តាម៉ុក
ឈ្មោះក្រៅ : ឈិត ជឿន,1 អ៊ុង ជឿន, តាម៉ុក2 តា ១៥,3 បងទី ៤4
តាម៉ុក ឬ ឈិត ជឿន (១៩២៥-២០០៦) គឺជាអនុទីពីរ នៃ ប.ក.ក អនុប្រធានគណៈកម្មាធិការយោធា ប.ក.ក លេខាភូមិភាគនិរតី និងសមាជិកគណៈកម្មាធិការមជ្ឈិម និងគណៈអចិន្រ្តៃយ៍។ គាត់ត្រូវបានចាប់ខ្លួនដោយយោធាកម្ពុជា ឃុំខ្លួន និងទទួលមរណភាពក្នុងពេលរង់ចាំការជំនុំជម្រះ។
ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។
ការរកឃើញសំខាន់ៗ
- ជាសមាជិកសហឧក្រិដ្ឋកម្មរួម ជាមួយមេដឹកនាំ ប.ក.ក ដោយមានគោលបំណងរួម “បង្កើតបដិវត្តន៍សង្គមនិយមយ៉ាងឆាប់រហ័ស តាមរយៈមធ្យោបាយចាំបាច់តាម ‘សន្ទុះមហាលោតផ្លោះ’ និងដើម្បីការពារបក្សប្រឆាំងនឹងសត្រូវផ្ទៃក្នុង ក៏ដូចជាសត្រូវខាងក្រៅ” 19 ។
- មានតួនាទីលេចធ្លោ រយៈពេលយូរ នៅក្នុង ប.ក.ក ពី ១៩៧៥-១៩៧៩ 20 ។
- ជួបជាញឹកញាប់ជាមួយសមាជិកគណៈអចិន្រ្តៃយ៍ និងចូលរួមសន្និបាតបក្ស និងកិច្ចប្រជុំផ្សេងទៀត របស់មជ្ឈិម នៅក្នុងក្រុងភ្នំពេញ ឬ ភូមិភាគរបស់គាត់ រួមទាំងកិច្ចប្រជុំដែលមានការពិភាក្សាផែនការជម្លៀសក្រុងផងដែរ 21 ។
- គ្រប់គ្រងអង្គភាពយោធាដោយផ្ទាល់នៅក្នុងអំឡុងពេលជម្លៀសក្រុងភ្នំពេញ 22 ។
- រៀបចំកិច្ចប្រជុំមួយនៅផ្ទះក្នុងខេត្តតាកែវ ដើម្បីជូនដំណឹងដល់មេបញ្ជាការយោធាថា គណៈអចិន្រ្តៃយ៍ បានសម្រេចចិត្តបោសសម្អាតភូមិភាគបូព៌ា, និងក្រោយមក លើកឡើងអំពីការត្រៀមកម្លាំង 23 ។
- បញ្ជូនកងកម្លាំងភូមិភាគនិរតីទៅភូមិភាគបូព៌ា ដើម្បីប្រយុទ្ធនឹងកងកម្លាំងវៀតណាម និង “បោសសម្អាត” អ្នកដែលចូលដៃជាមួយ វៀតណាម (ពោលគឺ ធ្វើការបោសសម្អាតកម្មាភិបាលភូមិភាគបូព៌ា) 24 ។
- បញ្ជាចាប់ខ្លួន តា កឺ អនុលេខា ភូមិភាគពាយ័ព្យ និង វន វ៉េត 25 ។
- ចូលរួមកិច្ចប្រជុំជាមួយមេដឹកនាំកំពូល ប.ក.ក និងមេបញ្ជាការយោធាមួយចំនួនទៀត នៅក្នុងពេលនោះ សោ ភឹម និងសមាជិកភូមិភាគបូព៌ា ផ្សេងទៀត ត្រូវបានប្រកាសថាជាខ្មាំងស៊ីរូងផ្ទៃក្នុង ដែលត្រូវបោសសម្អាត 26 ។
- បញ្ជូនបន្តការណែនាំឲ្យរៀបការជាមួយយុទ្ធជនពិការ 27 ។
- ចូលរួមនៅក្នុងការរៀបចំរបាយការណ៍ជាច្រើនរវាងតំបន់ ១៣ ដែលចាត់ចែងដោយផ្ទាល់មន្ទីរសន្តិសុខក្រាំងតាចាន់ និងចុះពិនិត្យសហករណ៍ដោយផ្ទាល់ 28 ។
កំណត់សម្គាល់
