឆ្នាំ១៩៧៧

ចាប់ខ្លួន បញ្ជូនទៅ ស-២១ និងធ្វើទារុណកម្មក្រោយមានពាក្យចចាមរ៉ាមអំពីកំហុសសីលធម៌ និងមានការឆ្លើយដាក់នៅក្នុងចម្លើយសារភាពរបស់ កុយ ធួន⁷។

ឧសភា

សរសេរសំបុត្រទៅ ឌុច រៀបរាប់អំពីទារុណកម្មមកលើគាត់ និងហេតុអ្វីជនបដិវត្តន៍បានទទួលទារុណកម្មបែបនេះ⁸។

ក្រោយខែឧសភា ឆ្នាំ១៩៧៧

សម្លាប់ចោលនៅ ស-២១⁹។