ឈិត ជឿន (តាម៉ុក) មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធីចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញមិនអាចចាត់ទុកជាសំអាងហេតុនៃពិរុទ្ធភាពប្រឆាំងនឹងគាត់នោះឡើយ។
ព័ត៌មានខ្លះអាចយកចេញពីចម្លើយសារភាពដែលទទួលបានក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះគួរពិនិត្យដោយប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។
អូស
១៩២៥
១៩៦៣
១៩៦៨
១៩៧០
១៩៧៥
១៩៧៩
១៩៩៧
១៩៩៩
២០០៦
ឯកសារពាក់ព័ន្ធ
- ដីកាដំណោះស្រាយក្នុងសំណុំរឿង ០០២/០២ ឯកសារ D427: ជំពូកទី១: ការកត់សម្គាល់ឃើញអំពីអង្គហេតុ I. បរិបទប្រវត្តិសាស្រ្ត II. រចនាសម្ព័ន្ធរដ្ឋបាល។
- ដីកាសម្រេចលើកលែងការចោទប្រកាន់ក្នុងសំណុំរឿង ០០៣ ឯកសារ D266: ៣. អង្គហេតុ ជំពូកទី ៤. ឧក្រិដ្ឋកម្មប្រព្រឹត្តដោយកងទ័ពជើងទឹកកម្ពុជាប្រជាធិបតេយ្យ នៅលើដែនទឹក និងកោះរបស់កម្ពុជា។
- ដីកាដំំណោះស្រាយ (ដីកាបញ្ជូនរឿងទៅជំនុំជម្រះ) ក្នុងសំណុំរឿង ០០៣ ឯកសារ D267: ៥.២. ការកត់សម្គាល់ឃើញអំពីអង្គហេតុស្តីពីសហឧក្រិដ្ឋកម្មរួម ៥.៦ ឧក្រិដ្ឋកម្មប្រឆាំងនឹងសមាជិកកងពល ១៦៤, ៥០២, ៣១០ និង ១១៧។
- ដីកាសម្រេចលើកលែងចោទប្រកាន់ក្នុងសំណុំរឿង ០០៤/១ ឯកសារ D308/3: ៤.៣ កម្មាភិបាលភូមិភាគនិរតី គ្រប់គ្រងភូមិភាគពាយ័ព្យ។
- ដីកាដំណោះស្រាយ (ដីកាបញ្ជូនរឿងទៅជំនុំជម្រះ) ក្នុងសំណុំរឿង ០០៤ ឯកសារ D382: ៥.២.២ សហឧក្រិដ្ឋកម្មរួម នៅភូមិភាគពាយ័ព្យ ៦. សំអាងច្បាប់ស្តីពីយុត្តាធិការបុគ្គល។
- សំណុំរឿង ០០១ ឯកសារ E188: ២. ផ្នែកសំអាងហេតុ និងសំអាងច្បាប់ ២.២.១. រចនាសម្ព័ន្ធបក្សកុម្មុយនីស្តកម្ពុជា។
- សាលក្រមសំណុំរឿង ០០២/០១ ឯកសារ E313: ៣. បរិបទប្រវត្តិសាស្រ្ត ៥. រចនាសម្ព័ន្ធរដ្ឋបាល ១៤. សហឧក្រិដ្ឋកម្មរួម។
- សាលក្រមសំណុំរឿង ០០២/០២ ឯកសារ E465: ៣. បរិបទប្រវត្តិសាស្រ្ត ៥. រចនាសម្ព័ន្ធរដ្ឋបាល ១២. មន្ទីរសន្តិសុខ ទីកន្លែងសម្លាប់មនុស្ស និងការបោសសម្អាតផ្ទៃក្នុង។
- សារទូរលេខ កម្ពុជាប្រជាធិបតេយ្យ ៨ មេសា ១៩៧៨ ឯកសារ E3/1062 ទំព័រ ១។
- សារទូរលេខយោធា នៃឯកសារកម្ពុជាប្រជាធិបតេយ្យ ចំណងជើងថា សារទូរលេខ លេខ ០២- ប៉ុស្តិ៍វិទ្យុលេខ ១៩១ - បង ប៉ុល ជាទីស្នេហា ៩ មេសា ១៩៧៨ ឯកសារ E3/899។